KULOVOKA 24
24
VaMose navakulwane navakanduka hapili Xinai
1Kalunga ambile kuli Mose ngwenyi, Kandukenu kuli Yehova, nayove naAlone naNatave naAvihu navakulwane javaIsalele makumi atanu naavali, mungulemese hahasuku.
2Kaha Mose uka wenyi apandame kuli Yehova. Oloze vakivo kanda vapandamakoko. Cipwe vatu veka kanda vakanduka nenyi hamweko.
3Mose ejile, avahicilile vatu mumazu aYehova osena, namwosenomu ayulile. Vatu vosena vetavile nalizu limwe, Vambile ngwavo, Mazu osena nahanjika Yehova natuwalinganga.
4Mose asonekele mazu aYehova osena. Kaha amenekele cimenemene, atungile lijiko lyakulumbila kumavu yapili, emikile malolwa akwimika likumi naavali, nge kumiyaci yavaIsalele likumi nayivali.
5Atumine vakweze vavana vaIsalele, vakivo vamulumbilile Yehova mawana akulumba, vamuvatwilile vangombe kupwa mawana akulweza keke.
6Mose ambacile cimbwa camanyinga, awahakile hajimbaxiya, kaha cimbwa camanyinga awasapwilile halize lijiko lyakulumbila.
7Anonele nawa mukanda waluxiko, atangileho mumatwitwi avatu. Vatu vambile ngwavo, Mwexomwo nahanjika Yehova natulingangamo nakumwononoka.
8 #
Hepe. 9.19, 20. Mose ambacile manyinga, awasapwilile hali vatu, avambile ngwenyi, Talenu #Mateu 26.28; Luka 22.29; Koli. 1, 11.25.manyinga aluxiko nalixiki Yehova nayenu hamazu awa osena.
9Jino Mose naAlone naNatave naAvihu navakulwane javaIsalele makumi atanu naavali hivakandukile.
10Kaha vamwene Kalunga kavaIsalele. Muxi yamahinji enyi mwapwile nge malolwa #24.10:Safwila linapu lilolwa lixikima nge lilu.ajisafwila akwala, akupelumuka nge livene lilu.
11Kanangikile livoko lyenyi hali vilolo javana vaIsaleleko. Vamwene Kalunga, kaha valile, vanwine.
12Yehova ambile kuli Mose ngwenyi, Kanduka kuli Ami hapili, upwengaho. Kaha nangukuhana malolwa akuya muuhanda, najiximbi navyevi ngunalweze, evi ngunasonekaho, mangana uvinangule.
13Mose akatukile, naYoxuwa kambaji kenyi, kaha Mose akandukile hapili yaKalunga.
14Ambile kuli vakulwane ngwenyi, Tuvandaminenuho, palanga nomu natukinduluka ceka kuli enu. Talenu, Alone naHule vali nenu, wexowo ali nacihande apandame kuli vakivo.
15Mose akandukile hapili, kaha lize livwi lyafwikile pili.
16Upahu waYehova watwamine helu lyapili Xinai, nalivwi lyayifwikile makumbi atanu nalikumbi limwe. Halikumbi lyamucitanu naavali Yehova atambakanyine kuli Mose mulivwi.
17Upahu waYehova kuutala wapwile nge #Luxi. 4.24; 9.23; Hepe. 12.29.kakahya kakunongesa helu lyapili kumeso avana vaIsalele.
18Mose engilile mulivwi, akandukile hapili. Kaha Mose apwile hapili makumbi makumi awana namusana naufuku.
Currently Selected:
KULOVOKA 24: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
