LUKA 12

Kutuhuhumuna kukulyonga

1Hamakumbi aze, haze valihomenene vaze vatu makombakaji amavulu hamwe ngoco nakulilyatalyata, aputukile kuvamba tumbaji twenyi hakulivanga ngwenyi, #Mateu 16.6; Mako 8.15.Lilamenunga kucimbalwila cavaFwaliseu, cikiko vene kulyonga.

2Oloze #8.17; Mateu 10.26; Mako 4.22.kakwexi cuma cakufwika cimwe navakahona kufwikununako, cipwe cuma cakuvumbama cimwe navakahona kutacikiza.

3Xikaho, vyexovyo munambe mumilima nayikevwakana musana weye, kahoco munahanjikila mulitwitwi muzuvo yakusongo navakacivilika #Mateu 24.17.helu lyamazuvo.

Ou natwivwa woma

(Mateu 10.26-31)

4Nangumilwezenu #Yowa. 15.13-15.masepa jami ngwami, Kanda mukavevwa woma vaze veji kujihanga mujimba oloze hakukumisa numba vahone cuma ceka navahasa kulingako.

5Oloze nangumihuhumuna nakumilwezOu namwivwa woma. #Hepe. 10.31.Mwivwenu womOu, Ikiye, cose najihi lyehi mutu, ali nangolo jakumumbila #Mateu 5.22.muNgehena. Mwomwo vene, nangumilweza ngwami, Mwivwenu woma Ikiye.

6Tujilili vatanu vanahase kuvalanda najipene jivali nyi? Oloze kuli Kalunga kavavulyama minavo naumweko.

7Oloze #21.18; Vili. 27.34.cipwe jikambu jakumitwe yenu vajilava lyehi josena ma. Kanda mwivwanga womako, #Mateu 12.12.enu mwalema kuhambakana tujilili vavavulu.

Kumwitavila Kulixitu kumeso avatu

8Kaha nangumilweza ngwami, Wexowo mwangwitavila kumeso avatu, naMwanamutu nawa mwakamwitavila ikiye nawa kumeso avangelo jaKalunga.

9Oloze #9.26; Mako 8.38; Cimo. 2, 2.12.ou mwanguhamikila kumeso avatu navakamuhamikila ikiye nawa kumeso avangelo jaKalunga.

10 # Mateu 12.31-32; Mako 3.28-29. Wexowo mwakahanjika lizu lyakumufulilila Mwanamutu navakamukonekelalyo. Oloze ou mwamusaula Xipilitu wajila kavexi kukamukonekelacoko.

11 # 21.14-15; Mateu 10.19-20; Mako 13.11. Cose navakamitwala kumeso avaka-jisunangonga, nakumeso avaka-kuyula, nakumeso avakulwane, kanda mukazakama mwakukumbulwilako, cipwe mwakuhanjikilako.

12Mwomwo halwola luze vene Xipilitu wajila mwakaminangula muze mwatela kuli enu kuhanjika, xikaho.

Ciximo camuka-luheto wakuhulama

13Kaha kuliyongomena mutu umwe amwambile ngwenyi, Ove mukakunangula, mulweze ndumbwami tukalipangile uswana.

14Oloze Yesu amwihwile ngwenyi, Ove lunga, iyaze nangulingisa kupwa ngumuka-kusopesa cipwe ngumukakupangila muli enu?

15Kaha avambile ngwenyi, #Cimo. 1, 6.6-10.Nyingililenunga, lilamenunga kulwiso lwosena, mwomwo kuyoya camutu kacafuma kukuvula cavyuma ahetako.

16Kaha avatetele ciximo ngwenyi, Mawande amutu umwe muka-luheto emine cikuma.

17Kaha alihwile mumucima wenyi ngwenyi, Nangulinga muka? Mwomwo kangwexi namwakusweka jimbuto jamiko.

18Alyambile ngwenyi, Munangulinga ngana. Nangusanda visete vyami, nangutunga vyeka vyavinene, mukiko vene nangusweka kulya cami cosena navikumba vyami.

19Kaha nangwamba mwono wami ngwami, Ove mwono wami, uli navikumba vyavivulu unaliswekela vyakutwala kumyaka yayivulu. Ijiva kuhwimanga jino, ulyenga, unwenga, usehelelenga.

20Oloze Kalunga amwambile ngwenyi, #11.40; Yele. 17.11.Ove wahulama! ufuku uno vene #Yopa 27.8.nangusanyika mwono wove, kaha #Samu 39.6.vyuma kanovyo unalilongesela lyehi navikapwa vyeya?

