ZEKALIYA 5
5
Mukanda wakuvunga uli nakutuka
1Ceka nawa ngwandwile meso ami nakutala, kaha kumana, kwapwile mukanda wakuvunga wapwile nakutuka.
2Angwihwile ngwenyi, Unamono ika? Ngwamukumbulwile ngwami, Ngunamono mukanda wakuvunga uli nakutuka. Kusuhwa cawo Uneseka #5.2:Kuvite yapwile kafwe citenda camukonekelo.mujikuvite makumi avali, kaha kutohwa cawo cineseka mujikuvite likumi.
3Kaha angwambile ngwenyi, Eci cikiko cangu cili nakulovoka nakuya kwilu lyamavu kwosena. Mwomwo vexovo veji #Kulo. 20.15; Levi 19.11; Mala. 3.8, 9.kwivanga navakavatetatetako kusali yimwe nganomu caya, kaha vexovo veji #Kulo. 20.7; Levi 19.12.kulixinganga navakavatetatetako kusali yikwavo nganomu caya.
4Yehova wamayongomena ngwenyi, Nangukacilovola, kaha nacikengila muzuvo yamwiji namuzuvo yayou eji kulixinganga lijina lyami mwakwonga, kaha nacikatwamanga muzuvo yenyi, nakuyilalisa navitondo vyayo namalolwayo.
Pwevo natwame mulifwa
5Jino kangelo uze ahanjikile nayami alovokele, angwambile ngwenyi, Andula meso ove umone eli lili nakulovoka.
6Ngwamwihwile ngwami, Likiko lika? Angukumbulwile ngwenyi, Eli likiko #5.6:Lifwa hicesekelo.lifwa lili nakulovoka. Angwambile nawa ngwenyi, Mukiko mucapwa cihanga cavo mulifuci lyosena.
7Jino kumana, vazundwileko #5.7:Talende yapwile citeli cakukulika kuli vatu vavali.talende yasumbu. Ngwenyi, Ou ikiye pwevo natwame mulifwa kana.
8Angwambile ngwenyi, Eci cikiko kuhuka. Amumbilile mulifwa kana, ambilile pezo yize yasumbu kukanwa kalyo.
9Ngwandwile meso ami nakutala, kaha kumana, kwalovokele mapwevo vavali, peho yapwile mumavavavo. Vapwile namavava nge mavava andalangimbu. Valizundwile lize lifwa hakaci kalilu namavu.
10Jino ngwamwihwile kangelo uze ahanjikile nayami ngwami, Ava navatwala lifwa kana kulihi?
11Angukumbulwile ngwenyi, Mangana vakamutungile zuvo mulifuci #Ndanye. 1.1, 2.lyaXinale. Kahomu navakalinga hivanayilongesa lyehi, navakamutumbika kuze kucihela cenyi.
Currently Selected:
ZEKALIYA 5: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
