Matayo 10

Joor Tomon kiwie Are

(Marako 3.13-19; Luka 6.12-16)

1Yesu oko lwongo josiao mege tomon kiwie are bute, en eko mino gi akarunikin me lono tipere areco kede riamo gi; kede me cango epone me tuwo dedede. 2Nying joor tomon kiwie are nogo ige: me agege Simoni kame kolwongo be Petero, kede omin mere Anderia; Yakobo wot ka Sebedayo kede omin mere Yokana; 3Pilipo kede Batulumayo, Tomasi kede Matayo ngarar esolo, Yakobo wot ka Alipayo, kede Tadeo. 4Simoni me Kanan kede Yuda Isikariot, ngat kame bin orupao Yesu.

Yesu Ooro Josiao mege Tomon kiwie Are

(Marako 6.7-13; Luka 9.1-6)

5Yesu oko oro cuo tomon kiwie are nogi di eciko gi be, “Kur iotunu kakame jo kalikame Iyudayan tie iye, doko da kur idonyunu i bomba moro me Josamaria, 6do otunu but jo me Isirael kame tie bala romini korwenyo. 7#Luka 10.4-12Doko kame itienu ot, tucunu ne jo be, ‘Ajakanut me malo do iyapiyapi.’ 8Cangunu jotuwo, yarununu jo oto, cangunu jo kame tie kede dobo, doko ikounu riamo jwogi da. Wun igamunu abongo cul, wuda miunu abongo cul. 9Kur imakunu saabu arabo siliba amoto kopa i isaun wu. 10#1 Jokorinti 9.14; 1 Temeseo 5.18Kur imakunu ikapu me ot sapali wu, akadi esati ace da, arabo amuka amoto ebela, pien kopoore mino ngatic cam mere.

11“Ka idonyunu i bomba arabo i calo moro, mounu ngatamoro kiye kame cunye ber, di ikounu bedo kede en tuno wun yai. 12Ka itienu donyo i ot, miunu jo kame tie iye amot me mulem. 13Ka jo me ot nono obedo jo kame cuny gi ber, wek mulem wu dong but gi; do kame jo nogo likame cuny gi ber, wek mulem wu dwog butu. 14#Tice 13.51Doko ka ngatamoro likame ogamo wu arabo edagi winyo kop wu, tetengunu adae ki tienu kame itienu yai ki ot amotoko ki bomba nono, pi bedo bala ijura kame pido gi. 15#Matayo 11.24; Ageini 19.24-28Ateteni awaco ne wu be i ceng me ngolo kop, Rubanga bino bedo kede kisa i kom jo me Sodoma kede Gomora kalamo jo me bomba nono.

Itidil kame tie Bino

(Marako 13.9-13; Luka 21.12-17)

16 # Luka 10.3 “Nenunu, ango atie cwano wu bala romini i dier ipeon. Pi mano, bedunu di iriekunu bala twole, doko di imwolunu bala aweleko. 17#Marako 13.9-11; Luka 12.11-12; 21.12-15Gwokerenu ki kom jo kame bino tero wu i nyim ekiko di kiko bino dano wu i sinagogan gi. 18Doko kibino mako wu kiko tero wu i nyim wegi apugan kede abakai pira, pi mino ijura i koma i nyim gi kede i nyim jo kalikame Iyudayan. 19Ka kitero wu i nyim ekiko, kur ibedunu kede par i kom gikame ibinunu waco arabo epone kame ibinunu yamo kede, pien gikame ibinunu waco kobino mino wu esawa nono. 20Pien likame wun en kame ibinunu yamo, do Tipo ka Papa en kame bino yamo i dogu.

21 # Marako 13.12; Luka 21.16 “Dano bino mino kotero omin mere di oko neko, papa me atin da bino timo ne atin mere kamanono, kede idwe bino dagi jonywal gi di kiko mino koneko gi. 22#Matayo 24.9, 13; Marako 13.13; Luka 21.17Jo dedede bino dagi wu pira, do ngat kame bino kanyakino tuno i ajikini bino udo alako. 23Ka kitidilo wu i bomba acel, ringunu i bomba ocelu. Ateteni awaco ne wu be Wot ka dano oyaro dwogo di pwodi wun likame itiekunu rimaro bomban dedede me Isirael.

