Mateo 7

uKuyangwiila Ayaanji

(Lk 6:37-38, 41-42)

1“Mutachiputula, kuti neemwe mutachi muputwiilwe. 2Kuno uputushi uno muluputula, ifino neemwe kweene muluputwiilwa; ni chilingilo chino mululingila, ichino neemwe kwene mululingilwa. 3Ali nga fino ululola ichikoona chino chili umwiliisho lya nnyoonko, ni imbao lino lili umwiliisho lyaako wenkola utalulilola? 4Naanti unganeena unnyoonko uli, uti: ‘Leka inchitiishe ichikoona chino chili umwiliisho lyaako?’ Na kuno umwiliisho lyaako kweene muli iboliti? 5Wa ufi we, tangula fumya iboliti liyo lino lili umwiliisho lyaako wenkola, apano ungalola niingo ukutisha unnyoonko ichikoona, chino chili umwiliisho lyaakwe. 6Mutachipa imbwa ichisweepe, naenti ukusumbi lulu shino pali yakapooli; yatiise yashilyatoole na amakuulu yao, yasenuke nu kumumoola.

uKupulikwa Amapepo

(Lk 11:9-13)

7“Lombini, neemwe mwapiiwa; sitini, neemwe mwanchisaana; kong'onshini, neemwe yamuyulila. 8Kuno weeshi wino aluloomba, akupiiwa; wino alushita, akuchisaana; na wino alukong'onsha, akuluyulilwa. 9Naanti kuli umwi kuli mweemwe, wino ndi umwanaakwe waloomba iishima, angampo ifiinga? 10Naanti ndi waloomba iswi, nawe angampa iisoka? 11Ali ndi mweemwe muli yayiifu, mwamanya ukuyapa aana yiino ifiintu ifisiiifu, Cheene! So wino uwa mwiyulu atangayapa ifisiifu nkaani yao yano yalundoomba? 12Ichino fiyo fyooshi fino mulushita muchitilwe na aantu, neemwe muyachitile fiyo kweene; kuno fiyo ali Tolati na malau.

Imilyaango yiili

13“Ingilini apa nndyaango ufyenkanu; kuno unndyaango unsalasu ni isila isaalazu iyiile uku wonooni, na yano yalwingila uku nndyaango uo ainji. 14Kuno unndyaango ufyenkanu ni isila ifyenkanu iyiile uku upuma, nayo yano yailondela, yali yache.

15“Chenjelelini malau yaufi, aantu yano yalumwisila yaswiite imikweela ya fweele, leelo unkashi, fwaandi, angi imiyiishi mikangu. 16Muluyamanva uku ivisêke fyaao. Cheene! aantu yakulushikula imisabibu um-myoonga, naanti masamasaafu kuli sokolo? 17Ifiyo kweene chila chiti chisiifu chikusêka ivisêke fisiifu ni chiti chisiifu chikusêka ivisêke ifisiifu. 18Ichiti chisiifu chitaangi chifyaale ifisêke fiipe, naanti ichiti chiipe chitaangi chifyaale ifisêke fiyifu. 19Ichiti chooshi chino chitalusêka ifisêke fisiifu, chikulukomwa nu kusumbilwa um-mooto. 20Ichino uku fisêke fyaao muluyamanya.

21“Asi chila ntu wino aluuti: ‘Mwene, Mweene,’ uwino alwingila um-weene-wa-mwiyulu; leelo wino aluchita fino akasime Tata waane uwa mwiyulu. 22Ainji yalunneena uwaanda ulye; ‘Mweene, Mwene, tutalawizye ukwishiina lyaako, nu ukwishina lyaako akutisha ifiwa, nu ukwishina lyaako kuchita ifipesha-maano tupu?’ 23Apano nduyaneena apatiswe, ukuti: ‘Ntamumanyile mweemwe naanti uche; tinini kunondi, mwe yano muluchita ifiyiifu.’

Yakakula yaili

(Lk 6:47-49)

24“Ichino wino wapulika amaswi yaane yao nu kuyalema, alukolana nu ntu wa maano wino wakuushile ing'anda yaakwe apa mafinga. 25Iseemba yatoonya, unndamba wiisa, nunsa wakatuka, wapuunga ing'anda ilye naanti kupona, kuno ichiimbili chaakwe chakulilwa api paampa. 26Na chila ntu wino wapulika amaswi yaane yao atayalema, alukolana nu chiwiila wino wakushile ing'anda yaakwe apa miseenga. 27Iseemba yatoonya na nndamba wiisaa nunaa wakatuka, wapuunga ing'anda ilye, yapona; nu kupona kwaakwe ukulongoloka pyu.”

28Pano Yesu wamaliila amaswi yao, amaumba yasunguka leka uku masambilisho yaakwe. 29Kuno wayasambilishanga wa ntu wino ali na amaka, asi ndiwi yakaandika yao.

Currently Selected:

Mateo 7: FNT1988

Highlight

Copy