1 THESSALONI 3

1 # Php. 2:19; Ki Kam. 17:15. Naba kumta, haba ngim lah shah shuh, ngi la sngewdei ban sah tang ma ngi ha Athen; 2#2 Kor. 1:1; Kol. 1:1.bad ngi la phah ïa u Timothi, u parabangeit jong ngi bad u nongïalap U Blei ha ka gospel U Khrist, ïa ka ban pynskhem ïa phi, bad ban pyntngen ïa phi shaphang ka jingngeit jong phi; 3#Ki Kam. 14:22.ba yn ym pynkhih ïano ïano ruh da kine ki jingjynjar; namar ma phi hi, phi tip ba la thung ïa ngi ïa kane. 4#1 Thes. 2:14.Namar shisha mynba ngi don bad phi, ngi la ïathuhlypa ha phi ba ngi long ki ban shah jynjar keiñ; kumta, ka la long ruh, kumba phi tip. 5#Mat. 4:3; Php. 2:16.Nga ruh na ka bynta kane, haba ngam lah shah shuh, nga la phah ïa ka ban tip ïa ka jingngeit jong phi, ïoh ba kumno kumno uta u nongpynshoi u la pynshoi ïa phi, bad kata ka jingtrei minot jong ngi kan long lehnohei. 6#Ki Kam. 18:5.Hynrei, mynta, ynda wan u Timothi sha ngi na phi, bad haba u la wallam ha ngi ïa ka khubor babha shaphang kata ka jingngeit bad ka jingieit jong phi, bad ba phi don ka jingkynmaw babha ïa ngi borabor da kaba kwah eh ban ïohi ïa ngi, kumba ma ngi ruh ïa phi; 7na kane, ko parabangeit, da ka jingngeit jong phi la pyntngen ïa ngi shaphang jong phi ha baroh ka jingjynjar bad ka jingshahshitom jong ngi: 8naba mynta ngi im, lada phi ïeng skhem ha U Trai. 9Namar ka jingainguh aïu ngi lah ban ai pat ha U Blei na ka bynta jong phi, namar kata ka jingkmen baroh da kaba ngi kmen na ka bynta jong phi ha khmat U Blei jong ngi; 10da kaba duwai shikatdei eh mynmiet bad mynsngi keiñ, ba ngin ïohi ïa ka khmat jong phi, bad ban pynjanai ïa kata kaba duna ha ka jingngeit jong phi?

11Te U Blei hi U Kpa jong ngi, bad U Jisu Khrist uba U Trai jong ngi, to un ïalam ïa ka lynti jong ngi sha phi. 12Bad to U Trai un pynman bad pynroi kyrhai ïa phi ha ka jingieit paralok, bad ka jingieit ïa ki briew baroh, kumba ngi ruh ngi ieit ïa phi; 13#1 Kor. 1:8; 1 Thes. 2:19; 4:17.khnang ïa ka ban pynskhem ïa ki dohnud jong phi kiba khlem jingrem ha ka jingpynkhuid ha khmat U Blei uba U Kpa jong ngi, ha kata ka jingwan U Jisu Khrist uba U Trai jong ngi lem bad ki riewkhuid jong u baroh.

Currently Selected:

1 THESSALONI 3: KHB

Highlight

Copy