KULOVOKA 25
25
Ngwavo, vaIsalele vanehe wana
(Kulo. 35.4-9)
1Yehova ambile kuli Mose ngwenyi,
2Kahanjike kuli vana vaIsalele ngwove, vakangutambwile wana, mukatambule wana wakuli mutu himutu ou nalyanukila mumucima wenyi.
3Ou ukiko wana uze naukatambula kuli vakivo, naulu napalata naunengu,
4nawanda #25.4:Ngwavo, uxikima nge ulombo walilu.uxikima nawou waungonyi nawou #25.4:Ngwavo, ucila nge ulombo wanduwa.ucila nawanda wamwaza utoma, namangona avapembe,
5namalambu avizamba jamikoko akulomba acila, namalambu avambau, namitondo yamikexa,
6namaji akulinongo, nevi vyalivumba lyamwaza vyakusunga maji akuwavisa, navyevi vyakulinga vize vyakulumba vyalivumba lyamwaza,
7namalolwa #25.7:Malolwa andando yayikalu.ajinyixe, namalolwa akulamika, akuhaka kulifwote nakucipwiko.
8Kaha vakangutungile zuvo yajila, mangana ngutwamenga mukaci kavo.
9 #
Vili. 7.44; Hepe. 8.2, 5. Mukayitunga nge kutesa navyuma vyosena nangukulweza, kufwana #25.9 Nge ngwenyi, cautwamo. Tala v. 8.catavanaku, nakufwana cavyuma vyayo vyosena, mukiko munamukayitungila.
Cikaxa caunjiho
(Kulo. 37.1-9)
10Vakasonge cikaxa camukexa. Kusuhwa caco cikapwe #25.10:Kuvite yimwe yapwile kafwe mucitenda camukonekelo.jikuvite jivali nacimbwa cakuvite. Kutohwa caco cikapwe kuvite yimwe nacimbwa cakuvite. Kuzandama caco cikapwe kuvite yimwe nacimbwa cakuvite.
11 #
Hepe. 9.4. Ukacilamika ulu wakutomesa namutulo nakusali, kaha ukafulilaho mucama waulu jingulwixi ndo.
12Ukacizuzulwila makulu aulu awana, ukawahake kumavinji aco awana, makulu avali kuluhaci lumwe, makulu avali kuluhaci lukwavo.
13Ukasonga mivanda yamikexa, ukayilamike ulu.
14Ukengisa mivanda kana mumakulu aze ali kujihaci jacikaxa, mangana vakakulikise cikaxa.
15Mivanda yize yikatwamenga mumakulu acikaxa, kanda vakayifu-misamoko.
16Mutulo yacikaxa #Hepe. 9.4.ukahakamo unjiho kana nangukuhana.
17Kaha ukafula cifwiko calikoji caulu wakutomesa. Kusuhwa caco cikapwe jikuvite jivali nacimbwa cakuvite. Kutohwa caco cikapwe kuvite yimwe nacimbwa cakuvite.
18Ukafula #25.18:Vangelo vavalemu.vakeluve vaulu vavali, ukavalinga vakutatula kujisongo jacifwiko calikoji jivali.
19Ukafula keluve umwe kusongo yimwe, keluve mukwavo kusongo yikwavo. Vaze vakeluve ukavafula cixinda cimwe nacifwiko calikoji kujisongo jaco jivali.
20 #
Hepe. 9.5. Vaze vakeluve vakatanduwule mavavavo helu, vakafwike cifwiko calikoji namavavavo, nameso avo akulitala, meso avakeluve akatale kucifwiko calikoji.
21Ukanangika cifwiko calikoji helu lyacikaxa, kaha mutulo yacikaxa ukahakamo unjiho kana nangukuhana.
22Kwakuze nangukaliwanyinanga nayove, kaha nangukahanjika nayove nalizu lyakufuma helu lyacifwiko calikoji, mukaci kavakeluve vavali vaze vali hacikaxa caunjiho, nakuvuluka vyuma vyosena vize nangukakuhanahana nakulweza Vana vaIsalele.
Mesa yajimbolo jakumeso aKalunga
(Kulo. 37.10-16)
23Kaha Ukasonga mesa yamukexa. Kusuhwa cayo cikapwe jikuvite jivali, kutohwa cayo cikapwe kuvite yimwe, kuzandama cayo cikapwe kuvite yimwe nacimbwa cakuvite.
24Ukayilamika ulu wakutomesa, ukafulilaho mucama waulu jingulwixi ndo.
25Ukasongelaho mukusa wakutohwa nge livoko jingulwixi ndo, kaha ukafulila mucama waulu hamukusa jingulwixi ndo.
26Ukayifulila makulu aulu awana, kaha ukahaka makulu aze kumavinji awana ali kumahinji ayo awana.
27Makulu aze akapwe kwakamwihi namukusa, akapwe akutwama mivanda yakukulikisa mesa.
28Mivanda ukayisonga yamikexa, kaha ukayilamika ulu, mangana vakakulikise mesa.
29Ukafula vyenga vyayo najinguto jayo najipasa jayo naviloso vyayo vyakuhingunwisa. Ukavifula vyaulu wakutomesa.
30Kaha mbolo yakutwamanga kumeso ami ukayihaka hamesa kumeso ami makumbi osena.
Citumbikilo camanongo caulu
(Kulo. 37.17-24)
31Ukafula nawa citumbikilo camanongo caulu wakutomesa. Citumbikilo camanongo cikapwe cakutatula, nalitanda lyaco namukota waco najipasa jaco namaundu aco najitemo jaco, vyosena vikapwe vyakucixinda cocimwe nacikiko.
32Kukapwe mitango yakufuma kujihaci jaco yitanu naumwe, mitango yacitumbikilo camanongo yitatu yikafume kuluhaci lumwe, mitango yacitumbikilo camanongo yitatu yikafume kuluhaci lukwavo.
33Kumutango umwe kukapwe jipasa jitatu jakufwana nge jitemo jamumonde, naliundu nalutemo, kaha kumutango ukwavo jipasa jitatu jakufwana nge jitemo jamumonde, naliundu nalutemo; ngoco kumitango yitanu naumwe yize yakufuma kucitumbikilo camanongo.
34Kaha kucitumbikilo camanongo kukapwe jipasa jiwana jakufwana nge jitemo jamumonde namaundu ajo najitemo jajo,
35liundu muxi yamitango yivali lyacixinda cocimwe nacikiko, naliundu muxi yamitango yivali lyacixinda cocimwe nacikiko, naliundu muxi yamitango yivali lyacixinda cocimwe nacikiko, kumitango yitanu naumwe yize yakufuma kucitumbikilo camanongo.
36Namaundu aco namitango yaco vikapwe vyakucixinda cocimwe nacikiko, cikiko cosena cikapwe cimwe cakutatula caulu wakutomesa.
37Ukafula manongo aco, atanu naavali, kaha vakawike manongo aco, mangana akamunyike kulutwe lwaco.
38Najimanya jaco navyenga vyaco vyakukwacila mule, vikapwe vyaulu wakutomesa.
39Vakacifule #25.39:Talende yapwile citeli cakukulika kuli vatu vavali. Talende yaulu yesekele mumakombakaji ajipondo atanu nalimwe.talende yaulu wakutomesa yimwe, navyumevi vyosena.
40 #
Hepe. 8.5. Kaha tala kanawa ukavilinge nge kutesa nakufwana cavyo eci ngunakulweze hapili.
Currently Selected:
KULOVOKA 25: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.