MATEU 8
8
Yesu mwahindula muka-mbumba
(Mako 1.40-45; Luka 5.12-16)
1Omu axikumukile hapili, kwamukavile mayongomena amavulu.
2Kaha kumana, kuli Ikiye kwejile muka-mbumba alifukwile kuli Ikiye amwambile ngwenyi, Ove Mwata, kaci nge unasake, nauhasa kungutomesa.
3Yesu olwele livoko lyenyi, amusalikile, amwambile ngwenyi, Ngunasake vene. Toma. Linwomu vene atomene kumbumba yenyi.
4Yesu himwamwamba ngwenyi, Nyingililanga, #9.30; 12.16; 17.9; Mako 1.44; 3.12; 5.43; 7.36; 8.30; 9.9; Luka 4.41; 8.56; 9.21.Kanda ukacambulula kuli mutuko, oloze yako ukalisolole kuli kapilixitu, #Levi 14.2.ukahane wana uze avulukile Mose, mangana cikapwe unjiho kuli vakivo.
Yesu tunahindula ngamba yakapitau
(Luka 7.1-10)
5 #
Yowa. 4.46-53. Omu alingile hanengila lyehi muKapelenau, kuli Ikiye kwejile kapitau nakumulembelela
6ngwenyi, Ove Mwata, ngamba yami nasavala kuzuvo yami nakuviza musongo wakalepa nakuyanda cikuma.
7Amukumbulwile ngwenyi, Ami nangwiza nakumuhindula.
8Uze kapitau amukumbulwile ngwenyi, Ove Mwata, kangwatelOve kwingila muzuvo yamiko, oloze ijiva kuhanjika kaha lizu, kaha ngamba yami mwahinduka.
9Mwomwo nayami nawa ngumutu wakwononoka kuli vakulwane, nguli namaswalale vangwononokami. Nangwamba kuli ou ngwami, Yako! kaha himwaya. Kuli weka ngwami, Twaya! kaha himweza. Kuli ndungo yami ngwami, Linga munganji! kaha himwalingamo.
10Yesu hakucivwa alikomokelele, ambile kuli vaze vapwile nakumukava ngwenyi, Camwenemwene nangumilweza ngwami, kanda ngumone lyehi kufwelela cacinene cipwaha ngana, cipwe muli vaIsalele caucimo.
11Kaha nangumilweza ngwami, #Luka 13.28-29; Isa. 49.12; 59.19; Mala. 1.11; Samu 107.3.Nakukeza vavavulu vakufuma kumusamuko nakumulauko, nakusendavala kumesa naApalahama naIsaka naYakova hamwe muwangana wamelu.
12Oloze #13.38.vana vawangana navakavambila #22.13; 25.30.kumilima yakuweluka. #12.42, 50; 22.13; 24.51; 25.30; Luka 13.28.Kwakuze vene kunavakapwanga nakulila nakulingenjunga kumazo.
13Kaha Yesu amwambile uze kapitau ngwenyi, Yakonga, vakulingileco nganomu unafwelela. Kaha halwola luze vene uze ngamba yenyi ahindukile.
Yesu mwahindula nayewenu yaPetulu
(Mako 1.29-34; Luka 4.38-41)
14Omu alingile Yesu hanengila lyehi muzuvo yaPetulu, amwene nayewenu yaPetulu hanasavala nakuviza musongo wacixika.
15Amusalikile kulivoko lyenyi, kaha cixika camufumine, ahindukile, amuzumbwile.
16Hakulembalemba calikumbi, vamutwalilile vaka-vandemone vavavulu. Avalowele vaze vaxipilitu nalizu limwe, kaha vaka-kuviza vosena avahindwile,
17mangana muze vahanjikile muli kapolofweto Isaya mulumbunuke ngwavo, #Isa. 53.4.Ivene atambwile mangezangezetu, ambacile misongo yetu.
Ava navasaka ngwavo, vamukavangizenga Yesu
(Luka 9.57-62)
18Jino Yesu hakumona kunamujingilika mayongomena amanene, ambile ngwenyi, Tuzaukenu tuyenu musali.
19Kaha kwejile muka-kusoneka amwambile ngwenyi, Ove mukakunangula, nangukukavangizanga kwexokwo nauya.
20Yesu amwambile ngwenyi, Vamyumbwe vali namenavo, tujila vahelu vali namaswavo, oloze Mwanamutu kexi nahakusacila mutwe wenyiko.
21Kambaji kenyi mukwavo amwambile ngwenyi, Ove Mwata, ngwitavile nguvangile kuya nakufunda tata.
22Oloze Yesu amwambile ngwenyi, #9.9; Mako 2.14; Luka 9.59; Yowa. 1.43; 21.19.NgukavangizengAmi, vaseze vafu vafundenga tuhu vafu javo vavene.
Yesu ntwaholesa nyamanganda
(Mako 4.35-41; Luka 8.22-25)
23Ikiye hakwingila muwato, tumbaji twenyi vamukavile.
24Kaha kumana, kucijiva kwahuhwile nyamanganda wamunene, ngoco makimba apwile nakuzombwojokela muwato, oloze Ikiye apwile mutulo.
25Vapandamine kuli Ikiye, vamuhindwile, vamwambile ngwavo, Ove Mwata! tulwile, natunonga!
26Avambile ngwenyi, #6.30; 14.31; 16.8.Enu vakakufwelela cacindende kaha, ikaze muli nakwivwila woma? Kaha akatukile, ahanjikilile peho nameya amucijiva, kaha kwaunjile cikuma, kwakeke.
27Vaze vatu valikomokelele, valihwojwele ngwavo, Ou apwa ngacilihi, numba cipwe peho nameya amucijiva vyononokenga ngana kuli Ikiye?
Muka-ndemone wakuNgatala
(Mako 5.1-20; Luka 8.26-39)
28Omu ahetele musali mulifuci lyavaka-Ngatala, kwamuhumanganyine vaka-vandemone vavali, vakufuma muvimbumbe. Vapwile vakutenuka cikuma, ngoco kakwapwile mutu umwe ahaxile kuhita mujila yizeko.
29Kaha kumana jino vatambakanyine ngwavo, Ove MwanaKalunga, #Samwe. 2, 16.10; 19.22; Mako 1.24; Yowa. 2.4.unambe kulinga muka nayetu? Uneza kuno mangana ngwove, utuyanjise ximbu kanda mwaka wize tahi?
30Jino kwakusuku navakivo kwapwile utanga wavangulu vavavulu vapwile nakulya.
31Vaze vandemone vamulembelelele ngwavo, Kaci nge namulovola, tutume twingile muutanga wavaze vangulu.
32Kaha avambile ngwenyi, Yenunga! Valovokele, vayile nakwingila muli vaze vangulu. Kaha kumana, uze utanga wosena wangulumukilile kuze kwakungulumuka cu namucijiva, kaha vafwile mumeya.
33Tufunga twavo vacinyine, vayile kwimbo, vambulwile vyuma vyosena, navize nawa vyavawanyine vaze vapwilenga navandemone.
34Kaha kumana, vaka-limbo lize vosena valovokele nakulihumangana naYesu, kaha hakumumona, vamulembelelele ngwavo, afume mulifuci lyavo.
Currently Selected:
MATEU 8: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
