LUKA 9

Yesu aruma abeechi ekhumi nababili

(Mat. 10:5-15; Mrk. 6:7-13)

1Yesu yalanga abeechi ekhumi nababili abo halala, ne nabahelesia obunyali nende amaani okhulonda ebishieno nende okhuhonia obulwale. 2Nabaruma okhuyaala aka Obwami bwa Nyasaye nende okhuhonia abalwale. 3Ne nababoolela ari, “Mulabukulekhwo eshindu shiosi shiosi khuluchendo lwenywe ta, kata indabushi, kata iloloti eyomusumi, kata eshiokhulia, kata amapesa, kata tsingubo tsindi tawe. 4Mana munzu yosi yosi eya mwinjisibwamwo, mumenyemwo okhuula olwa murula mwitookho elo. 5#Ebikh. 13:51#Luka 10:4-11Ne habundu hosi hosi aha balamwinjisia ta, olwa murula mwitookho elo, mubungulule olufu olwokhubilenje bienywe shinga obusiomi khubo.”

6Abeechi nibarula nibabira mutsisoma, nibayaala Injiili nende okhuhonia abandu buli habundu.

Herode anyakhana mumwoyokwe

(Mat. 14:1-12; Mrk. 6:14-29)

7 # Mat. 16:14; Mrk. 8:28; Luka 9:19 Olwa Herode omuruchi wa Galilaya yahulila amakhuwa koosi akali nikekholekhanga, yanyakhana mumwoyokwe, shichila abandu bandi bali nibaboolanga mbu Yohana omubatiisi alamuushe. 8Ne abandi baboolanga mbu, Eliya aloleeshe, nabo abandi mbu, nimulala khubalakusi bakhale alamuushe. 9Herode naboola ari, “Ndalaka mbu Yohana asinzwe, ne niwiina uno khandi owembulilanga amakhuwa ako khuye?” Mana nateema, nakhabilisia mbu alole Yesu.

Yesu aliisia abandu ebikhumila biraano

(Mat. 14:13-21; Mrk. 6:30-44; Yoh. 6:1-14)

10Abarume bakalukha nibaboolela Yesu koosi aka bali nibakholile. Mana Yesu nababukula natsia ninabo bonyene Betsisaida. 11Nebutswa olwa emikanda chiabandu chiamanya, chiamulondakhwo. Yesu yabenjisia, nababoolela aka Obwami bwa Nyasaye, nahonia abali nobuha bwokhuhonibwa.

12Olwa eliuba liachaaka okhuyeela, abeechibe ekhumi nababili abo betsa nibamuboolela bari, “Seebula abandu batsie mumataala nende mutsisoma tsirondokhane, banyooleyo eshiokhulia nende ahokhwiyalisia, okhubela khuli mushitsiimi.”

13Nebutswa Yesu yababoolela ari, “Inywe abeene mubahelesie ebiokhulia”.

Nabo nibamukalusia bari, “Eshiakhuli butswa ninashio, nemikaate chirano nende tsinyeni tsibili. Wenya khutsie khukulile abandu bano boosi eshiokhulia?” 14Baliho ahambi abasaatsa ebikhumila biraano (5,000).

Yesu naboolela abeechibe ari, “Yikhasie abandu mumikanda chiabandu amakhumi karano karano.”

15Ne abeechi nibamalile okhukhola bario, 16Yesu yabukula emikaate chirano echio nende tsinyeni tsibili etsio, nahenga mwikulu, nakhupila Nyasaye orio, nachisonyola, nachihelesia abeechibe okhukabila abandu. 17Mana boosi nibalia ne nibekura. Kho abeechi nibatobelesia ebitonye biatong'a, nibiitsula ebimwelo ekhumi nabibili.

Petero arumbula Yesu okhuba Kristo

(Mat. 16:13-19; Mrk. 8:27-29)

18Inyanga yindi Yesu yali nasaayanga yenyene, ne abeechibe nibetsa khuye. Ne nabareeba ari, “Abandu baboolanga mbu nisie wina?” 19#Mat. 14:1,2; Mrk. 6:14,15; Luka 9:7,8Nibakalusia nibaboola bari, “Abandi baboolanga mbu, niwe Yohana Omubatiisi. Abandi baboolanga mbu, niwe Eliya, nabo abandi baboolanga mbu, oli mulala khubalakusi abali bakhale.” 20#Yoh. 6:68,69Naye Yesu nabareeba ari, “Nenyu muboolanga mbu nisie wina?” Kho Petero nakalusia naboola ari, “Niwe Kristo wa Nyasaye.”

