LUKA 2
2
Kusemuka caYesu
(Mateu 1.18-25)
1Jino casolokele hamakumbi aze, kuli #3.1.Kesale Angusutu kwafumine luximbi mangana ngwenyi, vaka-mafuci osena vakavasoneke.
2Eci vene cikiko kusoneka catete cize vasonekele omu apwile Kulenyu nguvulu kuSulya.
3Vatu vosena vapwile nakuyaya mangana vakavasoneke, mutu himutu kwimbo lyenyi.
4NaYosefwe nawa akatukile kuNgalileya kwimbo lyaNazaleta, ayile kuYuleya kwimbo lyaNdavici, lize vene vavuiuka ngwavo, Mbetelema, #1.27.mwomwo apwile wakujimo lyatanga yaNdavici, xikaho.
5Ayileko mangana vakamusoneke, naMaliya nawa, uze ahuhwile, apwile hanakulisa lyehi lijimo.
6Jino ximbu vatwamine kuze, makumbi atelemo mangana asapuluke.
7Kaha asemene mwanenyi walunga watwatwa, amujingilile mulihina, amusavalikile muze mwakulila vimuna, mwomwo muzuvo yavangeji kamwapwile namumwe mwakusavala vakivoko, xikaho.
Tufunga navangelo
8Jino kulifuci lize kwapwile tufunga nakutwama kucipapa nakulama mikoko javo naufuku.
9 #
1.11; Vili. 5.19. Kuli vakivo kwemanyine kangelo kaYehova, upahu waYehova wavamunyikile kwosena jingulwixi, kaha vevwile woma cikuma.
10Uze kangelo avambile ngwenyi, #Mateu 14.27.Kanda mwivwa womako, mwomwo talenu, nangumyambulila mujimbu wamwaza wakuwahilila cikuma nacikapwanga kuli vatu vosena.
11Mwomwo lelo lino kwimbo lyaNdavici kunamisemukila #Yowa. 4.42; Vili. 5.31; Mateu 1.21.Mulwilo, Ivene #Mateu 16.16; Vili. 2.36.Kulixitu, Mwata.
12 #
Samwe. 1, 2.34; Vamya. 2, 19.29; Isa. 7.11, 14. Eci cikiko cinjikizo cenu, namukawana kemba wakujingila mulihina, vanamusavalika muze mwakulila vimuna.
13Kaha kukasumuka, kwasolomokele liyongomena lyavaka-mwilu vali nayauze kangelo hamwe, vali nakumwalisa Kalunga nakwamba ngwavo,
14 #
19.38; Mateu 21.9. Vamutohwesenga Kalunga muze mwakulitulaho mwilu, Kaha hamavu hapwenga kuunda muli vatu ava #3.22.eji kwivwilanga kuwaha.
15Kaha casolokele, omu vafumine vaze Vangelo kuli vakivo nakuya mwilu, tufunga valyambile ngwavo, Tuyenu jino mbwe nakuMbetelema, tukamone cuma kanoco cinasolokako, eci natujimbwila Yehova.
16Vanguhwixile kuyako, kaha vamuwanyine Maliya naYosefwe nauze kemba nawa vanamusavalika muze mwakulila vimuna.
17Omu vamumwene, vambulwile mazu aze vavalwezele akumuvuluka uze kemba.
18Kaha vosena vaze vawevwile valikomokelele kuvyuma vize vavalwezele kuli vaze tufunga.
19Oloze #v. 51.mazu osenawa Maliya awalaminenga nakuwaxinganyekanga mumucima wenyi.
20Vaze tufunga vakindulukile nakumutohwesa Kalunga nakumwalisa havyuma vyosena vize vevwile navize vamwene, nge muze vavalwezele.
Navamuhana Yesu mutembele
21Omu mwahicile #1.59.makumbi atanu naatatu numba vamujihane, #1.31; Mateu 1.25.vamulukile lijina lyenyi ngwavo, Ikiye Yesu, nge muze vamuvulukile kuli uze kangelo ximbu haze apwile naye kanda acimwimite.
22Omu atelemo #Levi 12.2-6.makumbi akuvatomesa nge mwaya Jiximbi jaMose, vamutwalile uze mwana kuYelusalema mangana vakamuhane kuli Yehova,
23(nge muze vasoneka mujiximbi jaYehova ngwavo, #Kulo. 13.2, 12.Vana vamalunga vakuliteta mitwe vosena vakavavuluke ngwavo, Vakivo yakujilila Yehova),
24kaha mangana vakahane wana wakuvatula nge muze vanambe mujiximbi jaYehova ngwavo, #Levi 12.8; 5.11.Cipwe tutela vavali cipwe vana vamayembe vavali.
25Kaha kumana, kuYelusalema kwapwile mutu lijina lyenyi apwile ikiye Ximeyone. Mutu uze apwile muka-kwoloka, apwile mukazakama Kalunga, #v. 38; 23.51; Mako 15.43.apwile nakutalilila kuvendejeka kana cakuvavendejeka vaIsalele, kaha Xipilitu wajila apwile hali ikiye.
