MAKO 5
5
Muka-ndemone wakuNgelase navamuhindula
(Mateu 8.28-34; Luka 8.26-39)
1Vahetele musali yacijiva, mulifuci lyavaka-Ngelase.
2Omu alingile hanalovoka lyehi muwato, linwomu vene kwamuhumanganyine mutu wakufuma muvimbumbe, apwile naxipilitu wamupi.
3Ikiye atwaminenga muvimbumbe, kaha mutu naumwe pimbi ahaxile ceka kumukasa, cipwe nalilenge.
4Mwomwo vamukaxilenga kakavulu jikuli namalenge, kahaze malenge awambitwojwele mbitumbitu, jize jikuli ajihokwojwele hokohoko, kaha mutu naumwe pimbi apwile nangolo jakumuhombola.
5Makumbi osena, naufuku namusana, atetumukililenga muvimbumbe nakujipili, nakulilemejeka namalolwa.
6Omu amwene Yesu acili kwakusuku, alahilileko, alifukwile kuli Ikiye,
7kaha hakutambakana nalizu lyakukanguka amwambile ngwenyi, Ove Yesu, Ove #Vili. 16.17; Hepe. 17.1.MwanaKalungOu alitulaho, #1.24; Mateu 8.29.unambe kulinga muka nayami? Ngunakuxingi Kalunga ngwami, Kanda unguyanjisako.
8Mwomwo amwambile ngwenyi, Ove xipilitu wamupi, lovoka muli ou mutu, xikaho.
9Kaha amwihwile ngwenyi. Lijina lyove yoveya? Amwambile ngwenyi, Lijina lyami yami Liyongomena, mwomwo tuvavulu, xikaho.
10Amulembelelele cikuma ngwenyi, Kanda utuhanga mulifuci linoko.
11Kaha jino, kuze kujimo lyapili kwapwile utanga wavangulu waunene vapwile nakulya.
12Vaze vaxipilitu vamulembelelele ngwavo, Tutume muli vangulu, mangana twingile muli vakivo.
13Avetavilile. Vaze vaxipilitu vavapi valovokele, vayile nakwingila muli vaze vangulu. Kaha uze utanga wangulumukilile kuze kwakungulumuka cu namucijiva (vapwile kafwe makombakaji avali), kaha vafwile mumeya.
14Tufunga twavo vacinyine, vacambulwile mwimbo lize namulifuci lize. Kaha vatu vayile vakatale cuma kana casolokele nomu cinapu.
15Vahetele kuli Yesu, kaha uze apwile navandemone vamumwene hanatwame lyehi, navwale, naliunjika lyehi, uze vene apwile nalize liyongomena, kaha vevwile woma.
16Vaze vacimwene vavambulilile vize vyamuwanyine uze apwile navandemone, navize vyavawanyine vaze vangulu nawa.
17Kaha vaputukile kumulembelela Yesu ngwavo, afume mulifuci lyavo.
18Omu apwile nakwingila muwato, uze apwile navandemone amulembelelele ngwenyi, amwitavile ayenga nenyi.
19Kamwitavilileko, oloze amwambile ngwenyi, Yakonga kuzuvo yove kuli vakwenu, ukavambulilenga vyuma vyavinene vipwaha nakulingila Mwata, nomu nakutetela.
20Ayile, kaha vyuma vyavinene vize vamulingilile kuli Yesu aputukile kuvyambulula muNdekapole. Kaha vatu vosena valikomokelelenga.
MwanaYailu, napwevo uze asalikile livoko lyenyi kulihina lyaYesu
(Mateu 9.18-26; Luka 8.40-56)
21Omu alingile Yesu hanazauka ceka muwato hanahete musali, kuli Ikiye kwalihomenene liyongomena lyalinene. Apwile kwakamwihi naCijiva.
22Kaha kwejile #Luka 13.14; Vili. 13.15; 18.8, 17.mukulwane #5.22:Tala 1.21.wasunangonga, lijina lyenyi apwile ikiye Yailu, kaha hakumumona alimbilile hamavu kumahinji enyi.
