ZEKALIYA 3
3
Kapolofweto navamumwenesa kapilixitu wakulitulaho Yoxuwa
1Jino angumwenesele #Ezela 5.2.Yoxuwa, ou kapilixitu wakulitulaho, nemana kumeso akangelo kaYehova, kaha Satana nawa nemana kulivoko lyenyi lyacilyo mangana apwenga muka-kumwimanyina nakole.
2Yehova ambile kuli Satana ngwenyi, Ove Satana, Yehova akuhanjikile, ngwenyi, Mwomwo vene, Yehova akuhanjikile, Ou nasakula lyehi Yelusalema. Ou ikiye cijinji calukunyi cakupululula mukakahya nyi?
3Jino Yoxuwa apwile navwale #Ezela 9.15; Isa. 64.6.mahina amajilo, apwile nemana kumeso ayauze kangelo.
4Ahanjikile nakuvamba vaze vemanyine kumeso enyi ngwenyi, Muzulenu mahinenyi amajilo. Amwambile ngwenyi, Tala, ngunakufumisa lyehi kuhengesa cove, nangukuvwika kuvwala caupahu.
5Ngwavambile ngwami, Vamuvwike lihina lyakujinga litoma kumutwe wenyi. Ngoco vamuvwikile lihina lyakujinga litoma kumutwe wenyi, vamuvwikile mahina, kaha uze kangelo kaYehova hanga nemanyinako.
6Kangelo kaYehova amulwezele Yoxuwa ngwenyi,
7Yehova wamayongomena nambe ngwenyi, Nge nautambukanga mujijila jami, nge naulamangoco ngunakuhane kulama, kaha nayove nawa nauyulanga muzuvo yami, naulamanga nawa vipango vyami, kaha nangukakuhana kwakutambuka muli ava vanemana hakamwihi.
8Ove kapilixitu wakulitulaho Yoxuwa, ivwilila jino, nayove navakwenu vatwama kumeso ove nawa, mwomwo vanapu vatu vavinjikizo, xikaho. Mwomwo tala, nangukaneha ngamba yami #6.12; Isa. 4.2; 11.1-5; Yele. 23.5; 33.15, 16.Mutango.
9Mwomwo tala, lilolweli ngunahake kumeso aYoxuwa, kulilolwa limwe kuli #4.10; Miji. 2, 16.9.meso atanu naavali. Tala, nangukolaho mazu akwolaho. Mukiko mwanambe Yehova wamayongomena. Ngwenyi, Kuhengesa califuci lize nangukacifumisa halikumbi limwe kaha.
10Yehova wamayongomena ngwenyi, Halikumbi lize namukasanyika mutu himutu mukwavo muxi yamuvinyo namuxi yamukuyu.
Currently Selected:
ZEKALIYA 3: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
