Matayo 1

Joakwari ka Yesu Kirisito

(Luka 3.23-38)

1Man en nying joakwari ka Yesu Kirisito, ngat kobedo akwar Daudi kede Aburaam.

2Aburaam onywalo Isaka, Isaka oko nywalo Yakobo, Yakobo oko nywalo Yuda kede imiegu mege, 3Yuda kede cege Tamar oko nywalo Peresi kede Seera, Peresi oko nywalo Keseroni, Keseroni oko nywalo Aram, 4Aram oko nywalo Aminadab papa me Nakason, Nakason oko nywalo Salamoni, 5Salamoni kede cege Rakab oko nywalo Boasi, Boasi kede cege Lusi oko nywalo Obed, Obed oko nywalo Yese, 6Yese oko nywalo Abaka Daudi.

Daudi kede dako ka Uria oko nywalo Sulumani, 7Sulumani oko nywalo Rekobuamu, Rekobuamu oko nywalo Abija, Abija di oko nywalo Asap, 8Asap oko nywalo Yekosapati, Yekosapati oko nywalo Yoram, Yoram oko nywalo Usia, 9Usia oko nywalo Yotam, Yotam oko nywalo Akas, Akas oko nywalo Esekia, 10Esekia oko nywalo Manase, Manase oko nywalo Amosi, Amosi oko nywalo Yosia, 11Yosia oko nywalo Yekonia kede imiegu mege i kare kame otero gi kede Babilon.

12Ingei kare kame kotero gi kede Babilon: Yekonia oko nywalo Salatiel, Salatiel oko nywalo Serubabel, 13Serubabel oko nywalo Abiuda, Abiuda oko onywalo Eliakim, Eliakim oko nywalo Asora, 14Asora oko nywalo Sadoki, Sadoki oko nywalo Akim, Akim oko nywalo Eliud, 15Eliud oko nywalo Eriesa, Eriesa oko nywalo Matani papa me Yakobo, 16Yakobo oko nywalo Yosepu cwar Maria, kame oko nywalo Yesu kame kolwongo be Kirisito.

17Aso, oudo tie joakwari tomon kiwie ongwon cako kibut Aburaam tuno but Daudi. Do cakere kibut Daudi tuno kede i kare kame kotero gi kede Babilon, oudo tie joakwari tomon kiwie ongwon; kede da oudo tie joakwari tomon kiwie ongwon cako i kare kame kotero gi kede i ipasun i Babilon tuno but Kirisito.

Nywalo Yesu Kirisito

(Luka 2.1-7)

18 # Luka 1.27 Nywalo Yesu Kirisito riki obedo iepone ni. I kare kame Maria toto mere bin Yosepu onero nyomo, oko ngere be Maria oudo oyac pi twer me Tipo Kacil di pwodi likame kiribo kabuto. 19Kite kame Yosepu oudo obedo kede ngat kame timo gi kopoore kede kalikame mito mine lewic, en gire eko moko tam mere pi wekere kede Maria i mung. 20Do bin di etie paro kop noni, malaika ka Rwot oko nyutere bute i wang lek di oko waco ne be, “In Yosepu akwar Daudi, kur ibed kede lworo pi tero Maria doko dako ni, pien en eyac pi twer me Tipo Kacil. 21#Luka 1.31En ebino nywalo atin awobi di iko cako nyinge Yesu, piento en ebino lako jo ki dub gi.”

22Magi dedede bin otimere pi mino cobere kakare kop ka Rwot, kame bin ewaco i dog enabi be, 23#Isaya 7.14 “Neni, nyako kame pwodi likame ngeo icuo bino yac di en eko nywalo atin awobi, di oko bino cako nyinge Emanuel,” kame dwong mere be, “Rubanga tie karacel kede wa.”

24Kakame bin Yosepu ocei kede ki nino, en eko timo bala kite kame bin malaika ka Rwot ocike kede; en eko tero Maria oko doko dako mere. 25#Luka 2.21Do Yosepu likame oko ngere kede Maria, tuno kede Maria nywalo atin awobi, di en eko cako nyinge Yesu.

Currently Selected:

Matayo 1: BILKDC13

Highlight

Copy