LOUKAS 21

Ka riewkynthei ka baduk

(Mrk. 12:41-44)

1 # Mrk. 12:41-44. Te haba u la khmied, u la ïohi ïa ki bariewspah kiba noh ïa ki jingainguh jong ki ha ka jingkynshew. 2U la ïohi ruh ïa kawei ka riewkynthei ka baduk, kaba noh hangta ar damli. 3U la ong te, “Kaba shisha nga ong ha phi, ba kane ka riewkynthei ka baduk ka la noh kham bun ïa kita baroh; 4naba kita baroh na ka jong kata kaba sah tam ïa ki, ki la noh ha ki jingainguh U Blei, hynrei, kane na ka jingkyrduh jong ka, ka la noh ïa ka jingim baroh phar katba ka don.”

U Jisu u ïathuhlypa ïa ka jingpynduh ïa ka templ

(Mat. 24:1-2; Mrk. 13:1-2)

5 # Mat. 24:1-19; Mrk. 13:1-17. Te mynba la don kiba ïakren shaphang kata ka templ, kumno ba la pynitynnad ïa ka da ki maw ki babha bad da ki jingainguh ïa U Blei, u la ong, 6#Luk. 19:43-44; Mrk. 14:58; 15:29; Ki Kam. 6:14.“Ïa kine kiei kiei ruh kiba phi khmih, ki sngi kin jia ha kiba yn ym iehnoh hangne ïa u maw halor u maw, ïa u ban ym pynhap noh.”

Ka dak bad ki jingshah jynjar

(Mat. 24:3-14; Mrk. 13:3-13)

7 # Luk. 17:20; Ki Kam. 1:6. Te ki la kylli ïa u, ki da ong, “Ko Nonghikai, hato lano kine kiei kiei ruh kin long? bad ka dak kaba kumno kan long ha ban sa long kine kiei kiei ruh?” 8#Luk. 17:23; Mrk. 13:21; 1 Ïoan. 2:18.U la ïathuh te, “To sumar ba yn ym shukor ïa phi; naba bun kin wan ha ka kyrteng jong nga ki da ong, ‘Ma nga U Khrist’, bad ‘kata ka aïom ka la jan’: wat leit bud nadien jong ki. 9Te haba phin ïohsngew shaphang ki thma bad ki jingkhihwin, phi wat sheptieng; naba ka dei ïa kine kiei kiei ruh ban jia shuwa, hynrei, kata ka bakut kam long kumne kumne ruh.”

10 # 2 Khrn. 15:6; Isa. 19:2. Ynda kumta, u la ong ha ki, “Ka jaid bynriew kan ïeng ïaleh bad ka jaid bynriew, ka hima ruh bad ka hima, 11ki jingkhynñiuh jumai kiba jur kin long ruh, bad ha shibun ki jaka ki 'nemsniew bad ki jingïapthem ruh, bad kin long ruh kiei kiei bashyrkhei bad ki dak bakhraw ruh na bneng. 12#Mat. 10:17-21.#Ki Kam. 25:24; Ïoan. 16:2.Hynrei, shuwa ïa kine kiei kiei baroh, kin kem ïa phi bad kin pynshitom ruh ïa phi, ki da ai noh ïa phi ha ki synagog bad ha ki ïing byndi, ki da leit lam ruh ïa phi ha khmat ki syiem bad ki nongsynshar, na ka bynta ka kyrteng jong nga. 13#Php. 1:12.Hynrei, kan pynjia lad ïa phi ïa ka ban long ka jingïaphla. 14#Luk. 12:11-12.Namar kata, to kut jingmut ha la ki dohnud ban ym puson lypa kumno ban ïasaid-da, 15naba ngan ai ha phi ka shyntur bad ka jingstad, ïa kaba ki nongïaleh jong phi baroh keiñ kin ym lah ban ïasei nia kylliang, lane ban ïasaid kylliang. 16#Luk. 12:52-53.Yn ai noh ruh ïa phi wat da ki kmie ki kpa, bad da ki para, bad da ki kur, bad da ki lok; bad ïa kiba na phi kin pynïap. 17#Mat. 10:22; Ïoan. 15:18-25.Phin long ruh kiba la isih da ki briew baroh namar ka kyrteng jong nga. 18#Luk. 12:7; Mat. 10:30; Ki Kam. 27:34; 1 Sam. 14:45.Hynrei, iwei i shñiuh na ka khlieh jong phi in ym jah noh. 19#Mat. 10:22; Jpw. 2:7.Da ka jingïaineh minot jong phi phin ri pynim ïa la ki mynsiem.

