AMOSE 9
9
Kavexi kuhasa kucina hakuvapayisa kuli Yehovako
1Ngwamwene Mwata hakwimana #3.14.kulijiko lyakulumbila, kahambile ngwenyi, Veta mitwe yajipanda mangana mikwilici yindende, vapazwojole hamitwe yavo yosena, kahava vakukuminyina nangukavajihisa najipoko jamikwale. Kuli vakivo kakwexi kukacina umweko, kuli vakivo kakwexi kukayovoka umweko.
2Cipwe navakalinjinjimikila muXeyole, mwamuze vene livoko lyami nalikavaneha nakuvafumisamo. Cipwe navakanyina namwilu, mwamuze vene nangukavasulula nakuvafumisamo.
3Cipwe nge navakaswama kwilu lyaKalamele, kwakuze vene nangukavatalatala nakuvafumisako. Cipwe navakavayoleka mukonga yakalungalwiji omu nangukahona kuvamona, mwamuze vene nangukamuhana linoka luximbi, kaha mwakavasuma.
4Cipwe nge navakaya muufunge kumeso avaka-kole javo, kwakuze vene nangukambako jipoko jamikwale, kaha najikavajihajiha. Nangukajika meso ami hali vakivo nakuvapihisa, kexi nakuvawahisako.
5Mwomwo Mwata Yehova wamayongomena you vene #Samu 104.32; 144.5.mwakwata halifuci kaha hinalinowa, kaha vosenava vatwamamo hinavalixona. Likiko lyosena nalikafumika nge Kalwiji, nalikahohonyoka ceka nge Kalwiji kaEjipitu.
6You vene eji kutunganga #Samu 104.3, 13.jizuvo jenyi mumelu, najiki lyehi litengulula lyenyi hamavu, eji kusanyikanga meya amukalungalwiji nakuwahingunwina kwilu lyamavu, lijina lyenyi Ikiye Yehova.
7Enu vana vaIsalele, munapu nge muvana vavaEcopa kuli Ami nyi? Mukiko mwanehula Yehova. Ngwamukandwixile Isalele nakumufumisa mulifuci lyaEjipitu, navaFwilixite nawa nakuvafumisa kuKafwatole, navaSulya nawa nakuvafumisa kuKile nyi?
8Ivwenu, meso aMwata Yehova ali #Isa. 1.4.hawangana waxili ou, kaha nangukaunongesa kwilu lyamavu, oloze kangwexi kukanongesa zuvo yaYakova ndolokotoko. Mukiko mwanambe Yehova.
9Mwomwo kumana, nangukahana luximbi, kahava vakuzuvo yaIsalele nangukavanyunga muli vaka-mafuci osena nganomu veji kunyunganga tiliku mulunyungo, oloze cipwe kalinona kamwe kakandende kakexi kukaholokela hamavuko.
10Vaka-xili vavatu jami vosena navakafwafwa kujipoko jamikwale, ava #Yele. 5.12.weji kwambanga ngwavo, Lupi kana kalwexi kukatuwanako cipwe kutuhumangana.
Omu naveza kuvahilwisa ceka vaIsalele
11Halikumbi lize #Vili. 15.16-18.nangukemika ceka cisakila caNdavici cinaxiuka, nangukajika ceka mumahanyaco, nangukemika ceka ovyo vyenyi vyaxiukilile, nakucitungulula nge hamakumbi akuxikulu,
12mangana Vakahetenga ava vakuEtome navakasalaho, navaka-mafuci osena nawa vaze vavuluka halijina lyami. Mukiko mwanambe Yehova, Ou mwakalinga cuma kana.
13Yehova ngwenyi, Ivwenu, kuli nakwiza makumbi omu #Levi 26.5.navakawana muka-kwaha kuli muka-kulima nalitemo lyakukoka kuli vangombe, no mu navakawana muka-kukuva jimbuto kuli muka-kulyata mihako yavinyo. Jipili jajinene josena najikanokanga vinyo vyavihya, kaha jipili jajindende josena najikanowa.
14 #
Samu 53.6; Yele. 30.18. Ufunge wavatu jami vaIsalele nangukaukindulwisa ceka. Membo anapunga ahwilici navakawatungulula nakutwamangamo. Navakatumbatumba mivinyo nakunwanwa vinyo vyayo. Navakatumbatumba nawa milemba nakulyalya mihako yayo.
15Nangukavatumba mumavu avo, kavexi kukavavunya ceka mumavu avoko awa ngunavahane. Mukiko mwanambe Kalunga kove Yehova.
Currently Selected:
AMOSE 9: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
