Konesi 26

Paulo waddu kulya kanyit ko Agripa i komor

1A Agripa takiŋdye Paulo adi, Do a ruköki i jambu na kulya kunök. A Paulo riöddi könin a waddi adi.

2Pon mor Agripa, nan yeyeju adi nan gwon ko komor na ’but, adi i lo lor nan waddu konut i komor i kulya liŋ nagon Yudayaki a ŋökiudye nan kune, 3kegga kogwon do a den ’bura keriat liŋ se ko rerenyesi liŋ i kiden na Yudayaki. Nyenagon nan mo ’yu do böŋö, ŋoŋgi madaŋ i yoŋga na nan. 4Yudayaki liŋ deden gwiliŋit liŋ ko gwon ada suluja ’beron i toteton nio i jur likaŋ se ko i Yerusalema. 5#Kon 23.6; Pil 3.5Lepeŋat a den nan ’beron; a ko ködyö lepeŋat ruruk, lepeŋat ködyö totokor adi nan a lo laŋet na Parusijin logon ko pusök a duma i ’debba na keriat kaŋ. 6Nyena soŋinana nan gwo ’dan ni i ’duŋöki na putet kogwon nan yeŋdu milye logon Ŋun a milyekin merenyejin kaŋ lo; 7kötumitön puök wot murek ti ŋutu kaŋ logon kitakiŋdya Ŋun ko pusök ko tuparan ko tukwaje kulo, lepeŋat köti gwon ko yenet i wuju na po nagon ŋun a milyekin tiŋdu se na. Nyena pon mor, Yudayaki ko ’börik lo pökiŋdyö nan ko kulya ti yenet na ŋilo milye. 8Ko nyo nagon ta ti yuŋ adi ŋun jujukin topiju ŋutu lo twatwa?

9 # Kon 8.3; 22.4, 5 Nan ko mugun nio köju yeyeju adi nan ködyö kökon po jore anyen teŋgu ŋutu i twöju na karin ti Yesu lo Najareta. 10A nan iŋge koŋdya sona Yerusalema yu. Nan a wuju kido ko koanejin temejik i könin, a nan iŋge tikin ŋutu ti Ŋun jore i kadi rereket, a ko se ’dupöki adi ti se tatuani tatua a nan köti ruŋge adi ti se tatuani. 11Nan a riŋga lepeŋat dapin jore i kadijik liŋ nagon ŋutu momora kata, anyen tiŋdu lepeŋat i lauŋdya na Matat lose. A woran nio na pape parik ’yaladdi ŋerot, a nan sasaŋdi lepeŋat ma ’di i köjinö ti Lwaka.

Paulo nyönyöggu kulya ti löpuggö nanyit na töili

(Köti Konesi 9.1-19; 22.6-16)

12Nyena ko ŋina kwe a nan iŋge tu tojo Damaseke ko kido se ko saret lo koanejin temejik. 13Nyena pon mor, i tuparan kiden na jölöri nan nu, a nan iŋge meddya parara na po ki a namilyaŋ parik lwölwöŋ loja na kolor pararakiŋdya köyö i swötön liŋ se ko ŋutu lo jölö ko nan i pirit na geleŋ kulo. 14A yi liŋ ’do ’done kak, a nan yiŋge gworo kulya ko nan ko kutuk na Ebere adi, Saula, Saula, ko nyo nagon do sasaŋdu nan sona? A nago konut kogwon do gwon gwoso dwöt logon ti ’bön jikö a iŋge tomie ko ture liŋ lo monye. 15a nan nyobbi pija adi, Do a ŋa pon Matat? A Matat waddi adi, Nan a Yesu logon do sasan lo.

16Ama ŋine ki ko gwo ’de gwo ’dan. Ko ŋina kwe nan aje pukökin konut anyen wuluŋdyö do a köliŋönit liŋ, anyen do takiŋdya kulye ŋutu ŋo nagon do aje met köyö kune ko ŋo nagon do köti molu memet na puökkiŋdye nan konut nu. 17Nan mo lwölwök do i ŋutu kasu ko i ŋutu ti jurön logon nan soson do kata kulu.

