KULOVOKA 14
14
Navazauka Kalungalwiji Ucila
1Yehova ahanjikile kuli Mose ngwenyi,
2Hanjika kuli vana vaIsalele ngwove, valumuke vaye vasavale kulutwe lwaPi-hahilote, hakaci kaMingitole nakalungalwiji, kulutwe lwaMbale-zefwone, mukasavale kwakulitalasana nakuze, kukalungalwiji.
3Mwomwo Fwalo mwavuluka vana vaIsalele ngwenyi, Vanalilimbi mulifuci, pambo yinavajingilika.
4Nangukakamisa mucima waFwalo, mangana avakavangize, kaha nanguliwanyina ulemu hali Fwalo nahajita yenyi yosena. VaEjipitu navakangutacikiza Ami yami Yehova. Kaha valingile ngoco.
5Jino vamulwezele mwangana waEjipitu ngwavo, Vatu vanacinyi. Kaha mucima waFwalo nayeyi yavangamba jenyi yalumukile hali vatu vaze, valyambile ngwavo, Eyi tunalingi ika, omu tunasuwula vaIsalele kukutuzacila?
6Alongesele litemba lyenyi, hikuya navatu jenyi.
7Ayile namatemba akusakula makulukaji atanu nalimwe, namatemba amuEjipitu osena, natupitau twavosena.
8Yehova akakamixile mucima waFwalo mwangana waEjipitu, ngoco avakavangijile vana vaIsalele, mwomwo vana vaIsalele valovokele namavoko akuzundula helu.
9VaEjipitu vavakavangijile, tuvalu twaFwalo vosena namatembenyi osena, navaka-tuvalu twenyi, najita yenyi, kaha vavawanyine vanatulu kukalungalwiji, kwakamwihi naPihahilote, kulutwe lwaMbale-zefwone.
10Omu apandamine Fwalo kwakamwihi, vana vaIsalele vandwile meso avo, kaha kumana, vaEjipitu vapwile nakwiza nakuvakavangiza, kaha vevwile woma mateli. Vana vaIsalele vatetele kuli Yehova.
11Vambile kuli Mose ngwavo, Mwomwo kuEjipitu kakwapwile vimbumbeko, xikaho unatufumisamo tufwile mupambo, tahi? Ikaze unatulingila ngoco nakutulovola muEjipitu?
12Lyeli vene lizu twahanjikile kuli ove muEjipitu, nyi? ngwetu, Twece tuvazacilenga vaEjipitu. Kuvazacila vaEjipitu kaci catuwahilile kuhambakana kufwa mupambo.
13Mose ambile kuli vatu ngwenyi, Kanda mwivwa womako. Imanenu tuhu kulu, mutale ulwilo waYehova, ou vene mwamizacila lelo. Mwomwo vaEjipitu ava munamono lelo kamwexi kukavamona cekako haya myaka yosena.
14 #
15.3; Luxi. 1.30; 3.22. Yehova mwamyaxila jita, kahenu namuliholela kulu.
15Yehova ambile kuli Mose ngwenyi, Uli nakutetela ika kuli Ami?
Hanjika kuli vana vaIsalele ngwove, vaye kulutwe.
16Oloze zundulove mukombo wove, Olola livoko lyove helu lyakalungalwiji umuhandunune. Kaha vana vaIsalele navahicila mukaci kakalungalwiji hamavu akuma.
17KahAmi, tala, nangukakamisa micima yavaEjipitu, ngoco navava-kavangizamo. Kaha nanguliwanyina ulemu hali Fwalo nahajita yenyi yosena, nahamatembenyi nahali vaka-tuvalu twenyi.
18VaEjipitu navangutacikiza Ami yami Yehova omu nangulinga ngunaliwanyina lyehi ulemu hali Fwalo, nahamatembenyi, nahali vaka-tuvalu twenyi.
19Kaha kangelo kaYehova uze atambukilenga kulutwe lwalizavu lyavaIsalele, afumineko, ayile munyima yavo. Napanda yalivwi nawa yafumine kulutwe lwavo, yemanyine munyima yavo,
20yayile hakaci kalizavu lyavaEjipitu nalizavu lyavaIsalele. Kwapwile nalivwi namilima, oloze lyamunyikile naufuku, ngoco ufuku wosena kavaliwanyineko.
21Mose olwele livoko lyenyi helu lyakalungalwiji, kaha Yehova asosolwele kalungalwiji nanyamanganda wakufuma kumusamuko ufuku wosena, alingixile hakalungalwiji kupwa #Samu 106.9; 136.13, 14.hamavu akuma, kaha #Samu 78.13; 114.3, 5.meya alihandunwine.
22 #
Yoxu. 3.17; 4.22. Vana vaIsalele vengilile mukaci kakalungalwiji hamavu aze akuma, kaha meya apwile nge mbango kuli vakivo kulivoko lyavo lyacilyo nalyeli lyacimoswe.
23Kaha vaEjipitu vavakavangijile, vengilile mukaci kakalungalwiji munyima yavo, natuvalu twaFwalo vosena, namatembenyi, navaka-tuvalu twenyi.
24Kaha casolokele, mukuku lyakuca Yehova atalile jita yavaEjipitu mupanda yize yakakahya nalivwi, kaha ayanjixile lizavu lyavaEjipitu.
25Afumixile mafumbo amatembavo, vamwene kukaluhwa kuwatambukisa. Ngoco vaEjipitu valyambile ngwavo, Tucinenu kumeso avaIsalele, mwomwo Yehova ali nakuvaxila jita navaEjipitu.
26Yehova ambile kuli Mose ngwenyi, Olola livoko lyove helu lyakalungalwiji, mangana meya aliwane ceka hali vaEjipitu, nahamatembavo nahali vaka-tuvalu twavo.
27Mose olwele livoko lyenyi helu lyakalungalwiji, kaha hakututuka calikumbi kalungalwiji akindulukile kwenyi nangolo jenyi. VaEjipitu vamucinyine, oloze Yehova avacitwilile vaEjipitu mukaci kakalungalwiji.
28Meya akindulukile, ajimikile matemba navaka-tuvalu, jita yaFwalo yosena, vaze vengilile mukalungalwiji munyima yavo, #Samu 78.53; 106.11.kakwasalile cipwe umweko.
29Oloze vana vaIsalele vatambukile mukaci kakalungalwiji #Samu 66.6.hamavu akuma, kaha meya apwile nge mbango kuli vakivo kulivoko lyavo lyacilyo nalyeli lyacimoswe.
30 # Samu 106.8, 10.22. Ngoco Yehova avalwilile vaIsalele halikumbi lize mumavoko avaEjipitu, kaha vaIsalele vamwene vaEjipitu vakufwa kungenge yakalungalwiji.
31VaIsalele vamwene milimo yayinene yize alingile Yehova hali vaEjipitu, kaha vatu vamwivwile Yehova woma, #Samu 106.12.vetavile kuli Yehova nakuli ngamba yenyi Mose.
Currently Selected:
KULOVOKA 14: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.