1 Korinto 8
8
Kulya ti kinyojin lo wuki nyomuejin logon a ŋunyen
1Nan ŋilo waddu i kulya ti kinyojin logon wuki nyomuejin logon a ŋunyen kilo. Ta kulya adi, Yi lio gwon ico denesi. ’Diri a gwak. Deŋdya na kulya tiŋdu ŋuto i bu ’ya na mugun, ama nyaŋu gweyuŋdya ŋuto ki. 2Ko lele ŋuto yeyeju adi nye deden kulya, lepeŋ nyuŋ ti den kulya gwoso ŋuto logon ’diri a lokoŋ. 3Ama ŋuto logon nyanyar ŋun lo, ŋun deden lepeŋ.
4Nyena i kulya ti nyesu na kinyojin lo wuki nyömuejin, yi deden adi nyomue ’diri ti gwon jorun, tuŋ yi deŋdya adi kulye ŋunyen ’bayin, ama ŋun kata geleŋ. 5Ma ’di ködyö kulye ŋo kata ki yu ko kak ni logon ŋutu luŋ adi se a ŋunyen, ma ’di kilo ŋunyen se ko kimak kata jore, 6ama kayaŋ i swot yi a yup adi Ŋun geleŋ kata, logon ŋo liŋ pipiluŋdya ko lepeŋ, logon yi gwon jörun anyen gwon a kanyit lo. Köti yi a yup adi Matat geleŋ kata logon a Yesu Kristo, logon ŋo lio a gweya i tomirian nanyit, ayi gwe jorun kanyit i mugun lo.
7Ama ’bayin a ŋutu liŋ logon deden kine kulya, ama kulye kayupök kata ma ’di tojo ko lo lor logon nyuŋ yeyeju nyömuejin adi a ŋo gwak. Nyena ko se nyesu kinyo, a se yeyeji adi ŋilo kinyo a wuki nyömue, a iŋge tolut se, kogwon töilyet kase denesi a lomunyak. 8Kinyo ti joŋ yi ko Ŋun yu; koyi a ko nyesu yi ti gwon a lorok ko lepeŋ i komor, a koyi a nyesu a yi tine gwon a lo ’but.
9Ama kunyar ta an ’buruki nasu kopuŋgo ŋutu lomunyak i yupet kilo.
10Ama do logon a ŋuto lo deden kulya lo, ko lele ŋuto logon toili lonyit denet alomunyan lo a met do i nyesu i kadi na nyomue, a ŋina ŋona ti parakin lepeŋ i nyesu na kinyo logon a wuki nyomuejin ’bak kujönö le? 11Nyena deŋdya inot na kulya kökör ŋuto lomunyan i yupet, ŋilo a luŋaser ilot logon Kristo a twan kogwon kulya kanyit lo. 12Nyena na toroŋdi ta luŋösurök lo yubbö, a böŋöddi töilyet kase denesi logon a lomunyak kulo nu, a ta toroŋdi Kristo.
13Nyenagon ko kinyo tiŋdu luŋaser lio lo yubbö lo i ’doro, a nan mo köti tine nyesu lokore kwöŋ, an nan to ’doro ’yu luŋaser lio.
Currently Selected:
1 Korinto 8: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
