Mateo 28

Yesu watutuluka

(Mk 16:1-10; Lk 24:1-12; Yn 20:1-10)

1Nga pano Sabato yasila, kulucha uwaanda wa ntangulo, Malia wa ku Mandala na Malia wiiwi uwa uwili, yaile ukuyulola iliindi. 2Nga lolini, kuwa ichitetema ichikulu apaasi, kuno malaika wa Mweene wikile ukufuma ukwiyulu, wiisa wakunkulusha ifiinga liili, walikalila.

3Nu uushu waakwe wakoshile ulukosha, ni myeenda yaakwe imitiswe wa theluuji. 4Nga uku ngofi yano yanndolelelanga, yatetema, yawa kanti iyafwa. 5Leelo malaika wanena anachi yalye, waati: “Mwe mutachoopa; kuno manyile fino mulusita Yesu wino wumozilwe. 6Asipo pa, kuno watatutuluka ndi fino watashile; nguni mulole pano wawizi. 7Neemwe yangini suwa, mukayeneene alondeshi yaakwe, fino watatutuluka uku yafwi. Lolini, wamukolelela ukuya uku Galilea, ukuno mulunndola; lolini, intimunena.” 8Nga yafuma suwa ukutina apiliindi ukungofi nu kuchimba, yituka ulwilo ukuyunena alondeshi yaakwe amaswii.

9Nga lolini, Yesu akomengana nayo, afwaanga ati: “Ndumulaula.” Nga yapalamila, yannema amulu yanfukamila. 10Apano Yesu ayanena, ati: “Mutachopa; yangini mukayaneene achane yaye uku Galilea, ukuno yalundola.”

Ufi wa yikolo ya a Yudea

11Nayo yao pano yapitaanga, lolini, yamwi apa asalifi yingile umunsi, yalandile ayikolo iyakapela amaswii ya ifiintu fyooshi fino ifiombeka. 12Nga yakongaana poonga na koombe, yafwaanga uku nndandu wa kuti yape asalifi impia tupu. 13Yaati: “Mulande fino alondeshi yaakwe yishile ushiku, yamwiya, pano tulile ukulaala. 14Niswii li ndi lyamanyika uku unndâsi, sweeswe tuluvfwaanga nawe, neemwe musuwa niswi.” 15Nga yatola impia shiyo, yachita ndi fino yanenilwe. Niswii liyo lyamanyika uku a Yudea fika nileelo li.

Yesu watuma alondeshi yaakwe

(Mk 16:14-18; Lk 24:36-49; Yn 20:19-23; Mil 1:6-8)

16Nga yaya alondeshi ikumi na weenga yaaya uku Galilea uku mwaamba uno Yesu wayanenile. 17Nayo pano yanndola, yamfukamila. Leelo pali yeneyo yamwi yasisita. 18Nga Yesu awiisa kuno yali, afwaanga nayo, ayanena aati: “Napiwa amaka yooshi umwiyulu na paasi. 19Ichino yangini mukachite antu yooshi ukuwa alondeshi yaane, muyabatishe ukwiishiina li Taata ni lya Mwaana ni lya Mweeso Nsweefu. 20Nu kuyasambilisha ukulondela fyooshi fino namunena mweemwe. Nga lolini, ineene indi poonga neemwe amaanda yooshi kufika nu kusila kwansi.”

Currently Selected:

Mateo 28: FNT1988

Highlight

Copy