सुलेमानको श्रेष्ठगीत 4
4
ऊ उनीसित कुरा गर्छन्
1मेरी प्रेमीका, तिमी अत्यन्तै सुन्दरी छौ।
आहा! तिमी सुन्दरी छौ।
घुम्टोभित्र लुकेका
ती तिम्रा आँखाहरू ढुकुरका जस्तै छन्
तिम्रा ती लामा केश
गिलाद पाहाडबाट ओह्रालो नाच्दै झरिरहेको बाख्राको बगाल झैं छन्।
2तिम्रो दाँतहरू भेंडा़ झैं सेता छन्
जसलाई भर्खरै नुहाइएको र कत्रनु तयारी बनाएको छ।
तिनीहरू सबैले जुम्ल्याहा पाठा जन्माउँछन्
र तिनीहरूको एउटै थुमा पनि हराएको छैन।
3तिम्रो ओठहरू रेशमको धागो जस्तै राता छन्।
तिम्रो मुख अति सुन्दर छ,
तिम्रो घुम्टोभित्रका गालाहरू
एउटा दारीमका दुइ फ्याकहरू जस्तै छन्।
4तिम्रो घाँटी लामो अनि पातलो छ,
दाऊदको किल्ला जस्तै,
त्यो किल्ला सजाउनको निम्ति बनाएका
हजारौं ढालहरू यसको भित्ताहरूमा
शक्तिशाली सेनाहरूसँग छन्।
5तिम्रो स्तनहरू एक जोडी पाठाहरू जस्तै छन्,
हरिणको जुम्ल्याहा पाठा जस्तै
जुन लिली फूलहरू विच चरिरहन्छ।
6म त्यो गन्धरसको पर्वत माथि जानेछु,
र सुगन्धितको पहाडमा जानेछु,
जब मैले आफ्नो अन्तिम सास लिनेछु
अनि छायाँहरू लामो भई लुक्नेछन्।
7मेरी प्रेमी, तिमी सबैभन्दा सुन्दरी छौ,
तिमीमा कुनै प्रकारको दाग छैन।
8हे मेरी दुलही म भएकोमा आऊ,
तिमी मेरो निम्ति लेबनोनबाट आऊ।
तिमी मसित अमानाको चुचुरोबाट,
सनीरको उचाईबाट,
सिंहको गुफाबाट
अनि चितुवाको पाहाडबाट आऊ।
9मेरी प्रेमिका, मेरी दुलही तिमीले मलाई उत्तेजित गराउछ्यौ।
तिम्रो आखाँको एक झलकले तिम्रो गलामा लगाइएको
मोतीको हारका एउटै दानाले, मेरो हृदय चोरेकी छौ।
10हे मेरी साथी, हे मेरी दुलही।
तिम्रो माया कति सुन्दर छ।
तिमीले गाँसेको माया दाखरस भन्दा धेरै राम्रो छ,
तिम्रो अत्तरको सुगन्ध अन्य कुनै पनि सुगन्ध भन्दा असल छ।
11मेरी दुलही! तिम्रो ओठबाट मह टप्किन्छ,
दूध र मह तिम्रो जिब्रो मुनि छ,
तिम्रा वस्त्रहरूबाट मिठो अत्तरको वासना आउँछ।
12मेरी प्रेमिका, मेरी दुलही!
ताल्चा लगाएको बगैंचा जस्तै शुद्ध छौ।
बन्द गरेको ताल जस्तै शुद्ध छौ।
त्यो बन्द गरेको फोहरा जस्तै शुद्ध छौ।
13तिम्रो शरीर दारीम जस्तै छ,
अनि अरू लोभ्याउने फलहरू,
फूलहरू र मसलाहरूको वासनाले भरिएको
बगैंचा झौं 14जटामसी केश दालचिनी,
तिमी एउटा सबै प्रकारको सुगन्धित रूखहरूले भरिएको बगैंचा झैं छौ
मूर्र र यसमा सबै प्रकारको असल मसलाहरू छन्।
15तिमी बग्ने पानीको स्रोत जस्तै छौ।
तिमी कुवाको पानी झैं ताजा छौ,
लेबानोनबाट बग्दै आएको पानीको मूल झैं छौ।
ऊनी बोल्छिन्
16उत्तरी हावा, तिमी उठ,
दक्षिणी हावा, तिमी आऊ।
मेरो बगैंचामा बह
अनि आफ्नो सुगन्ध छर्क।
मेरा प्रेमी आफ्नो बगैंचाभित्र पसुन्।
अनि त्यहाँका मिठा फलहरू खाऊन्।
Currently Selected:
सुलेमानको श्रेष्ठगीत 4: NERV
Highlight
Share
Copy
Want to have your highlights saved across all your devices? Sign up or sign in
Nepali Holy Bible: Easy-to-Read Version
All rights reserved.
© 2004 Bible League International