21Mukiko vene mwanapu mutu #v. 33-34.mwalilunjikila ivene luheto, oloze nasuvala kuli Kalunga.

Kuzakama

(Mateu 6.25-34)

22Kahambile kuli tumbaji twenyi ngwenyi, Xikaho nangumilweza ngwami, Kanda muzakamina myono yenuko ngwenu, Natulya ika? cipwe kuzakamina mijimba yenu ngwenu, Natuvwala ika?

23Mwomwo mwono ukiko walema kuhambakana kulya, kaha mujimba walema kuhambakana vyakuvwala.

24 # v. 6-7; Yopa 38.41. Xinganyekenu makololo, mwomwo kavexi kukuvako, kavexi kwahako, kavexi navisete namazuvo avikumbako, oloze Kalunga eji kuvalisanga. Enu mwalema cikuma kuvahambakana tujila.

25Muli enu muli iyaze hakulizakamina mwahasa kulihakila #12.25:Kuvite yimwe yapwile kafwe citenda camukonekelo.kuvite yimwe kucivuvu cenyi?

26Xikaho kaci nge mwahona kulingoco cacindende, ikaze mweji kuzakaminanga vyuma vyeka?

27Xinganyekenu jitemo omu jeji kukulanga, kajexi kuzazatako, kajexi kuhosako, oloze nangumilweza ngwami, Cipwe #Vamya. 1, 10.1-10.Solomone naupahu wenyi wosena kavwalile kuvwala cimwe cakulita natemo yimweko.

28Xikaho kaci nge Kalunga eji kuvwikanga mwila wamuvipapa ngoco, ou naupwako lelo kaha, hamene hinavaumbila mujiko, kaha kexi kuhambakana cikuma kumivwikenuko numba? #Mateu 6.30.enu vakakufwelela cacindende.

29Enu kanda mukasakasaka ngwenu, Natulya ika? ngwenu, Natunwa ika? Kaha nawa, kanda mukatwama namucima wakukakasanako.

30Mwomwo vyuma vyosenevi vakamafuci ahano hamavu veji kuvisakasakanga, oloze #Mateu 6.8.Senu wamwilu natacikizomu mwasaka vyuma vyosenevi.

31Oloze sakenunga wangana wenyi, kaha #Mateu 6.33.vyosenevi navakamihakilavyo.

Luheto lwamwilu

(Mateu 6.19-21)

32Enu #Yowa. 21.5-17.utanga wamikoko waundende, #Mateu 14.27.kanda mwivwanga womako, mwomwo #Mateu 25.34.wangana Senu namono kuwaha kumihanawo, xikaho.

33 # 18.22; Mateu 19.21. Lanjisenu vikumba vyenu, vipangilenu kuli vaka-kuhutwa. Litongelenu tungonga twakuzeneka kuseka. Lilunjikilenu #v. 21; Mateu 6.20-21.luheto lwakuzeneka kuhwa mwilu, muze mwahona mwiji kupandama, cipwe katutu kwenyeka.

34Mwomwo kuze kuli luheto lwenu, kwakuze vene nakupwanga namicima yenu nawa.

Vangamba vaka-kutalilila

35 # Efwe. 6.14; Petu. 1, 1.13; Mateu 25.1-3. Pwenunga mwalijicika lyehi mihya mujimbunda jenu, namanongo enu akuwika lyehi,

36 # Mako 13.33-37. kahenu vavene pwenunga nge vatu veji kumutalililanga kaka yavo, omu mwakinduluka hakufuma kucifupawenga, mangana ikiye hakwiza nakungongomweza vakanguhwe nakumusokolwelako.

37Vanatokwa vandungo vaze hakwiza kaka yavo mwawana #Mateu 24.42.vanatono. Camwenemwene nangumilweza ngwami, #Yowa. 13.3-5.mwakalijicika muhya mumbunda yenyi nakuvatwamisa kumesa, mwakapandama nakuvazacila.

38Kaha kaci nge mweza hacilo camucivali, cipwe hacilo camucitatu, nakuvawana ngoco, vandungo kana vanatokwa.

39 # Mateu 24.43-44. Oloze tacikizenu, mwenyazuvo kaci atacikijile halwololwo mweza #Teso. 1, 5.2; Kuso. 3.3; 16.15; Petu. 2, 3.10.mwiji, kaci atonene, kaci kasezele tuhu zuvo yenyi vayituve tuhu nakwingilamoko.

40Nayenu nawa pwenunga mwalizanga lyehi, mwomwo halwola munazenekenu kuhaka kumicima, lukiko vene mwakeza Mwanamutu.