U Jisu u ïathuhlypa ïa ka jingpynjot ïa ka Jerusalem

(Mat. 24:15-22; Mrk. 13:14-19)

20 # Luk. 19:41-44; 23:28-31; 17:31. “Hynrei, haba phin ïohi ïa ka Jerusalem ba la ker tawiar ïa ka da ki paidïapom, ynda kumta, te phin tip ba kata ka jingpynduh ïa ka, ka la jan. 21Ynda kumta, kita kiba ha Judia, to kin ïaphet ïap noh sha ki lum; bad kita kiba hapdeng jong ka, to kin ïakynriah noh; bad kita kiba ha ki ri bri, to kin ym leit bsut hapoh jong ka. 22#Hos. 9:7.Naba kine ki long ki sngi ka jingpynshitom hok, ïa ka ban pyndep ïa kiei kiei baroh ïa kiba la thoh. 23#Luk. 23:29.Hynrei, kordit ïa kita kiba la punkhun, bad ïa kita kiba ai buiñ ha kita ki sngi! namar ka shipa kaba khraw kan long ha kata ka ri, bad ka jingbitar ha une u paidlang. 24#Rom. 11:25; Isa. 63:18; Dan. 8:13; Jpw. 11:2.Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

Ka jingwan U Khun u briew

(Mat. 24:29-31; Mrk. 13:24-27)

25 # Isa. 13:10; Ese. 32:7; Jol. 2:10,31; Seph. 1:15; Mat. 24:29-30; Mrk. 13:24-26; Jpw. 6:12,13. “Ki dak ruh kin long ha ka sngi bad ha u bnai bad ha ki khlur, bad ha ka khyndew ka jingjynjar jong ki jaid bynriew, ki da sngewlyngngoh namar ka jingkyrhuh ka duriaw bad ki jingat phyllung, 26ki briew ki da ïapler da kaba sheptieng bad da kaba ap lyngngoh ïa kita kiei kiei ruh ki ban sa jia thred ha ka pyrthei: naba yn pynkhih ïa ki bor jong ki bneng. 27#Dan. 7:13-14; Luk. 9:27; Jpw. 1:7.Ynda kumta, te kin ïohi ïa U Khun u briew ba u da wan ha u lyoh, da ka bor bad ka burom bakhraw. 28#Luk. 18:7-8.Te haba kine kiei kiei ruh ki sdang ban jia long, to khmied bad to mied ïa la ki khlieh, naba ka jinglait im jong phi ka la jan.”

Ka jinghikai na u dieng Dumbur

(Mat. 24:32-35; Mrk. 13:28-31)

29 # Mat. 24:32-35; Mrk. 13:28-31. Te u la kren ka pharshi ha ki, “To khmih thuh ïa u dieng Dumbur, bad ïa ki kynja dieng baroh; 30haba ki khie lung, phi ïohi bad phi tip na lade ba ka lyiur mynta ka hajan. 31Kumjuh ruh ma phi, ynda phin ïohi ba la jia kine kiei kiei ruh, to phin tip ba ka hima U Blei ka la jan. 32#Luk. 9:27.Shisha nga ong ha phi, kane ka pateng bynriew kan ym leit noh tad ynda yn pyndep ïa kiei kiei baroh. 33#Luk. 16:17.Ka bneng bad ka khyndew kin duh noh, hynrei, ki ktien jong nga kin ym duh noh.

Ka jingkyntu ban long kiba sharai

34 # Luk. 12:45; Mrk. 4:19; 1 Thes. 5:6-7. “Namar kata, to sumar ïa lade, ïoh kumno kumno ba ki dohnud jong phi kin sngewkhia da kaba bam lalot, bad da kaba buaid, bad da ki jingkhuslai pyrthei, bad ba kata ka sngi kan lap kyndit ïa phi kum ka jingriam: 35naba kumta kan ngat ha kita baroh kiba shong sah ha sla ka khyndew baroh. 36#Mrk. 13:33.Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

37 # Luk. 19:47; Mrk. 11:19. Bad mynsngi mynsngi u ju hikai ha ka templ, hynrei, mynmiet mynmiet u ju mih noh, bad u sah miet ha u lum ïa uba khot “Olib”. 38Te ki paidbah baroh ki ju leit la dang shai byrngut ha u ha ka templ ïa ka ban ïohsngew ïa u.

Currently Selected:

LOUKAS 21: KHB

Highlight

Copy