24 # Luka 6.40; Yokana 13.16; 15.20 “Likame tie ngasiao moro kame pire dwong kalamo ngapwony mere kede ruom, iepone nono da ngatic likame pire dwong kalamo ngadwong mere. 25#Matayo 9.34; 12.24; Marako 3.22; Luka 11.15Etie gikaber ka ngat kame somo odoko bala ngapwony mere, kede ka ngatic da odoko bala ngadwong mere. Ka gin kilwongo won ot be Belsebul,#10.25 Belsebul en nying ace kame kolwongo kede Sitani. kibino do waco kope areco me angalo kalamo i kom jo mege me ot nono.

Ngat kame poore Alwora

(Luka 12.2-7)

26 # Marako 4.22; Luka 8.17 “Pi mano, kur ilworunu gi, pien likame tie gimoro kame koumo kalikame kobino nyuto kakaler, doko likame tie gimoro kame kokano kalikame bino ngere. 27Gikame ango awaco ne wu i kakacol wun wacunu i lero, kede kop kame iwinyunu di oweweo, wun tatamunu en ki wi ude. 28Kur ilworunu jo kame neko kom dano do di likame kiko karuno neko tipo mere. Do lworunu ngat kame neko kom dano karacel kede tipo mere i mac kalikame to. 29Mam omobilo are kocato pi siringi acel? Do di likame tie acel moro kikom gi kame poto piny abongo Papa wu yei ne. 30Do kiton yer me wi wu da kotieko maro. 31Pi mano, kur ibedunu kede lworo moro, pien wun piru tek kalamo omobilo atot.

Tuco Yei i kom Kirisito kede Dage

(Luka 12.8-9)

32“Ngat acelacel kame tuco be en eyei ango i nyim jo, ada abino tuco be angeo en i nyim Papa na kame tie i malo, 33#2 Temeseo 2.12do ngat kame bino daga i nyim jo, ango da abino dage i nyim Papa na kame tie i malo.

Yesu okelo Apokapoka do Likame Mulem

(Luka 12.51-53; 14.26-27)

34“Kur iparunu be ango abino pi kelo mulem i lobo, ango likame abino pi kelo mulem, do abino pi kelo epima. 35#Mika 7.6Ango abino pi kelo kwor i diere me awobi kede papa mere, i diere me nyako kede toto mere, i diere me dako kede daa mere, 36doko jokwor ka dano bino bedo jo me i ode kikokome.

37“Ngat kame maro toto mere arabo papa mere kalamo ango, udo likame epoore pi bedo mera. Doko ngat kame maro wode arabo nyare kalamo ango, udo likame epoore bedo mera. 38#Matayo 16.24; Marako 8.34; Luka 9.23Doko ngat kalikame riongo musalaba mere di eko donyo luba, udo likame epoore pi bedo mera. 39#Matayo 16.25; Marako 8.35; Luka 9.24; 17.33; Yokana 12.25Ngat kame gwoko kuo mere bino kei en, kede ngat kame rwenyo kuo mere pira ebino udo.

Giamia me pwoc

(Marako 9.41)

40 # Marako 9.37; Luka 9.48; 10.16; Yokana 13.20 “Ngat kame gamo wu, udo egama, kede ngat kame gama udo egamo Rubanga ngat kame oora. 41Ngat kame gamo enabi i nying me enabi, bino udo giamia me pwoc me enabi, kede ngat kame gamo dano kopoore i nying me dano kopoore, ebino udo giamia me pwoc me dano kopoore. 42Doko dano kame mio ngat acel kikom jo kalikame pirgi tek gi akadi ikopo me pii me amata i nying me ngasiao na, ateteni awaco ne wu be, likame ebino kei giamia mere me pwoc.”

Currently Selected:

Matayo 10: BILKDC13

Highlight

Copy