KULOVOKA 12
12
Paseka
1Yehova ambile kuli Mose nakuli Alone mulifuci lyaEjipitu ngwenyi,
2Kakweji uno apwe kakweji wakuputuka kuli enu, apwe kakweji wakulivanga wamwaka kuli enu.
3Hanjikenu kulizavu yavaIsalele lyosena ngwenu, Halikumbi lyakakweji uno lyakusokesa mulikumi, valitalile lunga hilunga musamba, nge mwaya jitanga jamasevo, kuzuvo musamba kuzuvo musamba.
4Kaci nge vaze vakuzuvo yimwe vanapu vavandende kulya musamba, kaha ivene nayou alihata nenyi valitalile umwe nge kutesa nakuvula cavatu, mulilavile hamusamba nge kutesa nakulya camutu himutu.
5Musamba wenu #Levi 22.18-20.apwe wakuzeneka katenga, cilunga wamwaka umwe. Mukamukwata cipwe kumikoko cipwe kuvapembe.
6 #
Levi 23.5; Kula. 9.1-3, 11. Mumulama nakulikumbi lyakakweji lyakusokesa mulikumi naawana. Kaha liwuka lyalizavu yavaIsalele lyosena vamujihe hakutoka calikumbi.
7Vakambate kumanyingenyi vakawasapwile kuvipamba vyavikolo vyamazuvo muze navakamulya vyakujihaci vivali nakucipamba cahelu.
8Vakalye nyama #34.25; Kula. 9.12.ufuku uze, #Luxi. 16.7.yakwoca hakakahya, #Luxi. 16.3, 4.nambolo yakuzeneka cimbalwila, #Kula. 9.11.vakayilye namafo amasasu.
9Kanda mukamulya wamuvisuko, cipwe wakuteleka mumeya, xina wakwoca hakakahya kaha, namutwe wenyi namahinji enyi navize vyamujimo lyenyi.
10Kanda mukasezaho nahakucako, oloze vyexovyo navikasalaho nahakuca mukavyoca hakakahya.
11Kaha mukamulya ngana, namihya yenu yakukasa lyehi mujimbunda jenu, namendelo enu kumahinji enu, namikombo yenu kumavoko enu. Mukanguhwisa kumulya. Napu #12.11:Nge ngwenyi, Kuzomboka caYehova.paseka yaYehova.
12Mwomwo naufuku uze nangukahita mulifuci lyaEjipitu, nakuveta vatwatwa vamulifuci lyaEjipitu vosena, navatu natunyama. Kaha #Kula. 33.4.nangukazangamisa tulunga twavaEjipitu vosena. Ami yami Yehova.
13Oloze manyingaze nawakapwa katacikijilo kuli enu kumazuvo aze muli, kahomu nangukamona manyinga, nangukamizomboka, kuli enu kakwexi kukapwa musongo wakuminongesako, omu nangukaveta lifuci lyaEjipitu.
14Likumbi lize nalikapwa lyakwanukilangaho kuli enu, mukalilamenga hiciwanyino kuli Yehova, mukalilamenga hiciwanyino kupwa cilika mukusemunwina cenu cosena haya myaka yosena.
15Mukalyanga mbolo yakuzeneka cimbalwila makumbi atanu naavali. Halikumbi lyatete vene mukafumisa cimbalwila mumazuvo enu. Mwomwo Wexowo mwakalya mbolo yacimbalwila kufumisa kulikumbi lyatete nakutwala kulikumbi lyamucitanu naavali, mutu uze navakamutetamo muli vaIsalele.
16Halikumbi lyatete hakapwe kulikungulula cajila kuli enu, kaha halikumbi lyamucitanu naavali hakapwe kulikungulula cajila. Kanda mukazataho milimo cipwe yimweko, xineyi yakulya camutu himutu kaha, yize kaha namukahasa kuyizata.
17Mukalama ciwanyino cambolo yakuzeneka cimbalwila, mwomwo halikumbi lize vene ngunalovola mayongomenenu mulifuci lyaEjipitu. Xikaho mukalama likumbi lize, kupwa cilika mukusemunwina cenu cosena haya myaka yosena.
18 # v. 2; Levi 23.5-8; Kula. 28.16-25. Hakakweji watete, halikumbi lyakakweji lyakusokesa mulikumi naawana, hacingoloxi, mukalya mbolo yakuzeneka cimbalwila, palanga nakulikumbi lyakakweji lyakusokesa mumakumi avali nalikumbi limwe hacingoloxi.
19Kanda vakawana cimbalwila mumazuvo enuko makumbi atanu naavali. Mwomwo wexowo mwakalya cize cili nacimbalwila, mutu uze navakamutetamo mulizavu lyavaIsalele, cipwe napu muka-kuzuzumanamo, cipwe mutu wakusemuwila mulifuci.
20Kanda mukalya cuma cimwe cili nacimbalwilako. Mumazuvo enu mwosena mukalyanga mbolo yakuzeneka cimbalwila.
21Jino #Hepe. 11.28.Mose asanyikile vakulwane javaIsalele vosena, avambile ngwenyi, Yenu mulisakwile misamba nge omu vapwa vaka-majiko enu, mukajihe paseka.
22Kaha mukambata mikamo #12.22:Husope yinapu kaciputa kakulifuci lize.yahusope, mukayitupike mumanyinga ali hajimbaxiya, mukasapwile manyinga ali hajimbaxiya kuvipamba vyavikolo vyakujihaci jivali navize vyahelu. Kaha kuli enu kanda kukalovoka mutu umwe kucikolo cazuvo yenyiko palanga nahakuca.
