KULOVOKA 17
17
Meya amulilolwa
1Lizavu lyavana vaIsalele lyosena lyakatukile kupambo yaXine, vatambukile kumisango yavo, nge omu avalwezele Yehova, kaha vatungile cilombo cavo kuLefwicime. Kuze kakwapwile meya akunwa vatuko.
2Xikaho vatu vamutatwokesele Mose, vamwambile ngwavo, Tuhane meya tunwenga. Mose avambile ngwenyi, Ikaze muli nakungukoko-jweselami? Ikaze muli nakwesekela Yehova?
3Vatu vevwile lipwila lyameya kuze, kaha vatu vamutatwokesele Mose, vamwambile ngwavo, Ikaze watulowelele muEjipitu, nakutujiha nalipwila navana vetu navimuna jetu?
4Mose atetele kuli Yehova, ngwenyi, Nanguvalingila vatu ava ika? Hanasale hahandende kaha nakungwasa malolwa.
5Yehova ambile kuli Mose ngwenyi, Hita kulutwe lwavatu, yako navakulwane javaIsalele vamwe, kwata mukombo wove kulivoko lyove, #7.20.uze wavetesele kalwiji, kaha yako.
6Tala, nangwimana kumeso ove halilolwa lize lili kuHoleve. #Samu 78.15; 105.41; Koli. 1, 10.4.Veta lilolwa lize, kaha nakulovoka meya mangana vatu vanwenga. Mose alingile ngoco kumeso avakulwane javaIsalele.
7Kaha alukile kuze ngwenyi, #17.7 Nge ngwenyi, Kukweseka.KuMasa, ngwenyi, #17.7:Nge ngwenyi, Kukukokojola.kuMeliva, mwomwo kukokojola cavana vaIsalele, namwomwo nawa vesekele Yehova ngwavo, Yehova ali mukaci ketu tahi, nyi ciku?
Navalwa jita navaAmaleke
8Jino vaAmaleke vejile nakulwa navaIsalele kuLefwicime.
9Mose ambile kuli Yoxuwa ngwenyi, Tusakwile malunga, ulovoke ulwe navaAmaleke. Hamene nangwimana helu lyapili namukombo waKalunga mulivoko lyami.
10Ngoco Yoxuwa alingile nge omu amwambile Mose, alwile navaAmaleke. Kaha Mose naAlone naHule vakandukile helu lyapili.
11Kaha casolokele, omu azundwile Mose livoko lyenyi, vaIsalele hinavapwa nangolo. Kahomu azewile livoko lyenyi, vaAmaleke hinavapwa nangolo.
12Oloze mavoko aMose alemene. Vambacile lilolwa, valihakile muxi yenyi, kaha atwamineho. VaAlone naHule vakwacile mavoko enyi, umwe kuluhaci lumwe, mukwavo kuluhaci lukwavo. Ngoco mavoko enyi azamine nakukutoka calikumbi.
13Ngoco Yoxuwa ahonesele Amaleke navatu jenyi nauvela wajipoko jamikwale.
14Yehova ambile kuli Mose ngwenyi, Sonekeci hamukanda cipwenga cakwanukilangaho, ucambulule mumatwitwi aYoxuwa, mwomwo nangukajimbanganomu vananuka vaAmaleke muxi yalilu.
15Mose atungile lijiko lyakulumbila, alilukile ngwenyi, #17.15:Nge ngwenyi, Yehova Ikiye Lipandelo lyami.Yehovanyixi.
16Ambile ngwenyi, Mwomwo Yehova nalixingi ngwenyi, Yehova mwalwanga jita navaAmaleke hacisemunwino hacisemunwino.
Currently Selected:
KULOVOKA 17: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.