JINGPYNPAW 4
4
Ka jingïamane ha bneng
1 #
Eks. 19:16,24. Hadien kine kiei kiei ruh, nga la khmih, te ha khmih, ka jingkhang ïa kaba la plie ha bneng; bad kata ka ktien sawa ka banyngkong ïa kaba nga la ïohsngew kum ka turoi ka da kren bad nga, ka da ong, “To ale kiew shane, bad ngan pyni ha me ïa kiei kiei ruh kiba dei ban jia long hadien kane.” 2#Ese. 1:26-28; 10:1.Te kumne kumne ruh, nga la long ha U Mynsiem; bad ha khmih, ka khet ba la buh ha bneng, bad halor kata ka khet don uwei uba shong. 3Te uta uba shong u la long haba khmih kum u maw Jasper bad u Sardios: bad la don u simpyllieng baroh sawdong kata ka khet, uba kum u maw Emerald haba peit ïa u. 4Bad baroh sawdong kata ka khet ki la don arphew saw tylli ki khet; bad halor ki khet nga la ïohi arphew saw ngut ki tymmen basan kiba shong, kiba la kup ha ki jaiñkup balieh; bad halor ki khlieh jong ki, ki pansngiat ksiar. 5#Eks. 19:16; Ese. 1:13; Sekh. 4:2; Jpw. 1:4; 8:5; 11:19; 16:18.Bad na kata ka khet ki mih noh ki leilieh bad ki jingsawa bad ki pyrthat. Bad la don hynñiew ki sharak ding bathang ha khmat kata ka khet, kiba long kita ki hynñiew ki mynsiem U Blei. 6#Ese. 1:5-10,18,22; 10:14.Bad ha khmat kata ka khet ruh, don ka duriaw ïit kum u mawleiñ:
Bad hapdeng kata ka khet, bad baroh sawdong kata ka khet saw ki jingthaw ba-im kiba dap da ki khmat sha khmat bad shadien. 7Te uta u jingthaw u banyngkong u kum u sing, bad uta u jingthaw ba-ar u kum u khun masi, bad uta u jingthaw balai u da don ka khmat kum u briew, bad uta u jingthaw basaw u kum ka pukni baher. 8#Ese. 1:18; 10:12; Isa. 6:2,3; Eks. 3:14.Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong,
“U Bakhuid, U Bakhuid,
U Bakhuid,
U Trai uba U Blei
Badonbor baroh,
uta uba la ju long
bad uta uba long
bad uta u ban sa wan.”
9 #
Salm. 47:8. Bad haba kita ki jingthaw ba-im ki ïa-ai ka burom bad ka jingpyndonburom bad ka jingnguh ha uta uba shong halor kata ka khet, ha uta u ba-im sha ki bymjukut ki bymjukut, 10kita ki arphew saw ngut ki tymmen basan ki ïahap dem ha khmat uta uba shong halor kata ka khet, bad ki ïamane ïa uta u ba-im sha ki bymjukut ki bymjukut, bad ki ïabred ïa kita ki pansngiat jong ki ha khmat kata ka khet, ki da ong,
11“Me long uba dei, A Trai
bad U Blei jong ngi,
ban pdiang ïa kata ka burom
bad ïa kata
ka jingpyndonburom
bad ïa kata ka bor,
naba me la thaw ma me
ïa kiei kiei baroh,
bad namar kata ka mon jong me
ki ïalong,
bad la thaw ïa ki.”
Currently Selected:
JINGPYNPAW 4: KHB
Highlight
Share
Copy
Want to have your highlights saved across all your devices? Sign up or sign in
The Bible Society of India
