KULOVOKA 34
34
Malolwa akuya muuhanda amucivali
(Luxi. 10.1-5)
1Yehova ahanjikile kuli Mose ngwenyi, Lisongele malolwa akuya muuhanda avali nge aze akulivanga. Kaha mazu aze apwile hamalolwa akulivanga aze wahokolanga nanguwasoneka hamalolwawa.
2Pwako walizanga lyehi nacimene, ukanduke nacimene hapili Xinai, wimane kumeso ami kuze kwilu lyapili.
3Mutu kanda akanduka nayove hamweko, kaha kanda vamona mutu kupili kwosenako, cipwe mautanga avimuna vavandende cipwe awa avangombe kanda valila kwakamwihi napili yizeko.
4Asongele malolwa akuya muuhanda avali nge aze akulivanga. Kaha Mose amenekele cimenemene, akandukile kupili Xinai, nge omu vamulwezele kuli Yehova, ambacile malolwaze akuya muuhanda avali.
5Yehova afumine kwilu mulivwi, emanyine nenyi kuze, avilikile lijina lyaYehova.
6Yehova apalikile kumeso enyi, avilikile ngwenyi, Yehova, Yehova, #Samu 86.15; 103.8; 145.8.Kalunga wakeke, Muka-kutetela, wakuxipwokela kutenuka, walikoji namucano vyavivulu,
7eji kulamanga likoji hamakombakaji avatu, eji kukonekelanga kuhenga nomu vanazomboka jiximbi, naxili, oloze mwakana kusambisou atela kumupayisa, wakuzangamisa vana hakuhenga camasevo, navazukulu javo nawa, nakucisemunwino camucitatu nacize camuciwana.
8Kaha Mose anguhwixile, anongamine namutwe wenyi hamavu, alifukwile.
9Amwambile ngwenyi, Ove Mwata, kaci nge ngunawane likoji kumeso ove, Ove Mwata, acitave kwiza muli etu, mwomwo vanapu vatu vakukakama jixingo, kaha tukonekele kuhenga cetu naxili yetu, twitavile kupwa tuuswana wove.
Navavahuhumuna vaIsalele vakalilamenga kuniakombclo akuKanane
(Luxi. 7.1-5)
10Yehova amwambile ngwenyi, Tala, nangulixika luxiko nayove. Nangukazata vyuma vyakukomwesa kumeso avatu jove vosena, vyangoco kanda vavilinge lyehi hamavu hosena, cipwe muli vaka-lifuci limwe. Kaha vatu vosena mukaci kavo uli navakamona milimo yaYehova, mwomwoco nangukalinga nayove cikiko cuma cakwivwisa woma.
11Lamenungeci nangumilweza lelo. Tala, nangukahanga vaAmole navaKanane navaHete navaPeliji navaHivi navaYevuse kumeso enu.
12Lilamenunga, kucina namukalixika luxiko navaka-lifuci lize amuya, kucina nacikapwa muheto muli enu.
13Oloze mukapuzula majiko avo akulumbila, mukacikacika malolwavo akwimika, mukatetateta #34.13:Tumwalya nyi miyombo yakufwanyisa kalunga wapwevo wakuhumikiza, ou vavuluka ngwavo, Axela.Maxela javo.
14(Mwomwo kanda mukalemesa kalunga wekako, mwomwo Yehova Ou ukweci lijina lyenyi Ikiye Walisungu, Ikiye napu Kalunga walisungu.)
15Kucina namukalixika luxiko navaka-lifuci lize, kaha vakivo hinava-kalinga ujila hakukava tulunga twavo, nakuvavatwila tulunga twavo vimuna, kaha vamwe navakamisanyika, kahenu hikulya kuvimuna javo vakuvatula,
16kucina namukambacila vana venu vana vavo vamapwevo, kaha vana vavo vamapwevo hinavakalinga ujila hakukava tulunga twavo, nakulingisa vana venu vamalunga ujila hakukava tulunga twavo.
17Kanda mukalilingila tulunga vakuzuzululako.