Ngamba wakuhona kuxixika

(Mateu 24.45-51)

41Kaha Petulu amwihwile ngwenyi, Ove Mwata, ciximo cino unaciteletu kaha tahi? nyi navatu vosena nawa?

42 # 7.13. Mwata ambile ngwenyi, Iyaze napu uze kaselwa wakuxixika wakuzangama, ou navahana kuli kaka yenyi kumulamina vakuzuvo yenyi, mangana ngwenyi, avahanahanenga kulya cavo halwola lwakuvahana?

43Natokwa ndungo uze hakwiza kaka yenyi mwawana ali nakulinga ngoco.

44Mwamucano vene nangumilweza ngwami, Mwakamulingisa kupwa muka-kumulamina vyuma vyenyi vyosena.

45Oloze kaci nge uze ndungo mwalyamba mumucima wenyi ngwenyi, Kaka yami acili nakuximbula, kexi kwiza waxiko, kaha himvaputuka kuvaveta vandungo vakwavo vamalunga navava vamapwevo, nakulya nakunwa nakupenda,

46kaka yayauze ndungo mwakeza halikumbi nazeneka kumutalilila, halwola nazeneka kutacikiza, kaha mwakamwipula vikote, mwakamutongwela kwenyi navaze vakukana kuxixika kumwe.

47Kaha ndungo uze atacikijile mwaya mucima wakaka yenyi, oloze akanyine kulizanga, akanyine kulinga mwaya mucima wenyi, #Luxi. 25.2-3.navakamuveta nakulovola mikiki yayivulu.

48Oloze ou #Levi 5.17; Kula. 15.29-30.ahonene kutacikiza, ou alingile vyuma vyatela kumuvetela, navakamuveta nakulovola mikiki yayindende kaha. Kaha #Mateu 13.12.wexowo vanahane vyavivulu, kuli ikiye navakasakako vyavivulu, kahou vanasela vyavivulu, navakamw ihula vyavivulu.

Yesu Muka-kuhandununa

(Mateu 10.34-36)

49Ngwejile nakumbila kakahya hamavu, kaha kaci nge kanaputuka lyehi nangusaka ika nawa?

50Oloze ngukweci #Mako 10.38-39. kumbapacisa navakangumbapacisa, kaha mucima wami oco kulemuwa palanga nomu navacimanyisa!

51Munaxinganyeka ngwenu, nguneza nakuneha kuunda hano hamavu tahi? Nangumilweza ngwami, Nduma, oloze xina kuhandununa vatu.

52Mwomwo kufumisa kulelo muzuvo yimwe namupwanga vatu vatanu vanalihandununa, vatatu vanakindukila vavali, vavali vanakindukila vatatu.

53Navalihandununa, #Mika 7.6; Mateu 10.21.ise mwakindukila mwanenyi walunga, mwana walunga mwakindukila ise, pwevo mwakindukila mwanenyi wapwevo, mwana wapwevo mwakindukila naye, nayewenu yamutu mwakindukila nayewenu, nayewenu mwakindukila nayewenu.

Kweseka mvaka

(Mateu 16.1-4; Mako 8.11-13)

54Ambile nawa kuliyongomena ngwenyi, Enu hakumona livwi nalifuma kumuyakumbi, linwomu vene namulyamba ngwenu, Vula nayinoka. Kaha ngoco vene munacisoloka.

55Kaha nawa, omu nakuhuhwa peho yakumutamba wasulo, hinamulyamba ngwenu, nakwiza kaza yanonga, kaha hinayiza vene.

56Enu vaka-kulyonga! Munatacikiza kwesekevi vyahamavu nevi vyahelu, oloze ngacilihi munahono kweseka myaka yino?

Kwivwasana navou mwakuhana mulonga

(Mateu 5.25-26)

57Kaha ikaze munazenekelenu vavene kulyanukila mwakwoloka?

58Mwomwo ximbu uli nakuya kuli muka-kuyula namukwenu munalivulumuna nenyi, ximbu mucili mujila, eseka cikuma kwivwasana nenyi, kucina pamo mweza kulinga mwakutwala kuli muka-kuyula, kaha muka-kuyula himwakuhana kuli liswalale, kaha liswalale himwakuhaka muzuvo yaufunge.

59Nangukulweza ngwami, Kawexi kwiza kukalovokamo waxiko, kuvanga unamane kukuka pene yakukumisa mulonga.

Currently Selected:

LUKA 12: LUE70

Highlight

Copy