MIKA 1

Lungungu IwahaSamaliya naYelusalema

1Awa akiko mazu aYehova aze ejile kuli #Yele. 26.18.Mika wakuMolexete hamakumbi #Vamya. 2, 15.5, 7, 32-38; Miji. 2, 27.1-9.aYotame #Vamya. 2, 16.1-20; Miji. 2, 28.1-27.naAhaze #Vamya. 2, 18.1—20.21; Miji. 2, 28.27—32.33; Isa. 36.1—39.8.naHezekiya, vaze vapwile vamyangana javaYuta, awa amwene haSamaliya nahaYelusalema.

2Enu vatu veka naveka muvosena, ivwililenu. Ove mavu, nenu vyuma vyakulumbamaho muvyosena, tengelekenu matwitwi enu, kaha Mwata Yehova apwenga Cinjiho muli enu, Ivene Mwata hakuhanjika mutembele yenyi yajila.

3Mwomwo ivwenu, Yehova mwalovoka muma lyenyi, mwasuluka nakulyata hakunyunga hamavu.

4 # Samu 97.5; Nahu. 1.5. Jipili najiyengunuka muxi yenyi, vinema navipulika, nge mwasela kukakahya, nge mwameya vanahingunwina kwakumbolongoka.

5Vyosenevi vineza hamulonga waYakova wakuzomboka jiximbi, hamilonga yavava vakuzuvo yaIsalele yaxili. Mulonga waYakova wakuzomboka jiximbi ukiko uka? Likiko Samaliya nyi? KwaYuta kwakunyunga kukiko kulihi? kukiko kuYelusalema nyi?

6Xikaho nangukalihgisa Samaliya kupwa nge mulumba wamucipapa, kupwa kwakutumba mawande amivinyo. Malolwalyo nangukawazukwila mucinema, nangukafwikununa Vihela vyalyo.

7Makombelo alyo akusonga osena navakawafufwojola, vyonda vyalyo vyosena navakavyoca hakakahya, makombelo alyo osena nangukawahaka kwahwilici. Mwomwo awakungulwile kuconda cahakulinga ujila, kaha nawakalumuka ceka kupwa conda cahakulinga ujila.

8Haceci xikaho nangulila nakukalwomwoka, nangutambuka nguwakuzula nakupwa uselesele, nangulila nge mwavamyumbwe, nanguliximwoka nge mwavanyamalanda.

9Mwomwo vito vyenyi kavahasa kuvikangulako, mwomwo cineza nakuli Yuta nawa, cinahete nakucikolo cavatu jami, mbwe nakuYelusalema.

10Kanda mukacambulula muNgatako. Kanda mulila cakulilako. KuMbete-lafwala ngunalikocingilako mulukungu.

11Ove watwama kuXafwile, lihicile kwove uselesele nasonyi. Ou atwama muZanane kalovokelemoko. Kulila caMbetezele nacimitambula kwakwimanyinako.

12Mwomwou atwama muMalote nazakamina kuwaha, mwomwo kuli Yehova kunafumu lupi nakusulukila cikolo caYelusalema, xikaho.

13Ove watwama kuLakixe, kaxilila litemba kuli kavalu walumbuxi. Ikiye apwile kuputuka camilonga kuli mwanaZeyone, mwomwo vilinga vyaIsalele vyakuzombwojoka jiximbi vaviwanyine muli ove.

14Xikaho naukahana civanda kuMolexete lyaNgata. Jizuvo jaAkajive najipwa jakutangisa vamyangana javaIsalele.

15Ove watwama muMalexa, nangucikaneha ou mwakakuheta kuli ove. Upahu waIsalele naukaheta mbwe nakuAtulame.

16Lisevese, liteule jikambu jove hali vana vove vahakutwama mwawangana. Tohwesa livala lyove nge mwalikuvi, mwomwo vanavatundula lyehi vanakuseze, xikaho.

Currently Selected:

MIKA 1: LUE70

Highlight

Copy