KI KAM 7

U Stephan u ïasaid-da ïa lade

1Ynda kumta, u rangbah lyngdoh u la kylli, “Hato kine kiei kiei ki long kumta shisha?” 2#Jen. 11:31; 12:1; 15:7; Salm. 29:3.Te u la ïathuh,

“Ko para bad ko kpa, ha sngap, U Blei ka burom u la mihpaw ha u kpa jong ngi u Abraham, mynba u don ha Mesopotamia, mynba um pat leit shong ha Haran, 3bad U la ong ha u: ‘To khie leit noh na la ka ri, bad na la ki kur, bad to ale sha ka ri ïa kaba ngan kdew ha me.’ 4#Jen. 11:31; 12:4; 15:7.Ynda kumta, u la mih noh na ka ri Khaldia, bad u la leit shong ha Haran: nangta ruh, ynda la ïap noh u kpa jong u, U Blei u la pynkynriah ïa u sha kane ka ri, ha kaba phi mynta phi shong. 5#Deu. 2:5; Jen. 12:7; 13:15; 15:18; 17:8.Te um shym la ai ha u ka bynta ha ka, em, wat kat shi sien ïuh kjat; toi U la kular ban ai kynti ïa ka ha u, bad ha u symbai jong u hadien jong u, mynba um pat don khun. 6#Jen. 15:13,14.Te U Blei u la kren kumne: ‘U symbai jong u un leit shong ha ka ri nongwei; bad kin ïa-pynlong mraw ïa ki, bad kin ïa-pynshitom ïa ki, sawspah snem. 7#Eks. 3:12.Te ïa kata ka jaid bynriew ha kaba kin shong mraw, ngan bishar ma nga,’ ong U Blei, ‘bad hadien kata kin ïoh wan noh, bad kin shakri ïa nga ha kane ka jaka.’ 8#Jen. 17:10-14; 21:2-4; 25:26; 29:31—35:18; 30:1-24; 35:23-26.Te U la ai ha u, ïa ka jutang ka jingotsher. Kumta, u Abraham u la pynkha ïa u Isaak, bad u la otsher ïa u ha ka baphra sngi; u Isaak ruh u la pynkha ïa u Jakob, u Jakob de ïa ki khat-ar ngut ki kthaw tymmen.

9 # Jen. 37:11,28; 39:2-3,21; 45:4. “Te kita ki kthaw tymmen, ba ki da ïasngewpihuiñ ïa u Joseph, ki la die noh ïa u sha Ijipt; hynrei, U Blei u la don ryngkat bad u, 10#Jen. 41:39-46; Salm. 105:21.bad U la pyllait ïa u na ki jingjynjar jong u baroh, bad U la ai ha u, ka jingpynieit bad ka jingstad ha khmat u Pharaoh u syiem ka Ijipt, bad u la thung nongsynshar ïa u halor ka Ijipt, bad halor ka ïing jong u baroh. 11#Jen. 41:54-57; 42:5.Te la jia ka 'nemsniew ha Ijipt bad ha Kanaan baroh, bad ka jynjar bakhraw; ki kpa jong ngi te kim shym la shem jingbam shuh. 12#Jen. 42:1,2.Hynrei, u Jakob, haba u la ïohsngew ba don Kew ha Ijipt, u la phah shi sien phah ïa ki kpa jong ngi. 13#Jen. 45:1-4,16.Bad ha ka ba-ar sien phah, la pynithuh ïa u Joseph ha ki para jong u, bad ïa ka jaid u Joseph la pyntip ha u Pharaoh. 14#Jen. 45:9,10,17,18; 46:27; Deu. 10:22.U Joseph ruh u la phah khot ha u ïa la u kpa, u Jakob, bad ïa la ki kur baroh, hynñiewphew san ki mynsiem. 15#Jen. 46:1-7; 49:33.Kumta, u Jakob u la leit hiar sha Ijipt. Haba u la ïap noh ma u bad ki kpa jong ngi ruh, 16#Jen. 23:3-16; 33:19; 50:7-13; Jos. 24:32.la leit bah ïa ki te, sha Shekhem, bad la buh ha u maw jingtep, ïa uba u Abraham u la thied da ka dor ka rupa na ki khun u Hammor ha Shekhem.

17 # Eks. 1:7-8. “Hynrei, katba ka Ïa jong kata ka jingkular, ïa kaba U Blei u la kular ha u Abraham, ka la nang jan, kita ki briew ki la roi bad ki la man bun ha Ijipt, 18tad ynda la mih uwei pat u syiem halor ka ri Ijipt, u bym ju ithuh ïa u Joseph. 19#Eks. 1:10-11,15-22.Une, u la leh shukor ïa ka jaid jong ngi, bad u la pynshitom ïa ki kpa jong ngi, ba kin bred noh ïa ki khunlung jong ki, khnang ba kin ym im. 20#Eks. 2:2.Ha kata ka por, la kha ïa u Moses, bad u la long uba bhabriew shikatdei eh. Bad la ri ïa u, lai bnai, ha ka ïing u kpa jong u; 21#Eks. 2:3-10.te mynba la bred noh ïa u, ka khun u Pharaoh ka la shim noh ïa u, bad ka la ri ïa u ba un ïoh long u khun jong ka hi. 22Te la hikai ïa u Moses ha ka jingstad ki Ijipt baroh; bad u la long uba don bor ha ki ktien bad ha ki kam jong u.

