MAKO 15

Yesu navamutwala kumeso aPilatu

(Mateu 27.1-2, 11-14; Luka 23.1-5; Yowa. 18.28-38)

1 # Mateu 27.1-2; Luka 23.1; Yowa. 18.28. Kaha linwomu nacimene vapilixitu vavalemu navakulwane navaka-kusoneka #15.1:Tala 13.9.navakasunendeline vosena vatwamine punga, kaha vamukaxile Yesu, vamutwalile nakumuhana kuli Pilatu.

2Pilatu amwihwile ngwenyi, Ove yove mwangana wavaYuleya tahi? Amukumbulwile ngwenyi, Mwomwo vene unambe.

3Vapilixitu vavalemu vapwile nakumuhana milonga yayivulu.

4Pilatu amwihwile ceka ngwenyi, Kawexi kuvakumbulula cipwe nalizu limweko tahi? Ivwa milonga kuvula vali nakukuhana.

5Oloze cipwe ngoco Yesu kamukumbulwile ceka nalizu limweko, ngoco Pilatu alikomokelele.

Ngwavo, Yesu afwenga

(Mateu 27.15-31; Luka 23.13-25; Yowa. 18.38—19.16)

6Kaha jino, kuciwanyino kana avecelelenga vatu funge umwe, wose navalomba.

7Kwapwile umwe vavulukilenga ngwavo, Mbalapa, apwile wakukasa navakwavo vaze vaputwile jita yakutwa navaka-kuyula, hajita yize vajihile vatu.

8Kaha liyongomena lyavatu vakandukile kuze, vaputukile kumulomba Pilatu ngwavo, alinge nge muze eji kuvalingilanga.

9Pilatu avakumbulwile ngwenyi, Namusaka ngwenu, ngumyecele mwangana wavaYuleya tahi?

10Mwomwo atacikijile ngwenyi, Vapilixitu vavalemu vanangunehelayo halisungu, xikaho.

11Oloze vapilixitu vavalemu vasowangijile liyongomena mangana vamwambe ngwavo, #Vili. 3.14.avecele Mbalapa kaha.

12Pilatu avakumbulwile ceka nawa nakuvehula ngwenyi, Nyi ngumulinge muka ou mwavuluka ngwenu, Mwangana wavaYuleya?

13Vatambakanyine ceka ngwavo, vamusukike kukulusu!

14Pilatu avehwile ngwenyi, Mwomwo ika? Napihisa ika? Oloze vakivo vahambakanyine kutambakana ngwavo, vamusukike kukulusu!

15Kaha Pilatu hakusaka ngwenyi, avevwise vatu kuwaha, avecelele Mbalapa, kahomu alingile hanamuvetesa lyehi Yesu vikote, amuhanyine mangana vakamusukike kukulusu.

16Jino maswalale vamutwalile namucipango, muze #15.16:Muzuvo yanguvulu.muPeletolyume. Kaha hinavasanyika mukana wamaswalale wosena vezenga.

17Vamuvwikile lihina licila, vavinjile mucama wamingonga, vamuvwikilewo.

18Vaputukile kumumenejeka ngwavo, Vulye! Vulye! Ove mwangana wavaYuleya!

19Vamuvetele nalukosa mumutwe, vamufwijilile maleji, kaha vafukamine nakulifukula kuli Ikiye.

20Omu valingile hivanamuhende lyehi, vamuzulile lize lihina licila, vamuvwikile ceka mahinenyi. Kaha vamutwalile kweka mangana vakamusukike kukulusu.

Navamutacika Yesu kukulusu

(Mateu 27.32-56; Luka 23.26-49; Yowa. 19.17-30)

21 # Mateu 27.32; Luka 23.26. Kwapwile mutu nakupalikako hakufuma kucikwazo, lijina lyenyi apwile ikiye Ximona wakuKulene, ise yaAlekesande naLufuse, kaha vamukwacile mangana ngwavo, ambate kulusu yaYesu.

22Vamutwalile Yesu kuma kuze kuNgolongota, kucalumuna cinapu nge ngwavo, kuKayoya.

23Vasakile ngwavo, vamuhane vinyo vyakufutula #15.23:Vitumbo vyalivumba lyamwaza vyakuholesa kukola.namila, oloze kavitambwileko.

24Kaha vamusukikile kukulusu, #Samu 22.18; Yowa. 19.24.valipangilile kuvwala cenyi hakucitahisa navitaho vamone cimwatambula mutu himutu.

25Hapwile #15.25:Halikumbi lyamusase, ha9.halwola lyamucitatu, kaha vamusukikile kukulusu.

26Mukanda wakuvuluka mulonga wenyi Vamuhanyine vausonekele helu ngwavo, #Mateu 27.37.Ou Mwangana wavaYuleya.

