LOUKAS 4:5-8

U Soitan te, haba u la ïalam noh ïa U sha u lum bajrong eh, u la pyni ha U ha kaba shi khyllipmat ïa ki hima ka pyrthei baroh. Bad u Soitan u la ong ha U, “Ïa kane ka bor baroh bad ka burom jong ki, ngan sa ai ha me: naba la ai ïa ka ha nga, bad hano hano ruh ha uba nga mon, nga ai ïa ka; lada ma me, namar kata, men mane dem ha khmat jong nga, baroh kan long ka jong me.” U Jisu te U la ïathuh bad U la ong ha u, “Khie leit noh shadien jong nga, me u Soitan: naba la thoh: “ ‘Men mane dem ïa U Trai uba U Blei jong me, tang ïa u hi ruh men shakri.’ ”