KULOVOKA 9
9
1Yehova ambile kuli Mose ngwenyi, Ingila muli Fwalo, umwambulile ngwove, Yehova Kalunga kavaHepeleu nambe ngwenyi, Suwula vatu jami mangana vakanguzacile.
2Mwomwo kaci nge naukana kuvasuwula, nge ciuvayiya lika,
3tala, livoko lyaYehova lili havimuna jove vali muvipapa, nahali tuvalu, nahali vimbulu, nahali vangamela, nahamautanga avangombe, nahamautanga avimuna vavandende, nakupwa musongo wakulitambwisa waupi cikuma.
4Yehova mwahandununa mukaci kavimuna javalsalele navimuna vamuEjipitu, kuli ava vavana vaIsalele kakwexi kufwa cipwe umweko.
5Yehova atongwele nawa likumbi ngwenyi, Hamene numba Yehova alinge cuma kana mulifuci.
6Kahomu kwacele Yehova alingile cuma kana. Vimuna vamuEjipitu vosena vafwile. Oloze kuli vimuna javana vaIsalele kakwafwile cipwe umweko.
7Fwalo atumine vatu, kaha kumana, kuli vimuna javalsalele kakwapwile umwe wakufwako. Oloze mucima waFwalo wapwile waulemu, kasuwile vatuko.
Mahute
8Yehova ambile kuli Mose nakuli Alone ngwenyi, Tapulenu wuto wakulilungu, mavoko to, kaha Mose aulakumune kutalisa kwilu kumeso aFwalo.
9Nawalumuka kupwa lukungu lwalupululu mulifuci lyaEjipitu lyosena, kaha nalupwa mahute akulitumbukila nakujimbasana nahali vatu nahali tunyama mulifuci lyaEjipitu lyosena.
10Vatapwile wuto wakulilungu, Vemanyine kumeso aFwalo. Mose aulakumwine kutalisa kwilu, kaha walumukile kupwa mahute akulitumbukila nakujimbasana hali vatu nahali tunyama.
11Vaze vaka-vipupu kavahaxile kwimana kumeso aMoseko hamahute, mwomwo mahute apwile nahali vaze vaka-vipupu nahali vaEjipitu vosena, xikaho.
12Kaha Yehova akakamixile mucima waFwalo, kavevwililileko, nge omu ambile Yehova kuli Mose.
Vula yamalolwa
13Yehova ambile kuli Mose ngwenyi, Meneka cimenemene, wimane kumeso aFwalo, umwambulile ngwove, Yehova Kalunga kavaHepeleu nambe ngwenyi, Suwula vatu jami, mangana vakanguzacile.
14Mwomwo makumbi ano nangutuma misongo yakuli Ami yosena hamucima wove nahali vangamba jove nahali vatu jove, mangana utacikize, kumavu kwosena kakwexi weka nge Amiko.
15Mwomwo kaci ngunolola lyehi livoko lyami nakumiveta navatu jove namusongo wacihita, kaha nawa kaci unatoko lyehi hamavu.
16Oloze #Loma 9.17.camwenemwene hakiko vene ngunakufumakanyixila, mangana ngukakusolwele ngolo jami, kaha mangana vakambulule lijina lyami hamavu hosena.
17Noholili uli nakulizundula hali vatu jami, tahi? omu unakane kuvasuwula.
18Tala, hamene nganoholili nangunokesa vula yamalolwa yayinene mateli, kanda vamone lyehi yangacize kuEjipitu kufumisa kulikumbi lize vaputukile kutunga lifuci palanga noholili.
19Xikaho jino tuma vatu, anguhwisako wingise vimuna jove, navosenovo uli navo muvipapa. Mwomwo vatu vosena natunyama vosena vaze navawana muvipapa, vaze navazeneka kuneha muzuvo, vula yamalolwa nayivanokela, kaha hinavafwa.
20Muli vangamba jaFwalo, #Vixi. 13.13.uze evwile woma wamazu aYehova engixile vangamba jenyi navimuna jenyi mumazuvo.
21Kaha uze ahumbwile mazu aYehova, asezele vangamba jenyi navimuna jenyi mucipapa.
22Yehova ambile kuli Mose ngwenyi, Olola livoko lyove ulitalise kwilu, mangana kupwenga vula yamalolwa kulifuci lyaEjipitu kwosena, nahali vatu, nahali tunyama, nahavyuma vyahamavu vyosena vituta, mulifuci lyaEjipitu lyosena.
23Mose azundwile mukombo wenyi, autalixile kwilu. Yehova atumine mikalateta navula yamalolwa, nakakahya nawa kahicile hamavu, kaha Yehova anokesele vula yamalolwa kulifuci lyaEjipitu.
24Ngoco kwapwile vula yamalolwa nakakahya kakufutula navula yamalolwa, yayinene cikuma. Yangacize yapwile kanda vayimone lyehi mulifuci lyaEjipitu lyosena kufumisa haze vatungile lifuci.
25 #
Samu 78.47, 48; 105.32. Vula yamalolwa yize yacikile vosena vaze vapwile muvipapa kulifuci lyaEjipitu kwosena, navatu natunyama, kaha vula yamalolwa yize yacikile vyuma vyahamavu vyosena vituta, yahokwele vitondo vyamuvipapa vyosena.
26Kulifuci Ngoxene kaha, kuze vapwile vana vaIsalele, kakwanokele vula yamalolwako.
27Fwalo atumine nakusanyika vaMose naAlone, avambile ngwenyi, Jino ngunavulumuna. Yehova Ikiye Muka-kwoloka, kahami navatu jami tuvaka-xili.
28Lembelelenu Yehova, mwomwo eyi mikalateta yangolo navula yamalolwa vinasu, kaha nangumisuwula, kamwexi kuximbula cekako.
29Mose amwambile ngwenyi, Linwomu ngunafumu munganda, nangwolola mavoko ami kuli Yehova, mikalateta hinayihola, kaha vula yamalolwa kayexi kunoka cekako, mangana utacikize ngwove, #Samu 24.1.mavu anapu ambala aYehova.
30Oloze ngunatacikiza ngwami, enu kwenu navangamba jove kamwexi kumwivwa Kalunga womako cipwe noholyapwa.
31Kaha linyu #9.31 9.31, 32: Jimbuto jamanona.nambale vyacikikile, mwomwo mbale yapwile yinalovola lyehi mitwe, kaha linyu nawa lyalingile linasakumwina lyehi.
32Oloze tiliku #9.32 9.31, 32: Jimbuto jamanona.nasepelete kavyacikikileko, mwomwo haze kanda vikule, xikaho.
33Mose alovokele munganda muli Fwalo, olwele mavoko enyi kuli Yehova. Mikalateta yaholele navula yamalolwa yavatukile, kaha vula kayanokele ceka hamavuko.
34Omu amwene Fwalo ngwenyi, vula navula yamalolwa namikalateta vinaholo, avulumwine ceka nawa, alingixile mucima wenyi kupwa waulemu, naikiye navangamba jenyi.
35Mucima waFwalo wakakamine, kasuwile vana vaIsaleleko, nge omu ahanjikile Yehova muli Mose.
Currently Selected:
KULOVOKA 9: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.