1 TIMOTHI 1

Ka jingkhublei

1U Paul, u apostol U Khrist Jisu katba kum ka hukum U Blei U Nongpynim jong ngi, bad U Khrist Jisu ka jingkyrmen jong ngi:

2 # Ki Kam. 16:1. Ha u Timothi, u khun uba shisha jong nga ha ka jingngeit:

Ka jingaiei, ka jingisynei, bad ka jingsuk, na U Blei U Kpa jong ngi bad U Khrist Jisu uba U Trai jong ngi.

Ka jingmaham pyrshah ïa ki jinghikai bakla

3Kumba nga la kyrpad ïa me ban ïaisah ha Ephesos, mynba nga dang leit sha Makedonia, ba men ïoh hukum ïa kita ki briew ban ym hikai ïa ki jinghikai bapher, 4lymne pynshahshkor ïa ki puriskam kai bad ïa ki jinghiar pateng bakhlem kut, kiba kham pynlong jingïasaid, ban ïa ka jingshakri ïa U Blei kaba long ha ka jingngeit: to leh kumta. 5Hynrei, ka jingthmu ka jong kata ka hukum ka long ka jingieit na ka dohnud bakhuid bad ka jingïatiplem babha bad ka jingngeit bakhlem arsap: 6na kita kiei kiei, don kiba haba ki la bakla, ki la kylla noh sha ka jingkren thala; 7ki da kwah ban long ki nonghikai ka hukum, haba kim sngewthuh pynban ïa kaba ki ong, lymne ïa kaba ki kren skhem.

8Hynrei, ngi tip keiñ ba ka hukum ka long ka babha, lada u briew u pyndonkam hok ïa ka; 9haba da tip ïa kane, ba ïa ka hukum ym shym buh ïa u bahok, hynrei, ïa kiba beiñ hukum bad ki bymkohnguh, ïa ki bymriewblei bad ki bapop, ïa ki bymkhuid bad ïa kiba leh sang, ïa ki nongshoh kpa bad ïa ki nongshoh kmie, ïa ki nongpynïap briew, 10ïa kiba ïakai kynthei, ïa kiba ïaleh sang para shynrang, ïa ki nongtuh briew, ïa ki nonglamler, ïa ki nongsmai lamler, bad lada don kaei kaei kawei pat kaba ïaleh pyrshah ïa kata ka jinghikai bajanai; 11katba kum ka gospel jong ka burom U Blei ba la kyrkhu, ïa kaba la aiti ha nga.

Ka jingsngewnguh na ka bynta ka jingleh isynei U Blei

12Te nga sngewnguh ïa uta uba la ai bor ïa nga, U Khrist Jisu uba U Trai jong ngi, naba u la ñiew ïa nga uba dei ban shaniah, haba u la thung ïa nga ha ka kam jong u; 13#Ki Kam. 8:3; 9:4,5.la nga la long mynshuwa uba krenbeiñ, bad uba behbeiñ, bad uba pynsniew: hynrei, la leh isynei ïa nga, naba nga la leh da ka jingbymtip ha ka jingbymngeit keiñ, 14bad ka jingaiei ka jong U Trai jong ngi ka la roi kyrhai eh lem bad ka jingngeit bad ka jingieit kaba ha U Khrist Jisu. 15Kane ka ktien kaba shisha, bad kaba bit ïa ka ban pdiang baroh phar, ba U Khrist Jisu u la wan sha ka pyrthei ïa ka ban pynim ïa ki bapop; na kiba nga long uba kongsan. 16La kumta ruh, na ka bynta kane nga la ïoh ka jingisynei, ba ha nga uba kongsan, U Jisu Khrist un ïoh pyni shynna ïa ka jingshahslem jong u baroh, ïa ka ban long ka rukom ïa kita ki ban sa ngeit hadien ha u sha ka jingim bymjukut. 17Te ha U Syiem Bymjukut, u bym ju ïap, u bym lah ïohi, uba U Blei tang ma u hi, to long ka burom bad ka jingpyndonburom ha la ka rta. Amen.

18Ïa kane ka hukum nga aiti ha me, ko Timothi u khun jong nga, katba kum kita ki jingïathuhlypa kiba la long mynshuwa shaphang jong me, ba da ki, men ïoh ïaleh thma ïa kata ka jingïaleh thma babha; 19da kaba bat ïa ka jingngeit bad ïa ka jingïatiplem babha; ïa kaba don kiba haba ki la bred noh ïa ka, ki la paitlieng shaphang kata ka jingngeit: 20na kita, long u Hemenaïos bad u Aleksander, ïa kiba nga la aiti noh ha u Soitan, ba yn hikai ïa ki ban ym krenbeiñ shuh.

Currently Selected:

1 TIMOTHI 1: KHB

Highlight

Copy