ÏOANNIS 2

Ka jingkhawai shongkurim ha Kana

1 # Ïoan. 4:46; 21:2. Ha ka balai ka sngi te la don ka jingkhawai shongkurim ha Kana Galilaïa: bad ka kmie U Jisu ka la don hangta. 2La khot ruh ïa U Jisu, bad ïa ki synran jong u de, sha kata ka jingkhawai shongkurim. 3#Ïoan. 19:26; Mrk. 3:31.Te haba la lut ka Waiñ, ka kmie U Jisu ka ong ha u, “Kim don Waiñ shuh.” 4#Mrk. 1:24; 5:7; Ïoan. 7:6,30; 8:20.U Jisu u ong ha ka, “Nga donkam aïu bad pha, ko ka briew? Ka por jong nga kam pat poi.” 5Ka kmie jong u ka ong ha ki shakri, “Ïa kaei kaei ruh kaba un ong ha phi, phin leh keiñ.”

6 # Mrk. 7:3; Ïoan. 3:25. Te la don hangta hynriew ki khra um kiba da ki maw ba la buh khnang ïa ka niam jingpynkhuid jong ki Jiw, kiba ngiam uwei uwei kat ar ne lai mon. 7U Jisu u ong ha ki, “To pyndap ïa kita ki khra da ka um.” Te ki la pyndap shoiñ ïa ki. 8Ynda kumta, u ong ha ki, “To tong mynta, to rah ruh ha u nongsynshar ka jingkhawai.” Te ki la wallam. 9Te ynda uta u nongsynshar ka jingkhawai u la mad ïa kata ka um ba la pynlong Waiñ, bad um tip nangno ka la long (hynrei, kita ki shakri kiba la tong ïa kata ka um ki la tip), uta u nongsynshar ka jingkhawai u la khot ïa u nongleit-kurim, bad u ong ha u, 10“U briew baroh u ju buh ha khmat ïa ka Waiñ ka babha, nyngkong; bad ynda ki la ïadih bha, sa ïa kaba kham sniew; me pat, me la tyngkai ïa ka Waiñ ka babha haduh mynta.” 11#Ïoan. 2:23; 3:2; 4:54; 6:2.Ïa kane ka banyngkong na ki kambah jong u, U Jisu u la leh ha Kana Galilaïa, bad u la pynpaw ïa la ka burom; te ki synran jong u ki la ngeit ha u.

12 # Mat. 4:13; Ïoan. 7:3; Mrk. 3:31. Hadien kane, u la leit hiar sha Kapernam, ma u, bad ka kmie jong u, bad ki para jong u, bad ki synran jong u de; hynrei, hangta kim shym la ïashong bun sngi.

Ka jingpynkhuid ïa ka templ

(Mat. 21:12-13; Mrk. 11:15-17; Luk. 19:45-46)

13 # Eks. 12:1-27; Deu. 16:1-6; Luk. 2:41; Ïoan. 6:4; 11:55. Te Ka Niam Ka Jinglait jong ki Jiw ka la jan, bad U Jisu u la leit kiew sha Jerusalem. 14#Mat. 21:12-13; Mrk. 11:15-17; Luk. 19:45-46.Bad u la shem ha ka templ ïa kiba ïadie ïa ki masi, bad ïa ki langbrot, bad ïa ki paro de, bad ïa ki nongïapeiñ sbai ba ki da shong: 15Te haba u la thaw ïa u jingsympat na ki kynja jingteh, u la beh noh shabar ïa ki baroh na ka templ, bad langbrot bad masi; bad u la theh pashait noh ïa u sbai ki nongïapeiñ, bad u la pynkyllon ïa ki miej jong ki; 16#Luk. 2:49.bad u la ong ha kita kiba ïadie ïa ki paro, “To shim noh ïa kine kiei kiei nangne; wat pynlong ïing khaïi ïa ka ïing U Kpa jong nga.” 17#Salm. 60:9; 69:9.Te ki synran jong u ki la ïakynmaw ba don kaba la thoh: “Ka jingsngew-shitrhem ïa ka ïing jong me ka bam duh ïa nga.”

18 # Mrk. 11:28; Mat. 21:23; Luk. 20:2. Namar kata, ki Jiw ki la ïathuh bad ki la ong ha u, “Ka dak aïu me pyni ha ngi, haba me leh ïa kine kiei kiei ruh?” 19#Mat. 26:61; 27:40; Mrk. 14:58; 15:29; Ki Kam. 6:14.U Jisu u la ïathuh bad u la ong ha ki, “Phin pynjot ïa kane ka templ, te lai sngi ngan pynïeng pat ïa ka.” 20Ynda kumta, kita ki Jiw ki la ïa-ong, “Sawphew hynriew snem shu dang tei ïa kane ka templ, ma me te, lai sngi men pynïeng pat ïa ka?” 21#1 Kor. 6:19; Ïoan. 8:57.U, hynrei, u kren shaphang ka templ ka met jong u. 22#Ïoan. 12:16; 14:26.Namar kata, ynda la pynmih pat ïa u na ki baïap, ki synran jong u ki la ïakynmaw ba u la lah ong ïa kane ha ki; te ki la ngeit ïa Ka Jingthoh, bad ïa kata ka ktien ïa kaba la lah ong U Jisu.

U Jisu u ithuh ïa ki baroh

23Te katba u dang don ha Jerusalem ha kata Ka Jingkhawai Niam Ka Jinglait, shibun ki la ngeit ha ka kyrteng jong u, ynda ki la ïohi ïa ki dak phylla jong u ïa kiba u la leh. 24Hynrei, U Jisu um shym la shaniah ïa lade ha ki, naba u hi u ithuh ïa ki baroh; 25#Ïoan. 1:47; 6:61; 13:11; Mrk. 2:8.bad um da donkam ba uno uno ruh un phla shaphang u briew: naba u hi u la tip kaei kaba la don ha u briew.

Currently Selected:

ÏOANNIS 2: KHB

Highlight

Copy