MALAKI 1
1
Omu azanga Yehova Yakova
1Eci cikiko citeli calizu lyaYehova kuli vaIsalele muli Malaki.
2Yehova nambe ngwenyi, Ngunamizange. Oloze namungwihula ngwenu, Unatuzangila mulihi? Esau apwile yaya yaYakova nyi? Mukiko mwanehula Yehova. Oloze #Loma 9.13.ngwamuzangile Yakova.
3Kaha Esau ngwamuhungile, jipili jenyi #Yele. 49.16-18.ngwajilingixile kupwa jahwilici, uswana wenyi ngwauhanyine kuli vamyumbwe vamupambo.
4Omu navamba vaEtome ngwavo, Vanatupupwojola, oloze natukakinduluka nakutungulula jingundu, Yehova wamayongomena ngwenyi, Vakivo navakafungulula, oloze Ami nangukaxiula. Navakavavuluka ngwavo, Ngiza yakuhuka, ngwavo, Vatu ava nevwila Yehova matoto haya myaka yosena.
5Meso enu nawakacimona, kahenu namukamba ngwenu, Vamutohwesenga Yehova oku kuhambakana ngiza yaIsalele.
Yehova mwavahanjikila vapilixitu
6Mwana eji kulemesanga ise, ndungo eji kulemesanga kaka yenyi. Jino kaci nge Ami nguSenu, kaha kungulemesa cilihize? Kaci nge Ami nguKaka yenu, kaha kungwivwa woma cilihize? Mukiko mwanamihula Yehova wamayongomena enu vapilixitu, enu mweji kulumbilisanga lijina lyami. Jino namungwihula ngwenu, Lijina lyove tunalilumbilixila mulihi?
7Mweji kuhanyinanga #Levi 21.6, 8.kulya cakujilulula halijiko lyami lyakulumbila. Kaha namungwihula ngwenu, Tunakujilulwila mulihi? Mwomwo mweji kulyambanga ngwenu, Mesa yaYehova yapwa yakulumbilisa.
8Kahomu namupandamisava #Luxi. 15.21.vahona meso nakuvavatula, ngwenu, Kacapihileko! Kahomu namupandamisava vakumbilikita navava vali nakukola, ngwenu, Kacapihileko! Vahane jino kuli nguvulu yove! Mwakwivwila kuwaha numba? Mwakwitavila nalikoji numba? Mukiko mwanehula Yehova wamayongomena.
9Kaha jino, acimulembelelenu Kalunga atutale nalikoji, mangana atutetele. Eci cineza mumavoko enu. Mwetavila vakwenu vamwe nalikoji numba? Mukiko mwanehula Yehova wamayongomena.
10Muli enu muli iya nawa mwetava kusoka mapito? Kaha kamute kuwika kakahya cawana halijiko lyami lyakulumbila! Yehova wamayongomena nambe ngwenyi, Kangwamivwila kuwahako, kaha kangwexi kwitavila wana kumavoko enuko.
11Mwomwo kufumisa kukututuka calikumbi palanga nakukulauka calyo lijina lyami nalikatohwanga muli vaka-mafuci. Kaha navakalumbilanga lijina lyami vyalivumba lyamwaza namawana atoma kuma kwosena. Mwomwo lijina lyami nalikatohwanga muli vaka-mafuci. Mukiko mwanambe Yehova wamayongomena.
12Oloze enu mweji kulijilulanga omu namwamba ngwenu, Mesa yaYehova yinajiluluka, ngwenu, Mihako yayo, kulya cayo, cinapu cakulumbilisa.
13Mweji kulyambanga nawa ngwenu, Okilika kana! Kaha munayihumbula. Mukiko mwanambe Yehova wamayongomena. Munanehe ava vakupupa, navava vakumbilikita, navava vakukola. Mukiko mumweji kunehelanga mawanenu. Kaha ngwitavile ava kumavoko enu nawa? Mukiko mwanehula Yehova.
14Oloze ou mwalinga mwakutangisa apwenga wakwangula, ou ali nacilunga kuutanga wenyi, ou mwalixika, hikumuvatwila Mwata #Levi 22.18-20.owo ali nakatenga. Mwomwo Ami nguMwangana wamunene, xikaho. Mukiko mwanambe Yehova wamayongomena. Ngwenyi, Lijina lyami lyapwa lyakwivwisa vatu woma muli vakamafuci.
Currently Selected:
MALAKI 1: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