18Nan soŋdu do i ŋaju na konyen kase anyen se löpukuŋdyö kaŋo i mudwe tojo i parara, ko i löpukuŋdyö i riŋit na Satani tojo ko Ŋun ni, anyen toronjin kase böŋö pipitöki, anyen mora ko ŋutu logon Ŋun a wulun a kanyit kulo kogwon yubbö nase na nan.

Paulo nyönyöggu kulya ti kita nanyit na Loŋe Lo ’but

19Nyena pon mor Agaripa, nan köju a ko renya ŋo na met nan nagon a kweye ki yu kune. 20#Kon 9.20, 28, 29a kokwe nan tukökiŋdyö ŋutu ti Damaseke, a i mukök a nan tukökiŋdye ŋutu ti Yerusalema, ko ŋutu ti jur lo Yudaya ’bukuluŋ, köti se ko ŋutu ti kulye jurön, adi ti se ködyö löpuŋge töilyet, a löpukuŋdye ko Ŋun ni, a koŋdi konesi nagon kwekiŋdya adi se ’diri a löpuggö töilyet, 21Ko ŋina kwe a Yudayaki morgi nan i Kadi na Ŋun, a ’deke tatuja nan. 22Ama Ŋun a parakin nan tojo ko lo lor, nyena nan gwo ’dan ni i tokurukiŋdyö na ŋutu liŋ lo ’di ’dik ko temejik adi kine kulya a gwak. Kulya nagon nan jajam kine tuka ’de ’bayin ko kulya nagon nebijin se ko Mose köju a jam kune adi agu ködyö kokona; 23#1 Kor 15.20; Yis 42.6; 49.6adi Masia agu ködyö ŋoŋoŋga a gwe a lo kokwe i ŋien i twan, anyen tukökiŋdyö ŋutu kaŋ se ko ŋutu ti juron kulya ti parara.

24A na waddi Paulo sona nu, a Peseto kulyani ko gworo lobot adi, Paulo, do a mamala! Todinö inot parik na tiŋdu do wora a mamala! 25a Paulo waddi adi, Nan a ko mamala pon Peseto lo kukuka, nan jambu kulya gwak gwoso ŋuto logon deden kulya,

26Kogwon mor deden kine kulya, anyen nan bubulö jamakiŋdya lepeŋ ko topurwan liŋ. Nan a yinikin adi nene ŋo a ko kona nagon nye a ko den, kogwon kine kulya a ko kona mumukö. 27Pon mor Agaripa, do a yuŋ kulya na jam nebijin kune le? Iŋkoi, nan deden adi do a yuŋ se. 28a Agaripa pije Paulo adi, Do yeyeju adi do bubulö löpuggö nan a Kristiani ko diŋit a na ’dit, anyen nan tuggö adi nan a yubbö le? 29a Paulo waddi adi, Kode joŋga diŋit a na ’dit kode a najo i löpuggö na do a Kristiani, nan mo ’yu Ŋun adi ti gwon a do ka ’de ama köti ko ŋutu liŋ lo yiŋga nan i jambu i lo lor kilo, adi ta liŋ ködyö wora gwoso nan, ake rereka nio ko kulo toŋot ka ’de.

30A kirut mor, ko mödir, ko Bemike, se ko ŋutu lo si ’da ko se kulo ŋine ki;

31a i mukök nagon se aje lupuŋdyö kaŋo nu, a se tokulyaki ko ’börik adi, Ŋilo ŋuto a ko koŋdya nene ŋo nagon ködyö jujukin tatuarikin lepeŋ kode tiki i kadi rereket. 32a Agaripa takiŋdye Peseto adi, Ŋilo ŋuto ködyö bubulö kölöji ko lepeŋ ködyö a ko pija Kaisar i ’duŋgö na putet lonyit.

Currently Selected:

Konesi 26: BBE

Highlight

Copy