Sak. 10
10
Wele Omunyali Owa Bioosi asuubisia khureera Bulekhuule
1“Saba Wele Omunyali Owa Bioosi efula
mu siise sie siruumbi khu mwiiko.
Wele Omunyali Owa Bioosi niye oreeranga kamafuumbi,
oelesianga babaandu efula,
ne khuelesia buli mundu bibiaamo bikali.
2 #
Mat. 9.36; Mk. 6.34 Babaandu bacha khu bang'oosi be bubeeyi,
ne khurumikhira bifwaani.
Ne kakhali buyeeti nibwo,
banyoola buli bwe bubeeyi.
Balala benoosia kamarooro ne kakhali bamutiimia busa
mala baana buolelesi butaamba bukhala
Khwako babaandu bayiiya nga kamakheese katibile.”
3Wele Omunyali Owa Bioosi aboola ali, “Lirima liase lili likali khu baayi,
mala ndaukuuma babemeelesi,
sikila ese Omwami Owe Banamae ndindanga babaandu base be nju eya Yuda
ne ndabakhola babe nga chifarasi che kamaani mwiie.
4Khukhwama mu kholo eya Yuda khukhabe nende:
baruki be kamaani nga libaale lie kumusiingi,
balume nga sisiindi sie liiema,
buyiingo bwe liie
ne bakomanda buli ngano.
5Babaandu ba Yuda baliba ne bukhili nga banamae baula basiku babwe mwiie
balipana sikila Wele Omunyali Owa Bioosi ali nabo,
mala baliiula akhaba basiku be khu farasi.
6“Khaelesie babaandu ba Yuda kamaani,
khasikule babaandu ba Isiraeli.
Khabakholele siisa mala mbakobosie boosi engo.
Ndiba ne siisa khu nibo ndibakobosia engo lundi.
Ne baliba nga nibo yaba ese khekaana tawe.
Ese ndi Wele Omunyali Owa Bioosi, Wele wabwe, khaulile kamasaba kabwe.
7Baisiraeli baliba ne kamaani nga banamae,
bakhasangaale oli banywele endali.
Lisaaye liabwe likhakhebulile bukhili buno
mala balisangaala sikila niko Wele Omunyali Owa Bioosi akholile.
8“Khalaange babaandu base mala mbare alala,
khabasikule
mala batasikhe babe bakali nga baba khale.
9Akhaba ne mbasalanisie mu kholo,
balikhebulila ese, bakhaba aleeyi arie,
nibo ne babaana babwe baliiona mala bakobole engo.
10Khabareere engo khukhwama mu sibala sia Misiri
mala mbabuusie khukhwama mu sibala sia Ashuru
Khabareere mu maloba ka Kileati ne mu Lebanoni
khukhwola nga balichulamo.
11Ne babira mu nyanja yabwe eye butinyu,
ese Wele Omunyali Owa Bioosi ndirusiao bibuli
ne lusiba lwe luluuchi lwa Naili luliteenya.
Babaandu ba Ashuru babelola baliambwa chisoni
ne kamaani ke Bamisiri kaliwa.”
12Wele Omunyali Owa Bioosi alomile ali, “Ndikhola babaandu base babe ne kamaani,
mala bakhasaaye ese ne khu khumbulila.”
Currently Selected:
Sak. 10: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
