MIKA 5
5
Wata waMuka-kuhvila wakufuma kuMbetelema
1Ove mwanamazavu, zavuka kwove. Natuhake lyehi mucingombela. Muka-kuyula Isalele navakamuveta namukombo halikili lyenyi.
2Oloze 1 #Mateu 2.6.ove Mbetelema #Kupu. 35.19.Efwalata, ove unapu umundende kupwa mumakombakaji avaYuta, muli ove namukalovoka ou mwakapwanga mwata muIsalele kuli Ami, ukweci kulovojoka cenyi cakufuma kuxikulu, kumakumbi akumyaka.
3Xikaho mwakaveca palanga nakumwaka uze mwakalinga ou #4.9, 10.ali nakusapuluka hanaseme lyehi mwanenyi, kaha vandumbwenyi vaze navakasalaho hinavakakinduluka kuli vana vaIsalele.
4Mwakemana #Isa. 40.11.nakuvafunganga nangolo jaYehova, mukukumba calijina lyaKalunga kenyi Yehova. Kaha navakatwamanga, mwomwo jino mwakapwanga wamunene mbwe nakujisongo jamavu.
5Kahou mwakapwanga kuunda cetu. VaAsulya omu navakengila mulifuci lyetu, omu navakalyata mumazuvo etu, kaha natukavakatwila tufunga vatanu navavali navaka-kulitulaho vavatu vatanu navatatu.
6Lifuci lyaAsulya navakalipihisa najipoko jamikwale, lifuci #Kupu. 10.8-11.lyaNyimelote kuvikolo vyalyo. Mwakatupululula kuli vaAsulya omu navakengila mulifuci lyetu, omu navakalyata mungiza yetu.
7VaYakova vaze navakasalaho navakapwanga mukaci kavatu veka naveka vavavulu nge mume wakuli Yehova, nge jivula hamwila, ou wakuzeneka kutalilila mutu cipwe kuvandamina vana vavatu.
8VaYakova vaze navakasalaho navakapwanga muli vaka-mafuci, mukaci kavatu veka naveka vavavulu, nge #Kupu. 49.9; Kula. 24.9.ndumba muli tunyama yamumusenge, nge mwevu wandumba mumautanga avimuna vavandende, ikiye, nge mwahitamo, mwavalyatangila nakuvasanywojola, nou mwavapululula wauci.
9Livoko lyove likazezuke helu lyavaka-kukwimanyina, vaka-kole jove vosena vakavateteko.
10Yehova ngwenyi, Nacikasoloka halikumbi lize, tuvalu twove nangukavatetamo muli ove, matembove nangukawanongesa.
11Membo amulifuci lyove nangukawatetamo, jikembwe jove josena nangukajixiwojola.
12Nangukatetamo kupanda mulivoko lyove, kawexi kukapwa ceka navaka-kutaha mangana akuswekako.
13Makombelo ove akusonga namalolwove akwimika nangukavitetamo muli ove, kawexi kukalifukula ceka kutengeso yamavoko oveko.
14 # 5.14: Tumwalya nyi miyombo yakufwanyisa kalunga wapwevo wakuhumikiza, ou vavulukilenga ngwavo, Axela. Tala Luxi. 16.21. Maxela jove nangukavavunyamo muli ove, membo ove nangukawenyeka.
15Nangukalitenda nautenu nakulundundu kuli vaka-mafuci vaze vakanyinenga kwivwilila.
Currently Selected:
MIKA 5: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
