GALATIA 2

U Paul bad kiwei pat ki apostol

1 # Ki Kam. 11:30; 15:2. Hadien kata, ynda la dap khatsaw snem, nga la leit kiew pat sha Jerusalem ryngkat bad u Barnabas, nga da shim ïa u Titos ruh ryngkat bad nga. 2Te nga la leit kiew da ka jingpynpaw; bad nga la buh ha khmat jong ki, ïa kata ka gospel kaba nga ïalap hapdeng ki Jentil, hynrei, kyrpang ha khmat kita kiba donnam, ïoh ba kumno re kumno nga phet, ne ba nga la lah phet lehnohei. 3Hynrei, wat ïa u Titos uba la don ryngkat bad nga, la u long u Grik, ym shym la pynbor ban otsher ïa u. 4Bad kata ruh, namar kita ki para kiba arsap ïa kiba la wallam sian hapoh, kiba la ïawan sian hapoh ïa ka ban syntiat ïa ka jinglaitluid jong ngi kaba ngi don ha U Khrist Jisu, khnang ba kin ïoh pynlong mraw ïa ngi: 5#Ki Kam. 15:23-29.ha kiba ngim shym ai jaka da kaba kohnguh, em, wat shi por ruh; ba ka jingshisha ka gospel kan ïoh ïaineh bad phi. 6#Deu. 10:17.Hynrei, na kita ïa kiba la ñiew ba ki long ei ei (la ki long kiba kumno kumno ruh, kam pher ïa nga: U Blei um ñiew shiliang ïa ka khmat u briew); kita, nga ong, kiba donnam kim shym ai ei ei ha nga: 7hynrei, da kumwei, haba ki la ïohi ba la aiti ha nga ïa ka gospel ka jingbym-otsher, kumba ha u Petros ïa ka jong ka jingotsher 8(namar uta uba la trei ha u Petros ïa ka ban long u apostol ka jingotsher, u la trei ha nga ruh ban long u apostol sha ki Jentil), 9te haba ki la ïohi ïa kata ka jingaiei ba la ai ha nga, u Jakob bad u Kephas bad u Ïoannis, ïa kiba ki ñiew ba ki long ki rijied, ki la ai ha nga bad ha u Barnabas ïa ki kti kamon ka jingïasyllok, ba ngin leit sha ki Jentil, bad ki sha ka jingotsher. 10Hynrei, tang ba ngin kynmaw ïa ki baduk; ïa kata kajuh hi nga ruh nga la sngew-shitrhem ban leh.

U Paul u sneng ïa u Petros ha Antiok

11 # Ki Kam. 11:19-26. Hynrei, haba u Kephas u la wan sha Antiok, nga la ïaleh ïa u ha khmat, namar u la rem. 12Namar ha bym pat poi kita kiba na u Jakob, u la ju bam lem bad ki Jentil: hynrei, ynda poi ma ki, u la kynran noh bad u la khlad noh ïa lade, ba u da sheptieng ïa kita kiba na ka niam otsher. 13Bad kita kiwei ki Jiw ruh, ki la ïaleh arsap kumjuh lem bad u, kat ban ring noh ïa u Barnabas ruh da kata ka jingleh arsap jong ki. 14Hynrei, haba nga la ïohi ba kim ïaid beit katba kum ka jingshisha ka gospel, nga la ong ha u Kephas ha khmat jong ki baroh, “Lada me, uba long u Jiw, me im kumba im ki Jentil, bad ym kumba im ki Jiw, kumno me pynbor ïa ki Jentil ban im kumba im ki Jiw?”

Ïa ki Jiw bad ki Jentil la pynksan da ka jingngeit

15Ngi kiba long Jiw na la ka kynja, bad ym ki bapop na ki Jentil, 16#Salm. 143:2; Rom. 3:20,22.pynban, haba ngi tip ba yn ym pynksan ïa u briew da ki jingleh ka hukum, hynrei, tang da ka jingngeit ha U Jisu Khrist, wat ma ngi ruh, ngi la ngeit ha U Khrist Jisu, khnang ba yn pynksan ïa ngi da ka jingngeit ha U Khrist bad ym da ki jingleh ka hukum; naba da ki jingleh ka hukum, yn ym pynksan keiñ ïa kawei ka doh ruh. 17Hynrei, haba ngi la ïawad ba yn pynksan ïa ngi ha U Khrist, lada ïa ngi hi la shem ba ngi long ki bapop, hato U Khrist u long u nongkam ïa ka pop? Em, ym kumta! 18Namar lada nga tei pat ïa kita kiei kiei ïa kiba nga la pynjot noh nga pyni ïa lade u nongpalat. 19Namar, nga, da ka hukum, nga la ïap ïa ka hukum ba ngan ïoh im ïa U Blei. 20#Gal. 1:4.La sahnarphna ïa nga lem bad U Khrist: pynban, nga im; hynrei, ym ma nga shuh, hynrei, U Khrist keiñ u im ha nga: bad kata kaba nga im mynta ha ka doh nga im da ka jingngeit keiñ kaba ha U Khun U Blei, uba la ieit ïa nga, bad uba la aiti noh ïa lade na ka bynta jong nga. 21Ngam pynlehnohei ïa ka jingaiei U Blei; namar lada ka hok ka long da ka hukum, te kumta, U Khrist u la ïap lehnohei.

Currently Selected:

GALATIA 2: KHB

Highlight

Copy