EPHESOS 1

Ka jingkhublei

1 # Ki Kam. 18:19-21; 19:1. U Paul, u apostol U Khrist Jisu da ka mon U Blei,

Ha ki riewkhuid kiba don ha Ephesos, bad ha ki bangeit ha U Khrist Jisu:

2Long ka jingaiei ha phi bad ka jingsuk na U Blei U Kpa jong ngi bad na U Jisu Khrist uba U Trai.

Ki jingkyrkhu bakynja mynsiem ha U Khrist

3 # 2 Kor. 1:3. Long ba la kyrkhu ïa U Blei bad U Kpa U Jisu Khrist uba U Trai jong ngi, uba la kyrkhu ïa ngi da ki jingkyrkhu bakynja mynsiem baroh ha ki jaka bneng ha U Khrist: 4kat kumba u la jied ïa ngi ha u mynba ym pat pynshong nongrim ïa ka pyrthei, khnang ba ngin long ki bakhuid bad kiba khlem jingduna ha khmat jong u ha ka jingieit: 5haba u la lah thung lypa ïa ngi sha ka jingtingkhun da U Jisu Khrist sha lade hi, katba kum ka jingsngewbha ka mon jong u, 6#Kol. 1:13.ïa ka ban ïaroh ïa ka burom ka jingaiei jong u, kaba u la ai ei ha ngi ha uta U Ba-ieit, 7#Kol. 1:14.ha uba ngi ïoh ka jingsiewspah da ka snam jong u, ka jingmap ïa ki jingpalat jong ngi, katba kum ka jingkynrei ka jingaiei jong u; 8ïa kaba u la pynroi kyrhai sha ngi ha ka jingstad bad ha ka jingshemphang baroh; 9haba u la pyntip ha ngi, ïa ka jingmaïan ka mon jong u, katba kum ka jingsngewbha jong u ïa kaba u la lah thmu ha lade; 10#Gal. 4:4.ba ha ka jingpynïaid ka jingdap biang ki Ïa, yn lum lang ïa kiei kiei baroh ha U Khrist, ïa kiei kiei ruh kiba ha ki bneng, bad ïa kiei kiei ruh kiba ha ka khyndew.

11Ha uta, ha uba la pynlong ïa ngi ruh ka bynta, ba la lah thung lypa ïa ngi katba kum ka jingthmu jong uta uba trei ïa kiei kiei baroh katba kum ka jingpyrkhat ka mon jong u; 12khnang ba ngin ïoh long ka jingïaroh ïa ka burom jong u, ma ngi keiñ kiba la kyrmen ha U Khrist mynshuwa; 13ha u, ma phi ruh, haba phi la ïohsngew ïa ka ktien ka jingshisha, ka gospel ka jingpynim jong phi; ha uba, haba phi la ngeit ruh, la shon shab ïa phi da U Mynsiem Bakhuid ka jingkular, 14#2 Kor. 1:22.uba long ka synjat ka bynta jong ngi haduh ka jingsiewspah ka bynta jong u hi, khnang ïa ka ban ïaroh ïa ka burom jong u.

Ka jingduwai u Paul

15 # Kol. 1:9. Namar kane ka daw, ma nga ruh, haba la ïohsngew shaphang ka jingngeit ha U Jisu uba U Trai kaba don hapdeng jong phi, bad kata ka jingieit kaba phi pyni sha ki riewkhuid baroh, 16#Kol. 1:3.ngam wai shuh ban ainguh na ka bynta jong phi, da kaba kynmaw ïa phi ha ki jingduwai jong nga; 17ba U Blei U Jisu Khrist uba U Trai jong ngi, U Kpa ka burom, un ai ha phi ïa U Mynsiem ka jingstad bad ka jingpynpaw ha ka jingtip shaphang jong u; 18#Deu. 33:3.ba la pynshai ïa ki khmat ka dohnud jong phi, ba phin ïoh tip kaei ka long ka jingkyrmen ka jingkhot jong u, bad kaei ka long ka jingkynrei ka burom jong ka bynta jong u ha ki riewkhuid, 19bad kaei ka jingkhraw tam eh ka bor jong u sha ngi kiba ngeit, katba kum kata ka jingtrei ka bor ka jingkhlaiñ jong u, 20#Salm. 110:1.kaba u la trei ha U Khrist, mynba u la pynmih pat ïa u na ki baïap, bad u la pynshong ïa u sha ka kti kamon jong u ha ki jaka bneng, 21#Kol. 1:6; 2:10,15.kham sha jrong eh keiñ ïa ka jingsynshar, bad kaba don bor, bad ka bor, bad ka jinglong trai baroh, bad halor ka kyrteng baroh ba la kyrteng, ym tang ha kane ka pyrthei, hynrei, ha kata ka ban sa wan ruh: 22#Salm. 8:6; Kol. 1:18.bad u la pyndem ïa kiei kiei baroh hapoh ki kjat jong u; bad u la buh ïa u, ban long U Khlieh halor kiei kiei baroh ïa ka balang, 23#Rom. 12:5; Kol. 2:17.kaba long ka met jong u, ka jingpyndap jong uta uba pyndap ïa kiei kiei baroh ha baroh.

Currently Selected:

EPHESOS 1: KHB

Highlight

Copy