1 THESSALONI 1

Ka jingkhublei

1 # 2 Thes. 1:1; 2 Kor. 1:19; Ki Kam. 16:1; 17:1; Rom. 1:7. U Paul, bad u Silbanos, bad u Timothi,

Sha ka balang ki Thessaloni kaba ha U Blei uba U Kpa bad ha U Jisu Khrist uba U Trai:

Ka Jingaiei ha phi bad ka jingsuk.

Ka rukom im bad ka jingngeit ki nong Thessaloni

2 # 2 Thes. 1:3; 2:13; Rom. 1:9. Ngi ïa-ainguh ha U Blei ha la ka sngi na ka bynta jong phi baroh, da kaba pynlong ïa ka jingkynmaw ïa phi ha ki jingduwai jong ngi; 3#2 Thes. 1:11; 1:3; Rom. 8:25; 15:4; Gal. 1:4.da kaba kynmaw khlem da pud ïa ka jingleh ka jingngeit jong phi, bad ïa ka jingtrei minot ka jingieit, bad ïa ka jingïaishah ka jingkyrmen ha U Jisu Khrist uba U Trai jong ngi, ha khmat U Blei jong ngi bad U Kpa; 4#2 Thes. 2:13; Rom. 1:7; 2 Pet. 1:10.haba ngi ïatip, ko parabangeit ba la ieit da U Blei, ïa ka jingjied ïa phi. 5#2 Thes. 2:14; Rom. 15:19.Namar ka gospel jong ngi kam shym la wan ha phi shu tang ha ka ktien hi, hynrei, ha ka bor ruh, bad ha U Mynsiem Bakhuid, bad ha ka jingskhem shibun keiñ; kumba phi ïatip kiba kumno ngi la pyni ïa lade sha phi na ka bynta jong phi. 6#Kol. 2:2; 1 Thes. 2:10; 1 Kor. 4:16; 11:1; Ki Kam. 17:5-10; 13:52.Te phi la jia long ki nongïapyrthuh bud ïa ngi, bad ïa U Trai, haba phi la pdiang ïa kata ka ktien hapdeng shibun ka jingjynjar, da ka jingkmen U Mynsiem Bakhuid: 7#Rom. 15:26; Ki Kam. 18:12.ba kumta, phi la jia long ka rukom ïa kita kiba ngeit baroh ha Makedonia bad Akhaïa. 8#2 Thes. 3:1; Rom. 1:8.Namar na phi, la sawa noh ka ktien ka jong U Trai, ym tang ha Makedonia bad ha Akhaïa, hynrei, ha ka jaka baroh, ka jingngeit jong phi kaba sha U Blei ka la phriang kylleng; ba ym donkam shuh ïa ngi ban kren ei ei. 9Namar ma ki hi, ki ïa-pynbna shaphang jong ngi kaba kumno ka jingpdiang jong phi ïa ngi, bad kumno phi la phai sha U Blei na ki bleithaw, ban shakri ïa U Blei ba-im bad bashisha, 10#Mat. 3:7.bad ban khmih lynti ïa U Khun jong u na bneng, ïa uba u la pynmih pat na ki baïap, U Jisu keiñ, uba pyllait ïa ngi na kata ka jingbitar ka ban sa wan.

Currently Selected:

1 THESSALONI 1: KHB

Highlight

Copy