27Vasukikile vihwanga vavali kujikulusu naIkiye hamwe, umwe kulivoko lyenyi lyacilyo, mukwavo kulivoko lyenyi lyacimoswe.

28Kaha lizu lize vasoneka lyalumbunukile, lize lyakwamba ngwalyo, #Isa. 53.12.Kaha vamulavilile navaka-kuzombwojoka jiximbi hamwe.

29Kaha vaze vapalikile kuze vamusawilenga nakupyakula mitwe yavo nakwamba ngwavo, Wo! #13.2; 14.58; Yowa. 2.19.Ove nauxiula zuvo yajila nakuyitunga ceka hamakumbi atatu,

30lilwile ove lyavene, suluka kukulusu!

31 # Samu 22.7-8. Mukiko muvamuhendelelenga navapilixitu vavalemu nawa, valyambilenga navaka-kusoneka hamwe ngwavo, Nalwilinga veka, ivene kexi kuhasa kulilwilako.

32Ngwavo, Kulixitu Mwangana wavaIsalele asuluke jino kukulusu, mangana tumone, numba twitave. Kaha #Mateu 27.44; Luka 23.39-43.navaze nawa vasukikile kujikulusu naIkiye hamwe vamutolekelenga.

33Jino omu lwahetele #15.33:Hamulungu.lwola lwamucitanu nalumwe, #15.33:Mokomoko ngwavo, Hamavu hosena.kulifuci lize lyosena kwejile milima mbwe #15.33:Haciteuko, ha3.nakulwola lwamucitanu najiwana.

34Kaha halwola lwamucitanu najiwana, Yesu atambakanyine nalizu lyakukanguka ngwenyi, Eloi, Eloi, lama savakatanyi? kucalumuna cinapu nge ngwenyi, #Samu 22.1.Ove Kalunga kami, Ove Kalunga kami, unangusezela ika?

35Kuli vaze vemanyine kuze vamwe hakucivwa valyambile ngwavo, Ivwenu, ali nakusanyika Elija.

36Kwalahilile mutu nakuvombeka #15.36:Cuma cacivwovu cakufwana nge mupelo. Veji kuviwananga kukalungalwiji.ciponja #Samu 69.21.muvinyo vingangamina, acihakile kulukosa, amuhanyine anwe ngwenyi, Mwecenu, tutalenu numba nge Elija mweza nakumusululaho.

37Yesu atambakanyine nalizu lyakukanguka, kaha afwile.

38 # Mateu 27.51; Luka 23.45; Hepe. 10.19-20. Kaha lihina lize lyakuvatasana muze muzuvo yajila lyapulikile muvali, kufumisa kwilu mbwe nakumavu.

39Kapitau uze emanyineko talasanyi naIkiye, hakumumona ali nakufwa ngana, ambile ngwenyi, Mwamucano vene, #1.11; 9.7.mutu ou apwanga MwanaKalunga.

40 # Mateu 27.55-56; Luka 23.49; Yowa. 19.25. Kwapwile namapwevo nawa kwakusuku nakutala, kumukana wavo kwapwile Maliya wakuMangatala, naMaliya naye yaYakova wakanyike, ikiye naye yaYose nawa, naSalome.

41Vakivo omu apwilenga kuNgalileya vamukavilenga nakumukafwanga. #Luka 8.1-3.Kaha kwapwile namapwevo veka vavavulu nawa, vaze vakandukile nenyi nakwiza kuYelusalema.

Navamufunda Yesu

(Mateu 27.57-61; Luka 23.50-56; Yowa. 19.38-42)

42 # Luxi. 21.22-23. Hakulembalemba calikumbi, mwomwo lize lyapwile likumbi lyakulongesa vyahapaseka, likiko likumbi lyakulivanga kusambata,

43kwejile Yosefwe wakuAlimateya, uze apwile cilolo wamulemu, naikiye nawa #Luka 2.25, 38.atalilililenga wangana waKalunga. Engilile kuli Pilatu nakumika, amulombele mujimba waYesu.

44Pilatu alikomokelele hakwivwa ngwavo, nafu lyehi, kaha amusanyikile uze kapitau ngwenyi, eze kuli ikiye, kaha amwihwile numba nge hanaximbula lyehi hakufwa.

45Kaha hakucivwa kuli uze kapitau, amuhanyine Yosefwe mujimba wenyi.

46Kaha Yosefwe alanjile lihina lyalinyu, amufumixileho, amuvungilile halize lihina lyalinyu, amusavalikile mucimbumbe capwile cakutota mulilolwa. Kaha axindumwinyine lilolwa kucikolo cacimbumbe kana.

47NaMaliya wakuMangatala naMaliya naye yaYose vamwene kuze vamusavalikile.

Currently Selected:

MAKO 15: LUE70

Highlight

Copy