YONA 3
3
Vaka-Nyineve navalumuka
1Jino lizu lyaYehova lyejile kamucivali kuli Yona ngwenyi,
2Katuka, uye kuNyineve, kwimbo lize lyalinene, ukalivilikile luvila kana ngunakulweze.
3Ngoco Yona akatukile, ayile kuNyineve nganomu lyambile lizu lyaYehova. Jino Nyineve lyapwile limbo lyalinene cikuma lyakutambuka makumbi atatu.
4Yona aputukile kwingila mwimbo lize kutambuka likumbi limwe, kaha avilikile nakwamba ngwenyi, Kunasale makumbi makumi awana numba vakakatumune Nyineve.
5Ngoco vatu vamuNyineve #Mateu 12.41; Luka 11.32.vamwitavile Kalunga, vavilikile kulitwamina kulya, vavwalile vikelei, kufumisa kuli ou wamulemu nakutwala kuli ou wamokomoko.
6Lizu eli lyahetele kuli mwangana waNyineve, kaha akatukile kulitanda lyenyi lyawangana, alizulile lihina lyenyi, avwalile vikelei, atwamine muuto.
7Ahicixilemo luvila ambile haluximbi lwaivene mwangana navilolo jenyi ngwenyi, Cipwe mutu cipwe kanyama, cipwe ngombe cipwe cimuna wamundende, kanda vakamakila cumako kanda vakalyako cipwe kunwa meya.
8Oloze vavwalenga vikelei, navatu natunyama, vasanyikenga nangolo kuli Kalunga, valumuke mutu himutu nakuseza jila yenyi yayipi nakuseza ulyanyi uli kumavoko enyi.
9Kwiji, Kalunga mwakalumuka pamo nakututetela nakupeuka kuliyena lyautenu wenyi mangana tukazeneke kunonga.
10Kaha Kalunga amwene vilinga vyavo, nomu Valumukile nakuseza jila yavo yayipi, ngoco Kalunga #Yele. 18.8.alumukile nakuseza lupi luze ambile kuvalinga, kalulingileko.
Currently Selected:
YONA 3: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
