MAKO 16

Mwata Yesu mwasanguka kuvafu

(Mateu 28.1-10; Luka 24.1-12; Yowa. 20.1-10)

1Omu yalingile sambata hiyinahici lyehi, Maliya wakuMangatala naMaliya naye yaYakova, naSalome, valanjile #Luka 23.56; Yowa. 19.39.vyuma vyamavumba amwaza, mangana ngwavo, vaye vakamukwitevyo.

2Hacimenemene halikumbi lyasemana lyatete, Vahetele kucimbumbe likumbi linatutuka lyehi.

3Vapwile nakulihwojola ngwavo, Iyaze mwakatuxindumwina lilolwa kucikolo cacimbumbe?

4Hakwandula meso avo vamwene lilolwa vanalixindumunako lyehi, mwomwo lyapwile lyalinene cikuma.

5Kaha vakivo #Yowa. 20.11-12.hakwingila mucimbumbe vamwene mwanalunga hanatwame kumutamba wacilyo, navwale lihina lyakukuluka litoma, kaha valihomokelele cikuma.

6Ikiye avambile ngwenyi, Kanda mulihomokelako. Muli nakumutonda Yesu wakuNazaleta, Uze vasukikanga kukulusu. Nasanguka lyehi. Kexi ceka munoko. Talenu oho vamusavalikanga.

7Oloze yenu mukavambulile tumbaji twenyi naPetulu nawa ngwenu, #14.28; Mateu 26.32.Mwalivangaho kulutwe lwenu nakuya kuNgalileya, kwakuze vene namukainumwena nge muze amilwezele.

8Kaha valovokele vacinyine kufuma kucimbumbe, mwomwo vapwile nakucikima nakufwa cixima, xikaho. Kavahanjikile lizu limwe kuli mutuko, mwomwo vevwile woma, xikaho.

Mwata Yesu mwalisolola kuli Maliya wakuMangatala

(Yowa. 20.11-18)

9Kaha jino, omu alingile hanasanguka lyehi, nacimenemene, halikumbi lyasemana lyatete, avangilile kulisolola kuli Maliya wakuMangatala, uze alowele lyehi vandemone vatanu navavali.

10Ikiye ayile nakuvalweza vaze vapwilenga naYesu, ximbu vapwile nakulixona nakulila.

11Vakivo hakwivwa ngwavo, nayoyo, ngwavo, Maliya namumono lyehi, #v. 13-14; Luka 24.11; Yowa. 20.25; Mateu 28.17.kavetavilemoko.

Mwata Yesu mwalisolola kuli tumbaji twenyi vavali

(Luka 24.13-35)

12Vyumevi hakukuma, alisolwele ceka nawa mweka kuli veka vavali, omu vapwile nakutambuka nakuya kucikwazo.

13Navakivo nawa vayile, vacambulwile kuli vakwavo, oloze navakivo nawa kavavetavileko.

Mwata Yesu mwavatuma vaze likumi naumwe

(Mateu 28.16-20; Luka 24.36-49; Yowa. 20.19-23)

14Hakukuminyina, alisolwele #Luka 24.36; Yowa. 20.19, 26; Koli. 1, 15.5.kuli vaze likumi naumwe omu vapwile vanasendavala kumesa, kaha avahanjikilile mwomwo vakanyine kwitava, nahakunjinjila camicima yavo, mwomwo vaze valivangile kumumona omu alingile hanasanguka lyehi vakanyine kuvetava, xikaho.

15Kaha avambile ngwenyi, #Mateu 28.19.Yenunga mumafuci osena, mujimbu wamwaza mukawambulule kuli vatu vosena.

16 # Yowa. 3.18, 36; Vili. 16.31. Uze mwaketava, navakambapacisa, navakamulwila. Oloze uze mwakakana kwitava navakamupayisa.

17Kaha vinjikizo evi navikavalamanga vaka-kwitava. #9.38; Luka 10.17; Vili. 5.16; 8.7; 16.18; 19.12.Navakalovolanga vandemone halijina lyami, #Vili. 2.4; 10.46; 19.6; Koli. 1, 12.10, 28, 30; 13.1; 14.2.navakahanjikanga malimi amahya,

18 # Luka 10.19; Vili. 28.3-5. navakakwatanga manoka, kaha kaci nge navakanwa cuma cakufwa, kacexi kukavakolesako, #5.23.navakanangikanga mavoko avo hali vakakuviza, kaha hinavakanhinduka.

Mwata Yesu mwaya ceka mwilu

(Luka 24.50-53)

19Ngoco Mwata Yesu omu alingile hanakumisa lyehi #Vili. 1.3.kuhanjika navo, #Luka 9.51; 24.51; Yowa. 6.62; 20.17; Vili. 1.2; Cimo. 1, 3.16.vamutambwile mwilu, kaha #Luka 22.69; Vili. 7.55-56; Loma 8.34; Efwe. 1.20; Kolo. 3.1; Hepe. 1.3; 8.1; 10.12; 12.2; Petu. 1, 3.22.atwamine kulivoko lyaKalunga lyacilyo.

20Vakivo vayile vambulwilenga mazu kwosena, kaha Mwata azacilenga navo hamwe, awazamixilenga Mazu navinjikizo vize vyavalaminenga. Amene.

Currently Selected:

MAKO 16: LUE70

Highlight

Copy