MATEU 21
21
Yesu mwengila mwamwangana muYelusalema
(Mako 11.1-11; Luka 19.28-40; Yowa. 12.12-19)
1Omu vapandamine kuYelusalema, omu yahetele kuMbetefwaje kupili yaMilive, haze vene Yesu atumine tumbaji twenyi vavali,
2avambile ngwenyi, Yenu kwimbo lize lili kuze kulutwe, kaha linwomu namuwanamo cimbulu wakukasa, nalivuvu lyenyi hamwe. Vakasununenu muvanehe kuno kuli Ami.
3Kaha kaci nge mutu mwamihula, kamwambuliienu ngwenu, Mwata navasake. Kaha linwomu mwaveca.
4 #
Yowa. 12.12-15. Jino eci casolokele mangana muze vahanjikile muli kapolofweto mulumbunuke ngwavo,
5 #
Isa. 62.11; Zeka. 9.9. Mwambulilenu mwanaZeyone ngwenu,
Tala, Mwangana wove mweza kuli ove,
Napu wamuvwovu, natwame hacimbulu,
Halivuvu lyamwanacimbulu.
6Tumbaji twenyi vayile, valingile nge muze avalwezele Yesu,
7vamunehele uze cimbulu nayauze livuvu lyenyi, vavahakile mahinavo, kaha atwamineho.
8Liyongomena lyavatu vavavulu #Vamya. 2, 9.13.valile mahinavo mujila; Vakwavo vatetatetele mafo kumitondo vawalile mujila.
9Kaha mayongomenaze amutwaminyinyinengako navaze nawa vamukavilenga munyima vapwile nakutambakana ngwavo, #21.9:Nge ngwavo, Acilwile! Likiko lizu lyakumulemesa hawangana.Hozana kuli #9.27.mwanaNdavici! #23.39; Samu 118.26.VamukisulengOu mweza mulijina lyaYehova! Hozana #Luka 2.14.muze nawakalitulaho mwilu!
10Ikiye hakwingila muYelusalema, vaka-nganda vosena vakasumukile, vehwile ngwavo, Ou yowiyaze?
11Lize liyongomena vavambile ngwavo, #Yowa. 6.14; 7.40; Vili. 3.22; Mako 6.15; Luka 13.33.Ou you kapolofweto Yesu wakuNazaleta kuNgalileya.
Yesu mwatomesa mutembele
(Mako 11.15-19; Luka 19.45-48; Yowa. 2.13-22)
12Kaha Yesu engilile mutembele yaKalunga, avahangilemo vosena vaze vapwile nakulanda nakulandulula mutembele, kaha jimesa #Kulo. 30.13.javakakutambasana jimbongo ajikatumwine, navitwamo vyavaka-kulanjisa #Levi 1.14; 5.7; 12.8.tutela nawa,
13avambile ngwenyi, Vasoneka ngwavo, #Isa. 56.7.Zuvo yami navakayivulukanga ngwavo, Zuvo yakulombela. #Yele. 7.11.Oloze enu muli nakuyitenga nge muutwamo wavihwanga.
14Kuli Ikiye kwejile tupuputa navaka-kumbilikita mutembele, kaha avahindwile.
15Oloze #Luka 19.39.vapilixitu vavalemu navaka-kusoneka hakumona vyuma vyakukomwesa vize alingile, navanyike nawa vapwile nakutambakana mutembele nakwamba ngwavo, #v. 9.Hozana kuli mwanaNdavici! vevwile kupihya cikuma.
16Kaha vamwambile ngwavo, Unevuko omu vali nakutambakanava tahi? Yesu avakumbulwile ngwenyi, Ngunevuko. Oloze kumyaka yosena kanda mucitange mazu awa tahi? ngwavo, #Samu 8.2.Mutunwa twavakemba navaka-kwamwa unalovolamo kwalisa cakukupuka mwosena.
17Kaha avasezele, afumine munganda, ayile kuMbetane, asavalile kuze.
Yesu mwangula mukuyu
(Mako 11.12-14, 20-26)
18 #
Luka 13.6-9. Kaha nacimene, hakukinduluka kunganda, evwile zala.
19Omu amwene mukuyu kwakamwihi najila, ayileko. Oloze kawanyineko cuma cekako, xina mafo kaha. Kaha awambile ngwenyi, Kanda ukema ceka mihakoko nahaya myaka yosena. Kaha linwomu vene uze mukuyu womine cau.
20Tumbaji twenyi hakucimona valikomokelele, vamwihwile ngwavo, Ngacilihi ou mukuyu unomu linwomu ngana?
21Yesu avakumbulwile ngwenyi, Camwenemwene nangumilweza ngwami, #17.20; Luka 17.6; Koli. 1, 13.2; Yako. 1.6.Nge mukweci kufwelela cakuzeneka kukakasana, kaci kamwexi kukumina hakulingomu vanalingi lyehi kumukuyu kahako, oloze cipwe nge namwamba kupili yino ngwenu, Tutuluka ukaumbile mukalungalwiji, kaci nayilinga vene ngoco.
22Kaha #7.7; Yowa. 14.13-14; 16.23.vyuma vyosena, vyexovyo namukasaka mukulomba nakufwelela, namukavitambula vene.
Ngolo jaYesu navajihula
(Mako 11.27-33; Luka 20.1-8)
23Omu alingile hanengila lyehi mutembele, vapilixitu vavalemu navakulwane javatu vejile kuli Ikiye omu apwile nakunangula vatu, kaha Vamwihwile ngwavo, #Yowa. 2.18-22.Vyumevi uli nakuvilinga nangolo jika? Kahou akuhana ngolo eji ikiyeya?