23 # Eks. 2:11-15. “Hynrei, mynba u la dap sawphew snem ka rta, ka la jia ha ka dohnud jong u ban leit khmih ïa ki para jong u, ki khun Israel. 24Te haba u la ïohi ïa uwei ba u shah bymdei, u la da ïa u, bad u la pynhiar kput na ka bynta uta uba la shah lehbeiñ, u da shoh ïa uta u nong Ijipt; 25naba u la mut ba ki para jong u, ki la sngewthuh kumno ba U Blei un sa ai ha ki, ïa ka jingïohlait da ka kti jong u, hynrei ki, kim shym la sngewthuh. 26Te ha ka sngi kaba bud, u la paw ha ki haba ki dang ïashoh, bad u la mut ban pynïasuk pat ïa ki, u da ong, ‘Ko rangbah, phi, phi ïalong shipara; balei ba phi ïaleh bymdei paralok hi?’ 27Hynrei, uta uba la leh bymdei ïa la u paramarjan, u la khynñiat noh ïa u, u da ong, ‘Uei ba la pynlong ïa me u nongsynshar bad u nongbishar halor jong ngi? 28Me mut ban pynïap noh ïa nga, kumba me la pynïap ïa uto u nong Ijipt mynhynnin?’ 29#Eks. 2:22; 18:3,4.Te namar kane ka jingong, u Moses u la phet noh; bad u la long u nongwanwir wanhap ha ka ri Midian, ha kaba u la pynkha ar ngut ki khun shynrang.

30 # Eks. 3:1-10. “Te ynda la dap sawphew snem, u angel u la mihpaw ha u ha ka ri khlaw u lum Sinai, ha ka thylliej ding ha ka 'law lynnong. 31U Moses te haba u la ïohi ïa ka, u la sngewphylla ïa kata ka jingïohi; te katba u la nang leit hajan ban khmih, ka ktien U Trai ka la mih, 32‘Nga long U Blei ki kpa jong me, U Blei u Abraham, bad u Isaak, bad u Jakob.’ U Moses te u la khynñiuh, bad um nud ban khmih. 33Te U Trai u la ong ha u, ‘To loit noh ïa ki juti na ki kjat jong me, naba ka jaka ha kaba me ïeng, ka long ka khyndew ka bakhuid. 34Shisha nga la ïohi ïa ka jingshahshitom ki briew jong nga kiba ha Ijipt, bad nga la ïohsngew ïa ka jingud jong ki, bad nga la wan hiar ban pyllait noh ïa ki. Mynta, to ale, ngan phah ïa me sha Ijipt.’

35 # Eks. 2:14. “Ïa une u Moses, ïa uba ki la kyntait noh, ki da ong, ‘Uei ba la pynlong ïa me u nongsynshar bad u nongbishar?’ ïa u keiñ, U Blei u la phah ban long u nongsynshar bad u nongpyllait, da ka kti uta u angel uba la mihpaw ha u ha kata ka 'law lynnong. 36#Eks. 7:3; 14:21; Jkñ. 14:33.Une u briew, u la ïalam noh ïa ki, ynda u la leh ki jingphylla bad ki dak khyllah ha Ijipt, bad ha ka Duriaw Basaw, bad ha ka ri khlaw ruh sawphew snem. 37#Deu. 18:15,18.Une, u long uta u Moses, uba la ong ha ki khun Israel, ‘U Blei un pynmih ïa u nongïathuhlypa ha phi napdeng ki para jong phi, uba kum ma nga.’ 38#Eks. 19:1—20:17; Deu. 5:1-33.Une, u long uta uba la ju don ha kata ka balang ha ka ri khlaw, lem bad uta u angel uba la kren ha u ha u lum Sinai, bad lem bad ki kpa jong ngi; uba la pdiang ïa ki orakl ki ba-im, ïa ka ban aiti pateng ha ngi. 39#Jkñ. 14:3-4.Ïa uba kita ki kpa jong ngi kim shym la ïamon ban kohnguh; hynrei, ki la khynñiat noh ïa u na ki, bad ki la phai dien noh ruh ha ki dohnud jong ki sha ka ri Ijipt, 40#Eks. 32:1,23.ki da ong ha u Aaron, ‘To thaw ki blei ïa ngi, ki ban leit ha shuwa jong ngi; namar ïa u Moses, une uba la ïalam noh ïa ngi na ka ri Ijipt, ngim tip kaei kaba la jia ha u.’ 41#Eks. 32:2-6.Te ki la ïathaw dur khun masi ha kita ki sngi, bad ki la ïawallam ka jingkñia ha uta u bleithaw, bad ki la ïalehkmen de ha ki jingleh ki kti jong ki hi. 42#Jer. 19:13; Amo. 5:25-27.Hynrei, U Blei u la phai dien noh, bad U la iehnoh noh ïa ki ban mane ïa u paid ka bneng, kumba la thoh ha ka kitab jong ki nongïathuhlypa,

“ ‘Shisha phi la ïakñia

ki mrad kñia bad ki jingkñia

ha nga sawphew snem

ha kata ka ri khlaw,

A phi ka ïing Israel?

