JINGPYNPAW 5
5
Ka kitab bad U Khun langbrot
1 #
Ese. 2:9-10; Isa. 29:11. Bad nga la ïohi ha ka kti kamon jong uta uba shong halor kata ka khet ïa ka kitab, ïa kaba la thoh shapoh bad shalor, ïa kaba la pyndait laha da ki hynñiew ki jingpyndait. 2Bad nga la ïohi ïa u angel u bakhlaiñ, u da pyrta da ka ktien bajam, “Uei uba bit ban plied ïa kata ka kitab, bad ban loit ïa ki jingpyndait jong ka?” 3Bad ym don ha bneng, lymne ha ka khyndew, lymne shapoh ka khyndew, uba lah ban plied ïa kata ka kitab, lymne wat ban khmih ha ka. 4Nga te, nga la ïam shibun, naba ym shym la shem ïano ïano ruh uba bit ban plied ïa kata ka kitab, lymne wat ban khmih ha ka. 5#Jen. 49:9,10; Isa. 11:1.Te uwei na kita ki tymmen basan u ong ha nga, “To wat ïam: ha khmih, uta U Sing uba long na ka jaid Judah, U Thied u Dabid, u la jop ban plied ïa kata ka kitab, bad ban loit ïa kita ki hynñiew ki jingpyndait jong ka.”
6 #
Isa. 53:7; Sekh. 4:10. Bad nga la ïohi hapdeng kata ka khet bad kita ki saw ki jingthaw ba-im, bad hapdeng kita ki tymmen basan, ïa U Khun langbrot u da ïeng, kum ïa uba la pynïap, u da don hynñiew ki reng, bad hynñiew ki khmat, kiba long kita ki hynñiew ki mynsiem U Blei, ïa kiba la phah noh sha ka pyrthei baroh. 7Bad u la leit, bad u la shim ïa kata ka kitab na ka kti kamon jong uta uba shong halor kata ka khet. 8#Salm. 141:2.Te mynba u la shim ïa kata ka kitab, kita ki saw ki jingthaw ba-im bad kita ki arphew saw ngut ki tymmen basan ki la ïahap dem ha khmat uta U Khun langbrot, ki da don uwei pa uwei la ka duitara, bad ki pliang ksiar ba dap da ki jingainguh thang baiwbih, kiba long ki jingduwai jong ki riewkhuid. 9#Salm. 33:3.Bad ki ïarwai ïa ka jingrwai bathymmai, ki da ong,
“Me long uba dei
ban shim ïa kata ka kitab,
bad ban plie ïa kita
ki jingpyndait jong ka;
naba la pynïap keiñ ïa me,
bad me la siewspah ha U Blei
da ka snam jong me
ïa kiba na ka jaid,
bad na ka thylliej,
bad na u paidlang,
bad na ka kynja bynriew baroh;
10 #
Eks. 19:6; Isa. 61:6; Jpw. 1:6. bad me la pynlong ïa ki,
ki syiem bad ki lyngdoh
ha U Blei jong ngi,
bad kin ïasynshar
ha ka pyrthei.”
11 #
Dan. 7:10. Te nga la ïohi, bad nga la ïohsngew ïa ka ktien sawa shibun ki angel baroh sawdong kata ka khet bad kita ki jingthaw ba-im bad kita ki tymmen basan ruh; bad ka jingkheiñ ïa ki, ka la long ki shiphew hajar sien ki shiphew hajar, bad ki hajar sien ki hajar, 12ki da ong da ka ktien bajam,
“U long uba dei
uta U Khun langbrot,
ïa uba la pynïap,
ban ïoh pdiang
ïa kata ka bor,
bad ïa ka jingkynrei spah,
bad ïa ka jingstad,
bad ïa ka jinglah,
bad ïa ka jingpyndonburom
bad ïa ka burom,
bad ïa ka jingkyrkhu.”
13Bad ïa ka jingthaw baroh kaba don ha bneng, bad halor ka khyndew, bad shapoh ka khyndew, bad ha ka duriaw, bad kiei kiei baroh kiba ha kita, nga la ïohsngew haba ki ong,
“Ha uta uba shong
halor kata ka khet,
bad ha uta U Khun langbrot,
to long ka jingkyrkhu,
bad ka jingpyndonburom,
bad ka burom, bad ka bor,
sha ki bymjukut ki bymjukut!”
14Bad kita ki saw ki jingthaw ba-im ki la ïa-ong, “Amen”. Bad kita ki arphew saw ngut ki tymmen basan ki la ïahap dem, bad ki la ïamane.
Currently Selected:
JINGPYNPAW 5: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
