MATEU 19

Omu mwanangula Yesu hakuvuluka kutumbika mapwevo

(Mako 10.1-12; Luka 16.18)

1Kaha casolokele, #7.28; 11.1; 13.56; 26.1.omu alingile Yesu hanakumisa lyehi vihandevi, afumine kuNgalileya, ahetele mulifuci lyaYuleya musali yaYotau.

2Kwamukavile mayongomena amavulu, kaha avatundwilile kuze.

3Kaha kuli Ikiye kwejile vaFwaliseu, Vamwesekele nakumwihula ngwavo, Coloka lunga kutumbika pwevo lyenyi hamulonga himulonga tahi, nyi ngacilihi?

4Avakumbulwile ngwenyi, Kamwatangileko tahi? ngwavo, #Kupu. 1.27; 5.2.Ou avatangile kufuma kukuputuka avatengele nalunga napwevo,

5kahambile ngwenyi, #Kupu. 2.24; Efwe. 5.31; Koli. 1, 6.16.Xikaho lunga mwaseza ise nanaye nakulipanjika napwevo lyenyi, kahava vavali hinavapwanga mujimba umwe kaha.

6Ngoco kavexi ceka vavaliko, oloze mujimba umwe kaha. Xikaho, eci nanungu Kalunga, kanda vacihandununa ceka kuli mutuko.

7Vamwihwile ngwavo, Nyi ikaze atulwezelele Mose? ngwenyi, #Luxi. 24.1-4.Vamuhane mukanda wakujiha ulo nakumutumbika.

8Avambile ngwenyi, Hakukaluhwa camicima yenu, hakiko vene amitavilile Mose kutumbika mapwevo jenu, oloze kacapwile ngoco kufuma kukuputukako.

9Kaha nangumilweza ngwami, #5.32; Luka 16.18; Koli. 1, 7.10-13. Wose mwatumbika pwevo lyenyi cakuzeneka ujila, himwambata weka, nalingi ujila. Kaha wose mwambata uze vanatumbika lyehi nalingi ujila.

10Tumbaji twenyi vamwambile ngwavo, Nge cinapu ngoco hali lunga napwevo lyenyi, kumana, kacawaha kumbata mapwevoko.

11Oloze avambile ngwenyi, #Koli. 1, 7.7-9, 17.Vatu vosena kavexi kuhasa kwitavila lizu eliko, kuvanga vaze #13.11.vanahaneco kaha.

12Mwomwo kuvali vaheuka vasemuka ngoco mumajimo amanevo, kaha kuvali vaheuka vahewixile kuli vatu vakwavo, kaha kuvali vaheuka valihewixile vavene hawangana wamelu. Ou nahase kucilavila acitavile.

Yesu mwawahisa vana vavandende

(Mako 10.13-16; Luka 18.15-17)

13Haze vene vamutwalilile vana vavandende mangana ngwavo, avanangike mavoko enyi nakuvalombela. Oloze tumbaji twenyi vavakanyixile.

14Oloze Yesu avambile ngwenyi, Vetavilenu vana vavandende vezenga kuli Ami. Kanda muvakanyisako, #18.3; Koli. 1, 14.20.mwomwo wangana wamelu unapu wavava vangana, xikaho.

15Avanangikile mavoko enyi, hikufuma kuze.

Cilolo camwanalunga muka-luheto

(Mako 10.17-31; Luka 18.18-30)

16Kaha kumana, kuli Ikiye kwejile mutu, amwihwile ngwenyi, #Luka 10.25.Ove muka-kunangula, nangulinga cuma camwenemwene cika mangana ngukahete kuyoya cahaya myaka yosena?

17Yesu amwambile ngwenyi, Ikaze naungwihwila nakuvuluka muze mwamwenemwene? Kuli Umwe kaha apwa wamwenemwene. #Levi 18.5; Nehe. 9.29; Ezeke. 20.21.Oloze nge unasake ngwove, wingile kukuyoya, kaha lamanga jiximbi.

18Amwihwile ngwenyi, Jiximbi jika? Yesu amwambile ngwenyi, Jeji vene ngwavo, #Kulo. 20.12-16; Luxi. 5.16-20; Loma 13.9; Yako. 2.11.Kanda ukajiha mutuko, ngwavo, Kanda Ukalinga ujilako, ngwavo, Kanda ukevako, ngwavo, Kanda Ukambulula unjiho wakwongako,

19ngwavo, #15.4.Vumbikanga iso nanoko, ngwavo, #Levi 19.18; Mateu 22.39.Zanganga mukwenu nganomu walizangilove lyavene.

20Uze mwanalunga amwambile ngwenyi, Vyosenevi ngwavilama lyehi, oloze ngunacihono cuma cimwe. Cikiko cika?

21Yesu amwambile ngwenyi, Kaci nge unasake ngwove, ukupuke mwosena, yako, #Luka 12.33; Vili. 2.45; 4.34.ukalanjise vikumba vyove vyosena, ukavipangile kuli vaka-kuhutwa, kaha #6.20.naukatwamanga naluheto mwilu. Kaha twaya ungukavangizenga.

22Oloze uze mwanalunga hakwivwa lizu eli afumine kuze nakunyengetela, mwomwo apwile naluheto lwalunene, xikaho.

23Yesu ambile kuli tumbaji twenyi ngwenyi, Camwenemwene nangumilweza ngwami, Muka-luheto kwingila muwangana wamelu cacikalu.

24Ceka nawa nangumilweza ngwami, Ngamela kuhita muliso lyandongo cacaxi, oloze muka-luheto kwingila muwangana waKalunga cacikalu.

25Tumbaji twenyi hakucivwa valihomokelele cikumakuma ngwavo, Nyi iyaze mwakahasa kulilwila?

26Yesu avatalile, avambile ngwenyi, Kuli vatu eci kacahasako, oloze #Kupu. 18.14; Yopa 42.2; Yele. 32.17. kuli Kalunga vyuma vyosena vinahase.

27Haze vene Petulu amukumbulwile ngwenyi, Tala, etu tunaseze lyehi vyuma vyosena, tunakukavangiza. Xikaho etu natukamona ika?

28Yesu avambile ngwenyi, Camwenemwene nangumilweza ngwami, Hamwaka wakuwahisa ceka vyosena, haze mwakatwama Mwanamutu halitanda lyawangana lyaupahu wenyi, enu munangukave #Luka 22.30; Mateu 20.21; Kuso. 3.21.namukatwamanga nayenu nawa hamatanda amawangana likumi naavali, nakuyulanga miyaci yavaIsalele eyi likumi nayivali.

29Kaha #6.33.wexowo asezele cipwe mazuvo, cipwe vandumbwenyi vamalunga, cipwe ava vamapwevo, cipwe ise, cipwe naye, cipwe pwevo lyenyi, cipwe vana venyi, cipwe mawande enyi, halijina lyami, mwakatambwilaho likulukaji likulukaji, kaha mwakaswana kuyoya cahaya myaka yosena.

30Oloze #20.16; Mako 10.31; Luka 13.30.kuli vavavulu vanapu vaka-kulivanga navakakuminyina, kaha kuli vavavulu vanapu vakakukuminyina navakalivanga.

Currently Selected:

MATEU 19: LUE70

Highlight

Copy