23Mwomwo Yehova mwakahita mulifuci nakuveta vaEjipitu, kahomu mwakamona manyinga kuvipamba vyakujihaci vivali nacize cahelu, Yehova mwakazomboka cikolo cize, kexi kuketavila mukakunongesa kwingila mumazuvo enu nakumivetako.
24Mukalamanga cuma cino, Ukapwenga cilika kuli enu nakuli vana venu haya myaka yosena.
25Kaha cikasoloke, omu namukaheta mulifuci lize mwakamihana Yehova, nge omu namixiki, mukalamanga milimo eyi.
26Kaha cikasoloke, omu navakamihula vana venu ngwavo, Enu ngwenu, mangana amilimo eyi aya mulihi?
27Mukavamba ngwenu, Cinapu kuvatala cimuna wapaseka yaYehova, mwomwo azombokele mazuvo avana vaIsalele muEjipitu, omu avetele vaEjipitu, kaha apululwile mazuvo etu. Kaha vatu vanongamine mitwe yavo, valifukwile.
28Vana vaIsalele vayile, valingile ngoco, nge omu avalwezele Yehova vaMose naAlone, mukiko vene muvalinga.
Kufwa cavatwatwa
29Kaha casolokele mukaci kaufuku, Yehova avetele vatwatwa vamulifuci lyaEjipitu vosena, kufumisa kuli twatwa yaFwalo atwamine halitanda lyenyi lyawangana nakutwala kuli twatwa yafunge atwamine muzuvo yamalwa, navatwatwa javimuna vosena.
30Fwalo ahindukile naufuku, naikiye navangamba jenyi vosena, navaEjipitu vosena. Kaha kwapwile miteto yayinene muEjipitu, mwomwo kamwapwile zuvo yimwe yakuzeneka mufuko.
31Asanyikile vaMose naAlone naufuku, avambile ngwenyi, Katukenu, fumenu muli vatu jami, nayenu navana vaIsalele. Yenu mukamuzacile Yehova, nge omu munambe.
32Yenunga namautangenu avimuna vavandende nawawa avangombe, nge omu munambe. Yenunga, kaha ngukisulenu nayami nawa.
33 #
Samu 105.38. VaEjipitu vavaxinjilile vatu, vanguhwixile nakuvasuwula mulifuci. Mwomwo valyambile ngwavo, Tuvosena tunafu lika.
34Vatu vambacile wunga wavo ximbu wapwile kanda ufutunuke nacimbalwila, naviwaci vyavo vyakucikila vavikaxilile mumahinavo havifwiji vyavo.
35Kaha vana vaIsalele #3.21, 22; 11.2, 3; Samu 105.37.valingile nge mwayile lizu lyaMose, valombele vyuma vyapalata, navyuma vyaulu, namahina akuvwala kuli vaEjipitu.
36Yehova avawanyixile vatu likoji kumeso avaEjipitu, ngoco vavahanyine vize valombele. Kaha vapupile vaEjipitu.
VaIsalele navafuma muEjipitu
37Vana vaIsalele vakatukile kuLamasese, vayile kuSukote, vapwile kafwe #12.37:600,000.vihita vyavaze vatambukile hamavu vitanu nacimwe, malunga, navanyike nawa kuvapwile.
38Vatu vavavulu veka naveka nawa vayile navo hamwe, namautanga avimuna vavandende nawawa avangombe, vimuna vavavulu cikuma.
39Vocele jimbolo jakuzeneka cimbalwila nawunga wavo uze Vanehele hakufuma kuEjipitu, mwomwo kawafutunukile nacimbalwilako, mwomwo vavahangile muEjipitu, kavahaxile kuximbulako, kaha kavalitalilile pauko.
40Jino myaka yize vatwamine vana vaIsalele muEjipitu yapwile #Kupu. 15.13-16; Vili. 7.6; Ngale. 3.17.myaka makulukaji awana namyaka makumi atatu.
41Kaha casolokele, hakukumisa myaka makulukaji awana namyaka makumi atatu, casolokele halikumbi lize vene mayongomena aYehova osena alovokele mulifuci lyaEjipitu.
42Ufuku uze unapu ufuku wakulama cikuma kumeso aYehova, mwomwo hakuvalovola mulifuci lyaEjipitu. Ou ukiko ufuku uze waYehova wakulama cikuma kuli vana vaIsalele vosena mukusemunwina cavo cosena.
43Yehova ambile kuli Mose nakuli Alone ngwenyi, Eci cikiko cilika capaseka. Muka-muyaci weka kanda akalyakoko.
44Oloze ndungo yamutu himutu ou nalande najimbongo, kuvanga unamujihana numba ahase kulyako.
45Muka-kuzuzumana nangamba wakufweta kanda vakalyakoko.
46Vakayilile muzuvo yimwe yimwe kaha, kanda mukalovola kunyama yayo mujizuvo nakuvitwala kuwelukako. Kaha nawa, #Kula. 9.12; Yowa. 19.36.kanda mukahokola cifuhwa cayo cipwe cimweko.
47Lizavu lyavaIsalele lyosena Ukayilinge.
48Omu mwakazuzumana muka-muyaci weka kuli enu, omu mwakasaka kulama paseka kuli Yehova, vakajihane malunga vosena vaze ali navo, numba apandame kukuyilama, kaha himwakapwa nge uze wakusemuwila mulifuci. Oloze cilima cipwe umwe kanda akalyakoko. Kupwenga luximbi lumwe kaha, nakuli ou wakusemuwila mulifuci nakuli muka-muyaci weka nazuzumana muli enu.
50Ngoco muvalingile vana vaIsalele vosena, nge omu avalwezele Yehova vaMose naAlone, ngoco muvalingile.
51Kaha casolokele halikumbi lize vene Yehova alowele vana vaIsalele mulifuci lyaEjipitu kumayongomenavo.
Currently Selected:
KULOVOKA 12: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.