Mal. 3
3
1 #
Mat. 11.10; Mk. 1.2; Lk. 1.76; 7.27 Wele Omunyali Owa Bioosi akobosia ali, “Ndiruma omurume wase khukhundekekhela engila. Ne Wele Omunyali Owa Bioosi niye muyimanga oyo aliicha bwangu mu Lukaangu lwewe. Ne omurume niye muliindilila khubona oyo aliicha ababoolele endakaano yase.”
2 #
Yoe. 2.11; Lif. 6.17 Ne naanu olinyala khukhwikhaliilikha endaalo eye khukhwicha khwewe? Naanu oling'arira omurume oyo ne alibonekha? Aliba nga kumulilo kwe kumukuba lundi nga esabuni eye kamaani. 3Aliicha khukhalakila babaandu nga oyo ora efwesa mu mulilo kwe kumukuba nio akikwalaasie. Omurume wa Wele Omunyali Owa Bioosi alikwalaasia basaayi nga omubasi ne akwalaasia efwesa ne esahabu mu mulilo nio basaayi abo bareerere Wele Omunyali Owa Bioosi biianwa bia ng'ali. 4Nio biianwa nibio babaandu ba Yuda ne Yerusalemu bareerera Wele Omunyali Owa Bioosi bilimusiimisia nga biamusiimisianga khale.
5Wele Omunyali Owa Bioosi aboola ali, “Ndimubonekhela khulwe khukhola bukhalaki mala ndusie buloli khukhwikiicha balakusi, baeeyi, bakiikha, babea ne khukhwiba kimiruungo kie bakholi babwe ne nabo babapia siibi banamulekhwa, bafuubi, ne babaandu be chikholo chichiindi ba baabamenyamo. Ndirusia buloli khwaabo boosi bakhandia tawe.
Kumuruungo kwe sitonyi silala khwi khumi
6“Ese ndi Wele Omunyali Owa Bioosi, ne se ngalukhananga tawe. Khwako enywe be lisaaye lia Yakobo, musiili khutibila elala tawe. 7Enywe mwabeele nga bakuuka benywe khulwe khukhwaukha khukhwama khu malaka kase ne khulekha khukaloonda. Ngobolele mala sesi ndamukobolela. Ne kakhali mureeba muli, ‘Khukhola khuriena nio khukhukobolele?’ 8Mureeba ndi, omundu anyala anuula bia Wele? Ne kakhali enywe mulanuulanga. Ne kakhali mureeba muli khulakhunuulanga khuriena? Mulanuulanga khulwe khulekha khuruunga sitonyi silala khwi khumi lundi ne mu biianwa bienywe. 9Enywe ekholo eya Isiraeli yoosi muli ne silaamo sikila mulanuulanga bibiase. 10#Bal. 27.30; Khub. 18.21-24; Likh. 12.6; 14.22-29; Neh. 13.12 Reera sitonyi silala khwi khumi mu bwichufu mu nju mwase nio siakhulia sibemo. Wele Omunyali Owa Bioosi aloma ali, ‘Khake mala mulabona nga se ndamwikulila kamatirisia ke mwikulu ne khu muchukhila chikhabi chingali po. 11Se ndalekha chikhungu chonake bibiaalwa bienywe tawe. Kimisabibu kienywe kiliaama kamatuunda kamakali. 12Nio babaandu be chikholo choosi balimulaanga enywe bali be khabi, sikila sibala sienywe sikhabe sie busangaafu.’ ”
Wele asuubisia ali akhabe ne siisa khu baandu bewe
13Wele Omunyali Owa Bioosi aboola ali, “Mwalomile chilomo chimbi khwise. Ne mureeba muli, ‘Khwakhulomile khuli siina?’ 14Enywe mwalomile muli, ‘Bukhala se buliio mu khukholela Wele kimilimo tawe.’ Lundi mureeba muli, ‘Bulayi siina buliio mu khukhola niko Wele Omunyali Owa Bioosi aboola namwe khumwekesia niye khuli niko khukholile kali kamabi. 15Nga ne khubona, babaandu be sileka nibo baali ne ekhabi. Abo bakhola kamabi banyoola buiinda. Lundi bakhakhaka khulwe khukhola kamabi se baukuumwa tawe.’ ”
16Nio babaandu ba baria Wele Omunyali Owa Bioosi baboolanila. Mala Wele Omunyali Owa Bioosi abarekeeresia, aulila embakha yabwe. Ebweeni wa Wele Omunyali Owa Bioosi sitabu siaandikwa khu baandu abo. 17Wele Omunyali Owa Bioosi aboola ali, “Babaandu abo baliba ba base. Baliba kumukabwa kwase kukhasala tawe khu ndaalo niyo ndikholelamo sikholwa. Ndibakholela siisa nga paapa nakholela siisa omwana wewe omusoleeli omukholelanga kimilimo. 18Nio lundi babaandu base baliaukhasia kakekholekha khu baluungi khukhwama khwako kakekholekha khu bamayaanu. Lundi baliaukhasia kakekholekha khu mundu oukholela kimilimo ne noyo okhakholelanga tawe.”
Currently Selected:
Mal. 3: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