43Bad phi la ïabah

ïa ita i ïingmane

jong u Molok,

bad ïa u khlur

jong u blei Rephan,

ki dur ïa kiba phi la thaw

ban mane ïa ki.

Te ngan pynwir noh ïa phi

sha lyndet ka Babilon.’

44 # Eks. 25:9,40. “Ki kpa jong ngi ki la don kata Ka Tabernakl ka jingphla, ha ka ri khlaw, kumba la hukum uta uba la kren ha u Moses, ba un thaw ïa ka katba kum kata ka dur ïa kaba u la lah ïohi. 45#Deu. 32:49; Jos. 3:14-17.Ïa kata ruh, ki kpa jong ngi pat de ki la wallam shapoh lem bad u Joshua, mynba ki la leit rung sha kata ka bynta jong kita ki jaid bynriew, ïa kiba U Blei u la beh noh na khmat ki kpa jong ngi, haduh ki sngi jong u Dabid; 46#2 Sam. 7:8-16; 1 Khrn. 17:1-14; Salm. 132:1-5.uba la shem ka jingaiei ha khmat U Blei, bad u la pan ban shem ka jaka shongneh ïa U Blei u Jakob. 47#1 Syiem. 6:1-38; 2 Khrn. 3:1-17.Hynrei, u Solomon u la tei ka ïing ïa U. 48Te uta U Bahakhlieh Tam Eh um ju shong keiñ ha ki ïing ba la thaw da ki kti; kumba ong u nongïathuhlypa,

49 # Isa. 66:1-2. “ ‘Ka bneng ka long ka khet

jong nga,

bad ka khyndew,

ka jingïuh ki kjat jong nga;

ka ïing kaba kumno te

phin tei ïa nga?’

ong U Trai;

‘lane kaba kumno

ka jaka shongthait jong nga?

50Hato ka kti jong nga

kam shym la thaw

ïa kine kiei kiei baroh?’

51 # Eks. 33:3,5; Jkñ. 27:14; Isa. 63:10; Jer. 9:26; 6:10. “Phi kiba eh ryndang, bad kiba khlem otsher ha ka dohnud bad ha ki shkor, khlem da pud phi ïaleh pyrshah ïa U Mynsiem Bakhuid! kumba ki kpa jong phi ki la leh, kumta phi ruh phi leh! 52Ïano na ki nongïathuhlypa ba ki kpa jong phi kim shym la pynshitombeiñ? bad ki la ïa-pynïap noh ïa kita kiba la pyni lypa shaphang ka jingwan jong uta U Bahok, ïa uba phi mynta phi la long ki nongdie bad ki nongpynïap; 53ma phi kiba la pdiang ïa ka hukum kumba la buh ïa ka da ki angel, bad ki bym shym la sumar ïa ka.”

Kaba lynthem maw ïa u Stephan

54Te haba ki la ïohsngew ïa kine kiei kiei ruh, ki la otshla ha ki dohnud, bad ki la kyr-iat bniat ïa u. 55Hynrei, ba u long uba dap da U Mynsiem Bakhuid, haba u la khmied shaiñ sha bneng, u la ïohi ïa ka burom U Blei, bad ïa U Jisu ba U ïeng sha ka kti kamon U Blei, 56bad u la ong, “Ha khmih, nga ïohi ïa ki bneng ba la plie, bad ïa U Khun u briew ba U da ïeng sha ka kti kamon U Blei.” 57Hynrei, ki la ïapyrta da ka ktien bajam, bad ki la set ïa la ki shkor, bad ki la ïaphet kyrthep da kawei ka jingmut ha u, 58bad ki la ïashop noh ïa u shabar kata ka shnong, bad ki la ïalynthem maw ïa u: kita ki nongphla te, ki la buh noh ïa la ki jaiñ ha ki kjat uwei u samla, uba kyrteng “u Saul”. 59Te ki la ïalynthem maw ïa u Stephan, haba u dang duwai, u da ong, “A Trai Jisu, to pdiang noh ïa ka mynsiem jong nga!” 60Te u la dem la ki khohsiew, bad u la pyrta da ka ktien bajam, “A Trai, wat thew ha ki ïa kane ka pop.” Te ynda u la lah ong ïa kane, u la ïohthiah noh.

Currently Selected:

KI KAM 7: KHB

Highlight

Copy