ÏOANNIS 13

U Jisu u sait ïa ki sla'jat ki synran jong u

1 # Ïoan. 11:55; 12:23; 16:28. Te mynshuwa kata Ka Jingkhawai Niam Ka Jinglait, haba U Jisu u la tip ba kata ka por jong u ka la jia, ba un leit noh na kane ka pyrthei sha U Kpa, haba u la ieit ïa la ki jong kiba don ha ka pyrthei, u la ieit ïa ki haduh ka bakut. 2#Ïoan. 6:71; Mrk. 14:10.Te haba ki dang ïabam jingbam miet, haba u Soitan u la suh buit lypa ha ka dohnud u Judas Iskariot u khun u Simon, ba un die noh ïa U, 3U Jisu, u da tip ba U Kpa u la aiti noh ïa kiei kiei baroh ha ki kti jong U, bad ba U la mih noh na U Blei, bad ba un sa leit noh sha U Blei, 4U ïeng joit na kata ka jingbam miet, bad U la buh noh ïa la ki jaiñkup; bad haba U la shim ïa ka jaiñ ñiad, U la panpoh ïa lade. 5#Luk. 7:44; 22:27.Hadien kata, U la theh um ha ka dabor, bad U la sdang ban sait ïa ki kjat ki jong ki synran, bad ban ñiad ïa ki da kata ka jaiñ ñiad da kaba U la panpoh ïa lade. 6Ynda kumta, U wan ha u Simon Petros; u te u ong ha U, “Ko Trai, me, me sait ïa ki kjat jong nga?” 7U Jisu u la ïathuh bad U la ong ha u, “Ïa kaba nga, nga leh, me, mem shemphang mynta, hynrei, men sa sngewthuh hadien kane.” 8#Deu. 12:12; Ïoan. 3:5; 9:7.U Petros u ong ha U, “Men ym ïoh sait ïa ki kjat jong nga lano lano ruh.” U Jisu u ïathuh ha u, “Lada ngan ym ïoh sait ïa me, mem ïoh bynta satia lem bad nga.” 9U Simon Petros u ong ha U, “Ko Trai, ym tang ïa ki kjat jong nga, hynrei, ïa ki kti bad ïa ka khlieh jong nga de.” 10U Jisu u ïathuh ha u, “Uta ïa uba la pynsum um donkam, hynrei, tang ban sait ïa la ki kjat, te u long khuid baroh phar; kumta, phi ruh, phi long ki bakhuid, hynrei, ym baroh.” 11#Ïoan. 13:2.Naba U la lah tip uei u ban sa die noh ïa U; namar kata, U la ong, “Phim long ki bakhuid baroh.”

12 # Luk. 22:27. Te ynda U la lah sait ïa ki kjat jong ki, bad U la lah shim ïa la ki jaiñkup, bad U la shong shaniah pat, U la kylli ïa ki, “Phi ïatip kaei ba nga la leh ïa phi? 13Phi, phi ïakhot ïa nga ‘ko Nonghikai’ bad ‘ko Trai’, phi ïa-ong kaba dei ruh; namar nga long kumta. 14Namar kata, lada ma nga, uba U Trai bad U Nonghikai, nga la sait ïa ki kjat jong phi, ka dei ïa phi ruh ban ïasait ïa ki kjat paralok hi. 15#1 Pet. 2:21.Namar nga la ai ka rukom ha phi, ba phi ruh phin ïoh leh, kumba nga la leh ma nga ha phi. 16#Mat. 10:24; Luk. 6:40; Ïoan. 15:20.Shisha, shisha nga ong ha phi, u shakri um long uba kham khraw ïa u kynrad jong u, lymne u apostol uba kham khraw ïa uta uba la phah ïa u. 17#Luk. 11:28; Jak. 1:25.Lada phi tip ïa kine kiei kiei ruh, suk ma phi lada phi leh ïa ki. 18#Salm. 41:9.Ngam kren shaphang jong phi baroh: nga, nga ithuh ïa kiba nga la jied, ba yn ïoh pyndep ïa kata Ka Jingthoh, ‘Uta uba bam jingbam lem bad nga u la rah ïa la ka khongdong'jat ban ïaleh ïa nga.’ 19#Ïoan. 14:29; 8:28.Naduh mynta, nga ïathuh ha phi shuwa ba kan jia, ba ynda ka jia, phin ïoh ngeit ba nga, nga long uta. 20#Mat. 10:40; Mrk. 9:37; Luk. 9:48; 10:16.Shisha, shisha nga ong ha phi, uta uba pdiang ïano ïano ruh ïa uba ngan phah, u pdiang ïa nga; uta te uba pdiang ïa nga, u pdiang ïa uta uba la phah ïa nga.”

