MALAKI 2
2
Yehova mwavahanjikila vaIsalele hakukana cavo kuxixika
1Kaha jino, enu vapilixitu, luximbi elu lunapu hali enu.
2Kaci nge namukana kwivwilila, kaci nge namukana kuluhaka kumicima yenu nakulemesa lijina lyami (mukiko mwanambe Yehova wamayongomena), kaha #Luxi. 28.16-20.cangu nangukacituma hali enu, evi vyakumiwahisa nangukavyangula. Mwomwo vene, ngunavyangula lyehi, mwomwo kamwexi kuluhaka kumicima yenuko, xikaho.
3Talenu, nangukuhanjikila tanga yenu. Nangukamixila tuji kumeso enu, otwo tuji twaviwanyino vyenu, kaha navakamifumisako natwo hamwe.
4Namukatacikizomu ngunamitumina luximbi elu, mangana #Kula. 3.45.luxiko lwami lupwenga kuli Levi. Mukiko mwanambe Yehova wamayongomena.
5Luxiko lwami lwapwilenga kuli ikiye, lwakuyoya #Kula. 25.12.nakuunda. Ngwamuhanyinevyo mangana evwenga woma, kaha #Kula. 25.7, 8, 13.angwivwilenga woma, akomokelenga lijina lyami.
6Jiximbi jamucano japwilenga mukanwa kenyi, kaha mumivumbo yenyi kavawanyinemo kuhengako. Atambukilenga naYami mukuunda nakusungama, alumwine vavavulu vaseze kuhengesa.
7Mwomwo mivumbo yakapilixitu kaci nayilamanga #Levi 10.11.cinyingi, #Luxi. 17.8-11.jiximbi vajisakilenga kukanwa kenyi, mwomwo napu muluwa waYehova wamayongomena, xikaho.
8Oloze enu munapyapumuka lyehi mujila, munalingisa lyehi vavavulu kulimbwojoka kujiximbi, luxiko lwaLevi munalwenyeka lyehi. Mukiko mwanambe Yehova wamayongomena.
9Xikaho Ami nawa ngunamilingisenu kupwa muvakulumbilisa, muvakwinyisa kuli vatu vosena, nganomu munakanyinanga kulama jiximbi jami, nomu munamono vatu mweka namweka kujiximbi.
10Tuvosena tuli naSetu umwe nyi? Ou atutangile Ikiye Kalunga umwe nyi? Ikaze tweji kulimbembejekelanga mutu himutu nandumbwenyi, nakujilulula #Kulo. 19.4-6; 24.3, 7, 8.luxiko lwavakakuluka jetu?
11Yuta nalingi lyehi mwakumbembejeka, vanalingi lyehi mwaunyengwe muIsalele namuYelusalema, mwomwo Yuta #Ezela 9.1, 2.najilulula lyehi kujila caYehova eci azanga, nambate lyehi mwanakalunga weka.
12Kuli mutu ou eji kulinganga ngana Yehova mwakatetako ou wakutona nayou wakwitaviza mujimbalaka jaYakova, nou nawa mwahana wana kuli Yehova wamayongomena.
13Ceka nawa mweji kulinganga naceci nawa. Kulijiko lyaYehova lyakulumbila mweji kufwikangako namasoji, nakulila nakukemena, ngoco wana kexi nakuutala cekako, kexi nakuwitavila nakuwivwila kuwaha kumavoko enuko.
14Oloze namungwihula ngwenu, Mwomwo ika? Mwomwo Yehova napu Cinjiho muli enu napwevo lyove wahaukweze wove, ou unambembejekove, oloze ikiye mukwenu, ikiye pwevo ou walixikile nenyi luxiko.
15Cipwe Xipilitu asalileho kuli Ikiye, oloze #Kupu. 2.24; Mateu 19.4, 5.atengele umwe nyi? Ikaze amutangilile uze umwe? Mwomwo atondele tanga yaKalunga, xikaho. Xikaho lamenunga jixipilitu jenu, kanda mutu umwe amumbembejeka pwevo lyenyi wahaukweze wenyiko.
16Mwomwo ngunahungu kutumbika mapwevo. Mukiko mwanambe Yehova, Ou Kalunga kaIsalele. Ngwahunga nayou nawa eji kuvwalanga ulyanyi hakuvwala cenyi. Mukiko mwanambe Yehova wamayongomena. Xikaho lamenunga jixipilitu jenu, kanda mukambembejeka vakwenuko.
Likumbi lyakupayisa vatu lili hakamwihi
17Munamukatalisa lyehi Yehova namazu enu. Oloze namungwihula ngwenu, Mulihize tunakukatalixila? Mwomwo mweji kwambanga ngwenu, Vexovo navalinga mwamupi vanapu vamwaza mumeso aYehova, ngwenu, Ikiye avevwila kuwaha, mokomoko ngwenu, Kalunga waciyulo ali kulihize?
Currently Selected:
MALAKI 2: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