Viwanyino vyakutongola vitatu
(Kulo. 23.14-19; Luxi. 16.1-17)
18Mukalama ciwanyino cambolo yakuzeneka cimbalwila. Mukalyanga mbolo yakuzeneka cimbalwila makumbi atanu naavali, nge omu ngwamilwezele, haze ngunatongola hakakweji Avive. Mwomwo hakakweji Avive hakiko mwalovokele muEjipitu.
19Wexowo wakuliteta mutwe napu wami, navimuna jenu vavilunga vosena, vatwatwa vavangombe navava vamikoko.
20Twatwa wacimbulu mukamusokola namwanamukoko. Kaci nge kamwexi kumusokolako, kaha mukahokola xingo yenyi. Vana venu vavatwatwa vamalunga vosena mukavasokola. Kanda mukasoloka kumeso ami mavokovokoko.
21Zatenunga milimo yenu hamakumbi atanu nalimwe, oloze halikumbi lyamucitanu naavali mukanoka, hangonde yakulima nayeyi yakwaha mukanoka.
22Mukalinga ciwanyino cakulya cajisemana, cize catiliku yakulivanga kwaha, naciwanyino cakukungula mbuto hakukumisa mwaka.
23Vakwenu malunga vosena vaka-soloke hamwaka katatu hamwaka katatu kumeso aMwata Yehova, Kalunga kaIsalele.
24Mwomwo nangukahanga vaka-mafuci kumeso enu, nakutohwesa ngiza yenu, kaha mutu weka kexi kukafwila lifuci lyenuko, omu namukakanduka nakusoloka hamwaka katatu hamwaka katatu kumeso aYehova Kalunga kenu.
25Manyinga avimuna jami munanguvatwila kanda mukawahana nambolo yacimbalwilako, cipwe kuseza cimuna wakuvatula wapaseka nahakucako.
26Kumbuto jakulivanga jakumavu enu, jize jakulivangako mukajingisa muzuvo yaYehova Kalunga kenu. Kanda mukateleka mwanapembe mumavele anayeko.
Mose namalolwa ajiximbi
27Yehova ambile kuli Mose ngwenyi, Soneka mazu awa, mwomwo ngunalixiki luxiko nayove navaIsalele nge omu mwaya mazu awa.
28Apwile kuze kuli Yehova makumbi makumi awana namusana naufuku, kalile mboloko, kanwine meyako. Kaha Yehova asonekele mazu aluxiko, aze mazu likumi, hamalolwaze.
29Kaha casolokele, omu axikumukile Mose kupili Xinai, namalolwa aunjiho aze avali mulivoko lyenyi, omu axikumukile hapili, Mose katacikijileko omu capwile cikova cakumeso enyi nakuvyakuma mwomwo ahanjikile nenyi.
30Alone navana vaIsalele hakumona Mose, kumana, cikova cakumeso enyi capwile nakuvyakuma, #Koli. 2, 3.7.kaha vevwile woma wakupandama kuli ikiye.
31Mose avasanyikile. Alone navamyata jalizavu vosena vakindulukile kuli ikiye, kaha Mose ahanjikile kuli vakivo.
32Hakukumisa vyumevi, vana vaIsalele vosena vapandamine, kaha avalwezele mwosenomu ahanjikile nenyi Yehova hapili Xinai.
33Omu akumixile Mose kuhanjika navo, #Koli. 2, 3.13.aliwuvixile naciwuva kumeso enyi.
34Oloze omu engilile Mose muli Yehova nakuhanjika nenyi, #Koli. 2, 3.16.owulwile lihina palanga nomu mwalovoka. Kaha alovokele, ahanjikilevi vamulwezele kuli Yehova kuli vana vaIsalele.
35Vana vaIsalele vatalile kumeso aMose, vamwene cikova cakumeso aMose cavyakumine, kaha Mose aliwuvixile ceka kumeso enyi naciwuva, palanga nomu engilile nakuhanjika nenyi.
Currently Selected:
KULOVOKA 34: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.