MATEU 11

Vaze atumine uze muka-kumbapacisa vatu Yowano

(Luka 7.18-35)

1Kaha casolokele, #7.28; 13.53; 19.1; 26.1.omu alingile Yesu hanakumisa lyehi kuvaxika tumbaji twenyi likumi navavali, afumine kuze, ayile akanangule vatu nakwambulula mazu mumembo avo.

2Jino Yowano, #14.3.omu apwilenga muzuvo yaufunge, hakwivwa vilinga vyaKulixitu, atumine tumbaji twenyi vamwe

3nakumwihula ngwenyi, Ove yove vene #Yowa. 6.14; 11.27.Uze mweza tahi? nyi Ou tuli nakutalilila weka?

4Yesu avakumbulwile ngwenyi, Yenu mukamwambulile Yowano evi muli nakwivwa nakumona.

5Ngwenu, #Isa. 35.5-6; 61.1; Luka 4.18-19.Tupuputa vali nakutona, vaka-kumbilikita vali nakutambuka, vaka-mbumba vali nakutoma, tujikamatwitwi vali nakujikuka, vafu vali nakusanguka, vakakuhutwa vali nakuvambulila mujimbu wamwaza.

6Kaha atokwa Wexowo mwakana kumona cuma #13.21, 57; 24.10; 26.31; Yowa. 6.61.cakumufuiwisa muli Ami.

7Kahomu vapwile ava nakuya, Yesu aputukile kuhanjika kumayongomena aze nakumuvuluka Yowano ngwenyi, Mwalovokele nakuya mupambo ngwenu, mukatale ika? Lihongo lyakunyikisa kupeho tahi?

8Nyize mwalovokele ngwenu, mukamone ika? Mutu wakuvwala mahina amavwovu tahi? Ivwenu, ava vavwala vyavivwovu vali mumazuvo avamyangana.

9Oloze mwalovokelele ika? ngwenu, mukamone #14.5; 21.26; Luka 1.76; 20.6.kapolofweto tahi? Nangumilweza ngwami, Mwomwo vene, ou nahambakana kapolofweto cikuma.

10Ou you vene uze vavuluka hakusoneka ngwavo,

# Mala. 3.1; Mako 1.2. Yala, Ami nangukatuma muluwa wami kumeso ove,

Ikiye mwakalongesa jila yove kulutwe lwove.

11Camwenemwene nangumilweza ngwami, Muli vakusemuwa kuli mapwevo kamwalovokele weka wakumuhambakana muka-kumbapacisa vatu Yowanoko. Oloze uze napu wamundende kaha muwangana wamelu ikiye namuhambakana.

12 # Luka 16.16. Kaha kufumisa kumakumbi amuka-kumbapacisa vatu Yowano nakuneha noholili, wangana wamelu veji kuucicimikanga, kaha vaka-kucicimika veji kuuhukwojolanga.

13Mwomwo vapolofweto vosena najiximbi vahanjikilenga mazu aupolofweto palanga nakuli Yowano.

14Kaha kaci nge munazange kumwitavila, ikiye vene #17.10-13; Mala. 4.5; Yowa. 1.21; Luka 1.17.Elija, uze mweza kwiza.

15 # 13.9, 43; Mako 4.9, 23; Luka 8.8; 14.35; Kuso. 13.9; 2.7. Ou ali namatwitwi evwilile.

16Oloze vaka-tanga yino nanguvafwanyisa nge ika? Vanafwane nge vanyike, ava vanatwame kuvilanjilo, navalisanyika navakwavo

17nakulyamba ngwavo, Tunamimbila jipanda, oloze kamwakinyineko, ngwavo, Tunamimbila lungungu, oloze kamwayengayengeleko.

18Mwomwo Yowano ejile, #3.4.kalilengako, #Luka 1.15.kanwinengako, kaha hinavamba ngwavo, Ali nandemone, xikaho.

19Mwanamutu neza, eji kulyanga nakunwa, kaha hinavamba ngwavo, Talenu mutu muka-kufwa hakulya nahakunwa vinyo, #9.11; Luka 15.2.sepa lyavakakukonga milambu navaka-xili! Oloze mangana vanawasambixila havilinga vyawo.

Mama lelo hamembo anakane kupihilila

(Luka 10.13-16)

20Haze vene aputukile kuwahanjikila membo aze valingilile vilinga vyenyi vyangolo vyavivulu muwakiko, mwomwo kavapihililile nakwalumukako, xikaho.

21Ngwenyi, Ove Kolajine, mama lelo hali ove! Ove Mbetesaita, mama lelo hali ove! Mwomwo vilinga vyangolo vize vanalingila lyehi muli enu, kaci vavilingilile muTule namuXitone, kaci yalumukile lyehi mwaka #Kuso. 11.3.nakuvwala vikelei #Yopa 2.8; Yele. 6.26; Ezeke. 27.30; Yona 3.6. nakutwama muuto.

22Oloze nangumilweza ngwami, Halikumbi lyakupayisa vatu vihuli vyavaka-Tule navaka-Xitone navikakuminamo, vyayenu navikalitulaho.

23Nayove nawa, ove Kapelenau, navakakuzezula mbwe namwilu numba? Naukaxikumuka mbwe #11.23:Kwaya vafu. nakuHetese. Mwomwo vilinga vyangolo vize vanazacila lyehi muli ove, kaci vavizacilile muSotome, kaci lyelilyo nakulikumbi lyalelo.

24Oloze nangumilweza ngwami, #10.15; Luka 10.12.Halikumbi lyakupayisa vatu vihuli vyavaka-lifuci lyaSotome navikakuminamo, vyayove nayikalitulaho.

Twayenu kuli Ami munokenga

(Luka 10.21-22)

25Haze vene Yesu ahanjikile ngwenyi, Ove Tata, Mwenyalilu namavu, ngunakusakwilila mwomwo #Koli. 1, 1.26-29.vyumevi wavaswekavyo vaka-mangana navaka-kunangakana, unavisolwela kuli vakemba.

26Mwomwo vene, Ove Tata, mwomwo mukiko mwawahila kumeso ove.

27 # 28.18; Yowa. 3.35; 5.20; 13.3; 17.2. Vyuma vyosena vananguhanevyo kuli Tata, kaha naumwe pimbi amutacikiza MwanaKalunga, #Yowa. 7.29; 10.15.kuvanga Ise kaha. Cipwe Ise nawa, naumwe pimbi amutacikiza, #Yowa. 17.25.kuvanga Mwanenyi kaha, nawexowo nawa navazanga kumusolwelayo kuli Mwanenyi.

28 # Yowa. 7.37. Twayenu kuli Ami enu muvosena muli nakukilikita nakumbata vyavilemu, kahAmi nanguminokesa.

29Litwikenu toka yami, #Yowa. 13.15; Efwe. 4.20; Fwili. 2.5; Petu. 1, 2.21; Yowa. 1, 2.6.linangulenunga kuli Ami, mwomwo Ami ngumuvwovu, ngumuka-kulinyisa mumucima, kaha #Yele. 6.16.namumona kunoka kumyono yenu.

30Mwomwo toka yami yayaxi, kaha citeli cami nawa cacihehu, xikaho.

Currently Selected:

MATEU 11: LUE70

Highlight

Copy