26Vamulwezele lyehi kuli Xipilitu wajila ngwenyi, Kuvanga unamono Kulixitu yaYehova, numbanyi ukamone kufwa.
27Hakumulweza kuli Xipilitu engilile mutembele. Haze vamwingixilemo visemi vyenyi mwanavo Yesu mangana ngwavo, vamulinge nge mwaya cilika cakuJiximbi jaKalunga,
28Ximeyone amutambwile uze mwana mumavoko enyi, amukiswile Kalunga ngwenyi,
29Ove Mwata, ngwitavile jino ami ngamba yove nguyenga nakuunda,
# v. 26. Nge omu lyaya lizu lyove,
30Mwomwo #3.6; Isa. 52.10.ulwilo wove meso ami anaumono lyehi,
31Ou unalongesa lyehi kumeso avatu veka naveka vosena.
32Ukiko #Isa. 42.6; 49.6; Vili. 13.47; 26.23.musana wakusolwela vaka-mafuci eka,
Ukiko upahu wavatu jove va Isalele.
33Kaha ise nanaye vapwile nakulikomokela kuvyuma ahanjikile hakumuvuluka.
34Ximeyone avakiswile, ambile kuli naye yakemba Maliya ngwenyi, Tala, uno mwana vanamusakula kupwa #Koli. 1, 1.23; Koli. 2, 2.16; Petu. 1, 2.8.muka-kulimbwisa nakuhindula vavavulu muli vaIsalele, nakupwa cinjikizo navakafulililanga.
35(Nayove nawa, mumwono wove ove lyavene namukatuvasana poko yamukwale.) Mangana vakasolole vixinganyeka vyamumicima yayivulu.
36Kwapwile nawa #Vili. 21.9.kapolofweto wapwevo, Ana, mwanaFwanwele, wakumuyaci waAxele. Ikiye apwile hanakulu lyehi cikuma. Kufumisa kuusanda wenyi atwaminenga myaka yitanu nayivali nalunga lyenyi.
37Kaha lunga lyenyi hakufwa atwaminenga muujike lika nakuhetesa mumyaka makumi atanu naatatu namyaka yiwana. Ikiye kafumine mutembeleko, oloze amulemeselenga Kalunga hakulitwamina kulya kakavulu nahakulembelelanga naufuku namusana.
38Ikiye hakwingilamo halwola luze amusakwililile Kalunga, amuvulukilenga uze mwana kuli vosena vaze #v. 25.vapwile nakutalilila kusokoka caYelusalema.
Navakinduluka ceka kuNazaleta
39Kahomu valingile hivanamanyisa lyehi kulinga vyuma vyakuya mwaya Jiximbi jaYehova vyosena, vahilukile ceka kuNgalileya, kwimbo lyavo #v. 51; 4.16; Mateu 2.23.kuNazaleta.
40Kaha #Isa. 40.3-5.uze mwana azovolokelenga, apwile nakuya nakukwata ngolo, azalile namangana, kaha #2.40:Mokomoko ngwavo, Kalunga amwivwilile uselewa.likoji lyaKalunga lyapwilenga muli Ikiye.
Uze kanyike Yesu mutembele
41Visemi vyenyi vayilenga kuYelusalema hamwaka hamwaka #Luxi. 16.1-6; Kulo. 23.15. haciwanyino capaseka.
42Kahomu ahetele kumyaka likumi nayivali, vakandukileko nge omu valingilenga haciwanyino.
43Omu valingile #Kulo. 12.15.hivanamanyisa lyehi makumbi aze, hakukinduluka cavo, uze kanyike Yesu hanasale lyehi munyima muYelusalema, kaha visemi vyenyi kavacitacikijileko.
44Oloze hakuxinganyeka ngwavo, Ali mucendo cetu, vatambukile musango walikumbi limwe, kaha vamutalatalile kuli vausoko wavo nakuli vaze valiji navo.
45Omu vahonene kumuwana, vahilukile ceka kuYelusalema nakumutalatala.
46Kaha casolokele, omu mwahicile makumbi atatu, vamuwanyine mutembele, hanatwame mukaci kavakakunangula, ali nakuvevwilila nakuvehwojola.
47Kaha vosena vaze vapwile Hakumwivwilila vafwile cixima kukunangakana cenyi nakukukumbulula cenyi.
48Hakumumona valihomokelele, kaha naye amwihwile ngwenyi, Ove mwanami, ikaze unatulingila ngana? Tala, etu #3.23.naiso tunakutalatala nakulinyenga.
49Avambile ngwenyi, Ikaze munangutalatalila? Kamwatacikijileko tahi? catela kuli Ami kupwa kuvyuma vyaTata.
50Oloze lizu lize avulukile kuli vakivo kalyavalumbunukilileko.
51Kaha axikumukile navo nakuheta kuNazaleta. Kaha ononokelenga kuli vakivo, kaha #v. 19.mazu osenawa naye awalaminenga mumucima wenyi.
52Yesu #v. 40; 1.80.apwile nakuya nakukwata mangana, nakuzovoloka kumujimba, Hakumwivwila uselewa kuli Kalunga nakuli vatu.
Currently Selected:
LUKA 2: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