24Yesu avakumbulwile ngwenyi, NayAmi nawa nangumihula lizu limwe, kaci nge namungulwezalyo, numbAmi nawa ngumilweze ngolo nguli nakulinga najo vyumevi.
25Ngwenyi, Lumbapaciso lwaYowano lwapwile lwakulihi? Lwapwile lwamwilu tahi? nyi lwakuli vatu? Vakivo valihwojwele ngwavo, Kaci nge natumwamba ngwetu, Lwapwile lwamwilu, kaha mwatwamba ngwenyi, Nyi ikaze mwakanyinyine kumwitava?
26Oloze nge natumwamba ngwetu, Lwapwile lwakuli vatu, tunevu woma wavatu, mwomwo vosena vanamujinyi Yowano ngwavo, #11.9; 14.5; Luka 1.76.Apwile kapolofweto, xikaho.
27Vamukumbulwile Yesu ngwavo, Katwatacikijileko. Ikiye nawa avambile ngwenyi, Cipwe Ami nawa kangwexi kumilweza ngolo nguli nakulinga najo vyumeviko.
Ciximo cavana vamalunga vavali
28Oloze munaxinganyeka ngacilihi? #Luka 15.11.Kwapwile mutu apwile navana venyi vamalunga vavali. Ayile kuli uze wakulivanga, amwambile ngwenyi, Ove mwanami, yako lelo ukazatenga #20.1; 21.33.muwande wami wamivinyo.
29Ikiye amukumbulwile ngwenyi, Kangute. Oloze hakukuminyina apihililile, ayile.
30Ayile kuli uze wamucivali, amwambile ngoco nawa. Ikiye amukumbulwile ngwenyi, Nanguya mwata. Oloze kayileko.
31Kuli vaze vavali ulihize ou alingile mwayile mucima wasevo? Vamwambile ngwavo, Ou wakulivanga. Yesu avambile ngwenyi, Camwenemwene nangumilweza ngwami, #Luka 7.29, 37-50.Vaka-kukonga milambu navakaujila navalivanga kwingila muwangana waKalunga kulutwe lwenu.
32Mwomwo Yowano ejile kuli enu mujila yakwoloka, kaha kamwamwitavileko, oloze #Luka 3.12.vaka-kukonga milambu navaka-ujila vamwitavile. Kahenu, omu mwacimwene, cipwe ngoco kamwalumukile, cipwe hakukuminyina, nakumwitavako.
Ciximo cawande wamivinyo navaze vautambwile
(Mako 12.1-12; Luka 20.9-19)
33Ivwenu ciximo cikwavo. Kwapwile mutu mwenyazuvo, #Samu 80.8; Isa. 5.1-7.atumbile #v. 28.wande wamivinyo, axicileko luxito ce ndo, afulilemo cikamwino cavinyo, atungilemo kapoxi. Auhanyine kuli vanjimi #25.14.himwaya kulifuci lyeka.
34Hakuheta hangonde yamihako, #22.3.atumine vandungo jenyi kuli vaze vanjimi mangana ngwenyi, vakamutambwile mihako yenyi.
35Vaze vanjimi vavakwacile vaze vandungo jenyi. Umwe vamuvetele, mukwavo vamujihile, mukwavo vamwaxile malolwa.
36Ceka nawa #22.4.atumine vandungo jenyi veka, vavavulu kuhambakana vaze vakulivanga. Kaha vavalingile mwomumwe navakivo nawa.
37Oloze hakukuminyina avatuminyine mwanenyi ngwenyi, Mwanaminyi navakamukomoka.
38Oloze vaze vanjimi hakumumona mwanenyi valyambile ngwavo, Ou you swana. Ngwavo, Tuyenu, tumujihenu, tutambulenu uswana wenyi.
39Kaha vamukwacile, vamumbilile kusali yawande, vamujihile.
40Xikaho uze mwenyawande kana hakwiza mwakavalinga muka vaze vanjimi?
41Vamwambile ngwavo, Vaze vavapi mwakavanongesa mwamupi, wande kana wamivinyo #8.11-12; Vili. 13.46; 18.16; 28.28.mwakauhana kuli vanjimi veka, vaze navakamuhanahananga mihako yenyi hajingonde jayo.
42Yesu himwavehula ngwenyi, Kumyaka yosena kanda mucitange mazu awa kuMazu-vasoneka tahi? ngwavo,
#
Samu 118.22-23; Vili. 4.11; Petu. 1, 2.7; Loma 9.33. Lilolweli vakanyine vakakutunga
Likiko linalingi lyehi kupwa mutwe wamumbango yazuvo.
Eci cinafumu kuli Yehova,
Cinapu cakutukomwesa kumeso etu.
43Xikaho nangumilweza ngwami, Wangana waKalunga navakamitambulawo navakauhana kuli vakamuyaci weka navakalovolanga mihako yawo.
44Wose mwakaholokela halilolwa lino mwakasanyuka, oloze wose nahaholokela nalikamufukumuna nge lukungu.
45Kaha vapilixitu vavalemu navaFwaliseu hakwivwa Viximo vyenyi vatacikijile ngwavo, Ali nakuviteletu.
46Kahomu vasakile ngwavo, vamukwate, vevwile woma wavatu, mwomwo vatu vamujinyinenga ngwavo, Kapolofweto, xikaho.
Currently Selected:
MATEU 21: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