23Amulembelelele cikuma ngwenyi, Mwanami wapwevo wamundende himwafwa. Ngunasakwila mwane, wizenga #6.5; 7.32; 8.23; Vili. 9.17; 28.8.umunangike mavoko ove, mangana ahinduke, ayoye.
24Ayile nenyi. Kaha kwamukavile liyongomena lyalinene lyamuxindakanyine.
25Jino kwapwile pwevo apwilenga namusongo wakuhicisa manyinga myaka likumi nayivali.
26Ayanjile lyehi navyuma vyavivulu kuli vimbuke vavavulu, alingile hanamanyisa lyehi vikumba vyenyi vyosena, cipwe ngoco kalivwileko, oloze musongo wapwile nakuya nakumutekeleka.
27Ikiye hakwivwa puho yaYesu, ejile mulize liyongomena munyima yenyi, asalikile livoko lyenyi kulihina lyenyi.
28Mwomwo alyambilenga ngwenyi, Kaci nge nangusalika livoko lyami kulihina lyenyi kaha, kaha nanguhinduka vene.
29Linwomu vene manyinga apwilenga nakuhita omine cau, kahevwile mumujimba wenyi ngwenyi, Ngunahinduka lyehi kumusongo kana.
30Linwomu vene Yesu hakwivwa #Luka 5.17.ngolo jakufuma muli Ikiye jinalovokamo lyehi, alumukile muliyongomena, ambile ngwenyi, Iyaze ou nangusalika livoko lyenyi hamahinami?
31Tumbaji twenyi vamwambile ngwavo, Unamono liyongomena lili nakukuxindakana, kaha wihule nawa ngwove, Iyaze ou nangusalika?
32Atalile kwosena ce ndo mangana ngwenyi, amumone uze nalingi cuma kana.
33Oloze uze pwevo evwile woma nakucikima nakutacikiza muze vanamulingila, ejile, alimbilile hamavu kumeso enyi, amulwezele mwosena mwayile mucano.
34Yesu amwambile ngwenyi, Ove mwanami, #Luka 7.50; Mako 10.52.kufwelela cove #5.34:Mokomoko ngwenyi, Cinakulwili.cinakuhindula. Yakonga nakuunda, omwo unahinduka lyehi kumusongo wove.
35Ximbu apwile acili nakuhanjika, hinakwiza vamwe vakuzuvo yayauze mukulwane #5.35:Tala 1.21.wasunangonga, vamwambile ngwavo, Mwanove nafu lyehi, nyi muka-kunangula naumuyanjixila ceka ika nawa?
36Oloze Yesu hakwivwa lizu lize vahanjikile, ambile kuli uze mukulwane wasunangonga ngwenyi, Kanda wivwa womako, ijiva kufwelela kaha.
37Ketavilile mutu umwe kumukavako, kuvanga #9.2; 13.3; Mateu 17.1; 26.37.Petulu kaha naYakova nauze ndumbwaYakova Yowano.
38Ahetele kuzuvo yayauze mukulwane wasunangonga, kaha evwile kuzungumuka cavatu vapwile nakulila cikuma jimbimbi.
39Omu alingile hanengilamo lyehi avehwile ngwenyi, Ikaze muli nakuzungumukila nakulila ngana? Ou mwana kafwileko. Nasavala tulo kaha.
40Kaha vamungumukile wo! Oloze omu alingile hanavalovolamo lyehi vosena, ayile naise yayauze mwana nanaye navaze apwile navo, engilile muze apwile uze mwana.
41Amukwacile uze mwana kulivoko lyenyi, amwambile ngwenyi, #5.41:Acambile mulilimi lyavaHepeleu.Talita kumi, kucalumuna cinapu nge ngwenyi, #Luka 7.14; Vili. 9.40.Ove mwanapwevo, nangukwamba ngwami, Hinduka.
42Kaha linwomu vene uze mwanapwevo akatukile, atambukile, mwomwo apwile namyaka likumi nayivali. Linwomu vene vafwile cixima cacinene.
43 #
1.43-44; 7.36; Mateu 8. Avakanjile cikuma ngwenyi, Kanda vacitacikiza cipwe kuli mutu umweko. Kaha avalwezele ngwenyi, vamuhane kulya.
Currently Selected:
MAKO 5: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
