GALATIA 5

Ïeng skhem ha ka jinglaitluid jong phi

1Ïa ka jinglaitluid U Khrist u la pyllait ïa ngi: namar kata, to ïeng skhem, bad wat ai ba yn riam ïa phi pat ha ka lyngkor ka jinglongmraw.

2Ha khmih, nga u Paul nga ong ha phi, ba lada yn otsher ïa phi, U Khrist un ym myntoi ei ei ruh em ïa phi. 3Shisha nga phla pat ha u briew baroh ba pdiang ïa ka jingotsher, ba u long u nongkit ram ïa ka ban leh ïa kata ka hukum baroh kawei. 4Phi la khlad noh na U Khrist, phi kiba kwah ban ksan da ka hukum; phi la hap noh na ka jingaiei keiñ. 5Namar ngi, da U Mynsiem, ngi ïai-ap da ka jingngeit ïa kata ka jingkyrmen ïa ka hok. 6#1 Kor. 7:19; Gal. 6:15.Namar ha U Khrist Jisu, ka jingotsher kam lah leh ei ei ruh, lymne ka jingbym-otsher, hynrei, ka jingngeit kaba trei da ka jingieit.

7Phi la ju phet bha; uei ba la pynpep ïa phi ba phin ym kohnguh ïa ka jingshisha? 8Kane ka jingpynkohnguh kam long na uta uba khot ïa phi. 9#1 Kor. 5:6.“Khun khyndiat i thiat i pynsieb keiñ ïa ka shi lynglun baroh kawei.” 10Nga te nga shaniah shaphang jong phi ha U Trai, ba phin ym ïamut ei ei da kumwei: hynrei, uta uba pynkhuslai ïa phi, un kit ïa la ka jingrem, la mano mano ruh. 11Hynrei, nga, ko parabangeit, lada nga dang ïalap ïa ka jingotsher, hato balei ba dang lehbeiñ ïa nga? Haba kumta, la pynduh noh ïa ka jingjynthut jong ka diengphna. 12A nga da kwah ba kita kiba pynkhuslai ïa phi, kin da ot noh ïa lade.

13Namar la khot ïa phi, ko parabangeit, sha ka jinglaitluid; tang ba phin ym pyntrei ïa kata ka jinglaitluid jong phi ïa ka ban ai daw ïa ka doh, hynrei, da ka jingïa-ieit phin ïashakri paralok hi. 14#Leb. 19:18; Rom. 13:8-10.Namar la pyndep ïa ka hukum baroh ha kawei ka ktien, ha kane keiñ: “Men ieit ïa la u paramarjan kumba ïa lade.” 15Hynrei, lada phi ïadait bad phi ïabam duh paralok hi, to sumar phi ïoh ba phin ïabam duh noh khoit paralok hi.

Ki soh U Mynsiem bad ki jingleh ka doh

16Hynrei, nga ong: To ïaid da U Mynsiem, te kumta phin ym pyndep ïa ka jingkwah ka doh. 17#Rom. 7:15-23.Namar kata ka doh ka kwah marpyrshah ïa U Mynsiem, bad uta U Mynsiem marpyrshah ïa kata ka doh, namar kine ki ïamarpyrshah, katba phim ïoh leh ïa kita kiei kiei ïa kiba phi da mon. 18Hynrei, lada la ïalam ïa phi da U Mynsiem, phim long hapoh ka hukum keiñ. 19#Rom. 1:28.Mynta, ki jingleh jong ka doh ki long kiba paw, kiba long, kaba klim, ka jingbymkhuid, kaba leh nuti, 20ka jingmane bleithaw, ka jingaiksuid, ka jingïashun, ka jingïania, ki jingpihuiñ, ki jingbitar, ki jingïapait, ki jingïakhlad, ki jingïapait niam, 21ki jingbishni, ka jingbuaid, ki jingdih kyiad haw haw, bad kiba kum kita; shaphang kiba nga maham lypa ïa phi, kumba nga la maham mynshuwa, ba kita kiba ïai-leh kat kita kiei kiei kin ym ïoh ïa ka hima U Blei. 22Hynrei, u soh jong U Mynsiem u long ka jingieit, ka jingkmen, ka jingsuk, ka jingshahslem, ka jinglehsbun, ka jingbha, ka jingïaineh, ka jingjemnud, ka bor halor lade: 23ban ïaleh pyrshah ïa kiba kum kita, ym don ka hukum. 24Te kita ki jong U Khrist ki la sahnarphna ïa ka doh lem bad ki jingsamkwah bad ki jingkwah jakhlia jong ka.

25Lada ngi im da U Mynsiem, to ai ba ngin ïaid ruh da U Mynsiem. 26Wat ai te ba ngin long kiba sarong thala, da kaba pynskuiñ paralok, da kaba bishni paralok.

Currently Selected:

GALATIA 5: KHB

Highlight

Copy