GALATIA 1

Ka jingkhublei

1U Paul, u apostol (ym na ki briew, lymne da u briew, hynrei, da U Jisu Khrist, bad U Blei uba U Kpa, uba la pynmih pat ïa u na ki baïap), 2bad ki parabangeit baroh kiba don ryngkat bad nga,

Ha ki balang ka Galatia:

3 # Rom. 1:7. To long ka jingaiei ha phi bad ka jingsuk na U Blei uba U Kpa, bad na U Jisu Khrist uba U Trai jong ngi, 4#Gal. 2:20; 1 Tim. 2:6.uba la aiti noh ïa lade namar ki pop jong ngi, ba un ïoh pyllait noh ïa ngi na kane ka pyrthei basniew kaba mynta, katba kum ka mon U Blei bad U Kpa jong ngi: 5#Rom. 16:27.ha uba to long ka burom sha ki bymjukut ki bymjukut: Amen.

Don tang kawei ka gospel

6Nga sngewlyngngoh ba phi la kynriah noh shen katta katta na uta uba la khot ïa phi ha ka jingaiei U Khrist, sha kawei pat ka gospel, 7ka bymlong kawei pat ka gospel; hynrei, tang ba don kiba pynkhuslai ïa phi, bad kiba kwah ban pynkylla sniew ïa ka gospel U Khrist. 8#2 Kor. 11:4.Hynrei, lada ma ngi, lane u angel na bneng, ngi ïathuhkhana ha phi ïa kano kano ka gospel ka bapher na kaba ngi la ïathuhkhana ha phi, to ai ba un long uba la tim noh. 9Kumba ngi la ong mynshuwa, nga ong kumjuh mynta pat, “Lada uno uno ruh u da ïathuhkhana ha phi ïa kano kano ka gospel ka bapher na kaba phi la pdiang, to ai ba un long uba la tim noh.”

10 # 1 Thes. 2:4. Namar hato mynta nga bhoh ïa ki briew, ne ïa U Blei? lane nga wad ïa ka ban pynsngewbha ïa ki briew? lada nga dang pynsngewbha ïa ki briew, ngam shym long u shakri U Khrist.

Kumno la khot ïa u Paul sha ka kam Apostol

11 # Rom. 1:16-17. Hynrei, nga pyntip ha phi, ko parabangeit, shaphang kata ka gospel kaba la ïathuhkhana ma nga, ba kam long katba kum u briew. 12Namar ngam shym la pdiang ïa ka na u briew, lymne ym shym la hikai ïa nga ha ka, hynrei, ka la wan ha nga da ka jingpynpaw U Jisu Khrist. 13#Ki Kam. 8:3; 22:4,5; 26:9-11.Namar phi la ïohsngew ïa ka jinglong jong nga mynno mynno ha ka niam ki Jiw; kumno ba nga la ju behbeiñ ïa ka balang U Blei shikatdei eh, bad ba nga la ju pynjot ïa ka, 14#Ki Kam. 22:3.bad nga la nang stad nang stad ha ka niam ki Jiw nalor bun ki para baïaryngkat ka rta bad nga hapdeng ki para jaid jong nga, ba nga da long uba shitrhem shikatdei eh shaphang ki rukom pateng la pateng jong ki kpa tymmen jong nga. 15#Isa. 49:1; Jer. 1:5; Ki Kam. 9:1-19; 22:6-10; 26:13-18.Hynrei, haba U Blei u la sngewbha, uba la pynkyntang ïa nga naduh ka kpoh ka kmie jong nga, bad uba la khot ïa nga da ka jingaiei jong u, 16ban pynpaw ïa U Khun jong u ha nga, ba ngan ïoh ïathuhkhana ïa u hapdeng ki Jentil, shisyndon ngam shym ïasylla shuh bad ka doh bad ka snam: 17lymne ngam shym leit kiew sha Jerusalem sha kita kiba la long apostol shuwa ïa nga; hynrei, nga la leit noh sha Arabia, hadien kata, nga la leit phai pat sha Damaskos.

18 # Ki Kam. 9:26-30; 11:30. Nangta ynda la lai snem, nga la leit kiew sha Jerusalem ban khmih ïa u Petros, bad nga la sah bad u, khatsan sngi. 19Hynrei, ïano ïano pat na ki apostol ngam shym ïohi, lait na u Jakob u para U Trai. 20Mynta shaphang kita kiei kiei ïa kiba nga thoh ha phi, ha khmih, ha khmat U Blei, ngam lamler. 21Hadien kata, nga la wan sha ki phang ka Syria bad ka Kilikia. 22Te ym pat shym la ithuh khmat ïa nga da ki balang ka Judia kiba ha U Khrist; 23hynrei, tang ba ki la ïohsngew ba uta uba ju lehbeiñ ïa ngi mynno mynno, mynta pleng u ïalap ïa kata ka jingngeit ïa kaba u ju pynjot shi sien. 24Bad ki la ïa-pyndonburom ïa U Blei ha nga.

Currently Selected:

GALATIA 1: KHB

Highlight

Copy