U Jisu u ïathuhlypa ba yn die noh ïa u

(Mat. 26:20-25; Mrk. 14:17-21; Luk. 22:21-23)

21 # Mat. 26:21-25; Mrk. 14:18-21; Luk. 22:21-23. Ynda U Jisu u la lah kren ïa kine kiei kiei ruh, u la sngewkhuslai ha ka mynsiem; te u la phla bad u la ong, “Shisha, shisha nga ong ha phi, uwei na phi un die noh ïa nga.” 22Ynda kumta, ki synran ki la ïakhmih shaiñ paralok hi, ba ki da ïasngewlyngngoh shaphang jongno ba u ong. 23#Ïoan. 19:26; 20:2; 21:7,20.Te la don uwei na kita ki synran jong u, ïa uba U Jisu u la ieit, u da shaniah ha ka shadem U Jisu. 24Namar kata, u Simon Petros u la kohnguh khlieh ïa uta ban kylli, “uei u lah ban long uta shaphang uba U ong.” 25Te haba u la shaniah lyngngeh ha ka shadem U Jisu, u kylli ïa U, “Ko Trai, u long uei?” 26#Ïoan. 6:71.U Jisu u la ïathuh, “U long uta ha uba nga ngan ai shi dkhot, ynda nga la wieh.” Haba U la lah wieh te ïa kata ka shi dkhot, U la ai ha u Judas Iskariot, u khun u Simon. 27Te hadien kata ka shi dkhot, hangta u Soitan u la bsut ha u. Namar kata, U Jisu u la ong ha u, “Ïa kaba men sa leh, to leh kloi kloi ruh.” 28Hynrei, ym don na kita kiba shong bam uba la tip ïa ka ban lei U la ong ïa kata ha u. 29#Ïoan. 12:6.Namar don kiba la ïamut, namar ba u Judas u la don uta u 'saipan, ba U Jisu u ong ha u, “To thied ïa kiei kiei kiba ngi ïadonkam ïa Ka Jingkhawai Niam”; lane, ba un ai ei ei ha ki baduk. 30#Luk. 22:53.U te haba u la lah shim ïa kata ka shi dkhot u la mih noh kumne kumne ruh: ka la long mynmiet ruh.

Ka hukum ka bathymmai

31 # Ïoan. 17:1. Namar kata, ynda u la leit noh, U Jisu u ong, “Mynta la pyndonburom ïa U Khun u briew, bad la pyndonburom ïa U Blei ha u. 32Lada la pyndonburom ïa U Blei ha u, U Blei ruh un pyndonburom ïa u ha lade, bad un pyndonburom ïa u kumne kumne ruh. 33#1 Ïoan. 2:1; Ïoan. 7:33,34.Ko ki khun hep, shibit ar bit nga dang don lem bad phi; phin ïawad ïa nga: kumba nga la ong ruh ha kita ki Jiw, kumta nga ong mynta ha phi, ‘Sha kaba ngan sa leit ma nga, phi phim lah ban ïawan.’ 34#Ïoan. 15:12,17; 1 Ïoan. 3:23; 2 Ïoan. 1:5; Leb. 19:18; 1 Thes. 4:9; 1 Pet. 1:22; Heb. 13:1; Eph. 5:2; 1 Ïoan. 4:10.Ka hukum bathymmai nga ai ha phi, ba phin ïa-ieit paralok hi; kumba nga la ieit ïa phi, ba phi ruh phin ïa-ieit paralok hi. 35Da kane kin ïoh tip baroh ba phi long ki synran jong nga, lada phi don ka jingïa-ieit paralok hi.”

U Jisu u ïathuhlypa ba u Petros un len noh ïa u

(Mat. 26:31-35; Mrk. 14:27-31; Luk. 22:31-34)

36 # Ïoan. 21:18; 2 Pet. 1:14. U Simon Petros u ong ha U, “Ko Trai, shano men sa leit?” U Jisu u la ïathuh ha u, “Sha kaba ngan sa leit, mem lah bud ïa nga mynta; hynrei, hadien men ïoh bud ïa nga.” 37#Mat. 26:33-35; Mrk. 14:29-31; Luk. 22:33-34.U Petros u ong ha U, “Ko Trai, balei ngam lah bud ïa me mynta? ngan aiti noh ïa la ka jingim na ka bynta jong me.” 38U Jisu u la ïathuh ha u, “Men aiti noh ïa la ka jingim na ka bynta jong nga? Shisha, shisha nga ong ha me, u syiar un ym riew tad ynda men len ïa nga lai sien.

Currently Selected:

ÏOANNIS 13: KHB

Highlight

Copy