1 THESSALONI 2

Ka jingtrei u Paul ha Thessaloni

1Namar ma phi hi, phi ïatip, ko parabangeit, shaphang kata ka jingwan jong ngi ha phi, ba kam shym la long lehnohei: 2#Ki Kam. 16:19-24; 17:1-9; Rom. 1:1.hynrei, haba ngi la lah shah shitom mynshuwa, bad haba la lah lehbeiñ ïa ngi, kumba phi ïatip, ha Philipi, ngi la nang kham shlur ha U Blei jong ngi ban ïalap ha phi ïa ka gospel U Blei da ka jingïaleh bakhraw. 3Namar ka jingsneng kyntu jong ngi, kam mih na ka jingbakla, lymne na ka jingbymkhuid, lymne ha ka jingshukor: 4hynrei, kumba U Blei u la ibit ban aiti ha ngi ïa kata ka gospel, kumta, ngi ïalap keiñ; ym kum kiba pynsngewbha ïa ki briew, hynrei, ïa U Blei uba tynjuh ïit ïa ki dohnud jong ngi. 5#Ki Kam. 20:33.Namar ngim ju kren mynno mynno ruh da ki ktien ïaroh arsap, kumba phi ïatip, lymne da kaba tyllep ïa kaba kwah lalot; U Blei u long u sakhi; 6#1 Kor. 9:1.lymne da kaba wad burom na ki briew, lymne na phi, lymne na kiwei, la ngi lah ban dawa burom kum ki apostol U Khrist. 7#1 Thes. 2:11; Gal. 4:19.Hynrei, ngi la long kiba lui lui hapdeng jong phi, kumba ka kmie ka sumar ïa ki khun jong ka hi: 8#2 Kor. 12:15; 1 Ïoan. 3:16.kumta, da kaba sngewieit eh hir hir ïa phi, ngi la sngewbha eh ban ai ha phi, ym tang ïa ka gospel U Blei, hynrei, ïa ki mynsiem jong ngi hi ruh, naba phi long kiba ngi ieit eh.

9Namar phi ïakynmaw, ko parabangeit, ïa kata ka jingtrei minot bad ka jingshitom jong ngi: ba da kaba trei jingtrei mynmiet bad mynsngi, khnang ba ngin ym ban khia ïano ïano ruh na phi, ngi la ïalap ha phi ïa ka gospel U Blei. 10Ma phi, phi long ki sakhi, bad U Blei de, kumno ba ngi la ïaid da ka bakhuid bad bahok bad ba khlem jingrem sha phi kiba ngeit: 11#1 Kor. 4:14.kumba phi ïatip kumno ngi la leh ïa uwei pa uwei na phi, kum u kpa ïa ki khun jong u hi, ngi kyntu ïa phi, ngi pynshlur ïa phi, bad ngi kyrpad ïa phi; 12#1 Pet. 5:10.khnang ba phin ïaid kumba dei biang ïa U Blei, uba khot ïa phi sha ka hima bad ka burom jong u hi.

13 # 1 Thes. 1:2. Namar kane ruh, ngi nguh ha U Blei khlem da pud, ba haba phi la pdiang na ngi ïa ka ktien U Blei ïa kaba la pynsngew, phi la pdiang ym kum ka ktien ki briew, hynrei, kumba ka long shisha keiñ, ka ktien U Blei, kaba trei ruh ha phi kiba ngeit. 14#1 Thes. 1:6; 1 Kor. 7:17; Gal. 1:22; Ki Kam. 17:5; 2 Thes. 1:4.Namar ma phi, ko para, phi la jia long ki nongïabud ïa ki balang U Blei ha Judia kiba long ha U Khrist Jisu; naba ma phi ruh, phi la shah ïa kita kijuh kiei kiei ruh na kita ki para shnong jong phi hi, kumba ma ki ruh, na kita ki Jiw; 15#Luk. 24:20; Ki Kam. 2:23; 7:52.kiba la pynïap noh ïa U Jisu uba U Trai bad ïa ki nongïathuhlypa, bad kiba la beh noh ïa ngi; bad kim pynsngewbha ïa U Blei, bad ki ïaleh pyrshah ïa ki briew baroh; 16#Ki Kam. 9:23; 13:45,50; 14:2,5,19; 17:5,13; 18:12; 21:21,27; 25:2,7; 1 Kor. 10:33; Jen. 15:16; 1 Thes. 1:10.ki da khang ïa ngi ban ïalap ha ki Jentil ba yn ïoh pynim ïa ki; ïa ka ban pyndap noh ïa ki pop jong ki ha la ka sngi; hynrei, kata ka jingbitar ka la wan ha ki haduh ka bakut.

Ka jingkwah bajur u Paul ban wan-i ïa ki

17 # 1 Kor. 5:3. Te ma ngi, ko parabangeit, haba la pynkynjah noh ïa ngi na phi katto katne, tang ha ka met, ym ha ka dohnud keiñ, ngi la kham pyrshang eh da ka jingkwah bajur ban ïohi ïa ka khmat jong phi. 18Namar ngi la kwah ban wan ha phi, shisha ma nga u Paul shi wat ar wat; hynrei, u Soitan u la pynpep noh ïa ngi. 19#Php. 4:1; 1 Thes. 3:13; 4:15; 5:23; Mat. 16:27; Mrk. 8:38.Namar kaei long ka jingkyrmen jong ngi, lane ka jingkmen, lane ka pansngiat ka jingleh burom? Ym long ma phi ha khmat U Jisu Khrist uba U Trai jong ngi ha kata ka jingwan jong u? 20#2 Kor. 1:14.Namar phi long ka burom jong ngi bad ka jingkmen jong ngi.

Currently Selected:

1 THESSALONI 2: KHB

Highlight

Copy