Yesu aboola khukokhunyakhana, okhufwa, nokhulamukhakhwe okhurula mubafu

(Mat. 16:20-28; Mrk. 8:30–9:1)

21Mana Yesu nabakaania mbu, balaboolelakhwo omundu yesi amakhuwa ako tawe. 22Khandi nababoolela ari, “Omwana womundu okhuula anyakhane muno, alobwe nabesaaliisi abakhulundu nende abechesia bamalako, yerwe, ne olunyuma lwetsinyanga tsitaru alamusibwe.”

23 # Mat. 10:38; Luka 14:27 Mana naboolela abandu boosi ari, “Omundu yesi yesi niyenya okhuba omulondi wanje, okhuula yekaane omwene, mana yetuushe omusalabakwe bulinyanga niyanondakhwo. 24#Mat. 10:39; Luka 17:33; Yoh. 12:25Okhuba owenya okhuhonia obulamubwe alabukosia, ne oubukosia khulwanje, alabuhonia. 25Okhuba kamukasila shiina omundu niyakhenyoolela eshialo shiosi, ne nakosia obulamu bubwe bwosi? 26Omundu naba nafimbwa omurwe khulwa isie nende amechesio kanje, kho Omwana womundu naye yesi alamufimbilwa omurwe, olwa yetsa muluyalilwe nende olwa Samwana nende olwa abamalaika abatakatifu. 27Emuboolela toto mbu, baliho abandi hano shibalifwa ta, okhuula olwa balinyalilwa okhulola Obwami bwa Nyasaye.”

Okhukalulwa khwelikoondo lia Yesu

(Mat. 17:1-8; Mrk. 9:2-8)

28Mana olunyuma lwetsinyanga munane naboolilenje amakhuwa ako, Yesu yabukula Petero, Yohana nende Yakobo natsia ninabo mushikulu okhusaaya. 29Ne olwa yali nasaayanga, mumonimwe mwakalukhana obukondo, tsingubotsie nitsikwa tsindafu tswe. 30Ne lola, abasaatsa babili bali nibaboolanga ninaye. Bali Musa nende Eliya, 31abalolekha muluyali nibaboolanga nende Yesu khukokhufwakhwe, okhwa yali nali hambi okhuhesia nali Yerusalemu. 32Petero nende aba yali ninabo bali mundoolo, ne olwa basimukukha, balola Oluyali lwa Yesu nende abasaatsa babili nibasinjiile ninaye. 33Ne olwa abasaatsa babili abo bali nibalekhananga nende Yesu, Petero yaboolela Yesu ari, “Omwami, nobulayi mbu khuli hano. Chende khumbashe amatili kataru, elala elilio, elindi elia Musa, nelindi elia Eliya,” (Shiyali namanyile eshia yali naboolanga tawe).

34Olwa Petero yali nashiboolanga ario, lileesi lietsa nilibafuunikha. Mana abeechi abo nibaria muno olwa lileesi elo liabafuunikha. 35#Isa. 42:1; Mat. 3:17; 12:18; Mrk. 1:11; Luka 3:22#2 Pet. 1:17,18Omwoyo nikurula mwileesi elo nikuboola kuri, “Uno niye Omwana wanje omuheelwa, mumuhulilenje!” 36Ne lwomwoyo okwo kwamala okhuboola, Yesu yalolekha nali yenyene. Abeechi abo baholeela namakhuwa ako, shibaboolelakhwo omundu yesi yesi mutsinyanga etsio aka bali nibaluutsi tawe.

Yesu ahonia omusiani owali neshishieno

(Mat. 17:14-18; Mrk. 9:14-27)

37Inyanga yalondakhwo olwa Yesu nende abeechi bataru abo bali nibakholomooshe okhurula khushikulu, omukanda kwabandu omukhongo kwamubukaanila. 38Omundu mulala khubomukanda abo yalanjilisia naboola ari, “Omwechesia! Ekhusaaya mbu, ohenjekhwo omwana wanje omusiani uno, okhuba nomutelwa. 39Eshishieno shimutiilanga mana yayula, nishimukalakasia, okhuula olwa lifilo lirula mumunwakwe. Shimusaalisinjia muno, nishilamulekha bwangu tawe. 40Esaayile abeechibo okhushirusia, nebutswa bakhayilwe.” 41Yesu nakalusia ari, “Inywe olwibulo olubula obusuubili khandi olumayanu luno! Noluhono shiina olwa ndalabetsanga ninenywe nemwifwilanga? Reera omwanawo hano.” 42Ne lwomwana oyo yali nashiitsanga, eshishieno nishimukwisia hasi, nishimukalakasia muno. Mana Yesu nahalabila eshishieno eshio, ne nahonia omwana omusiani oyo, kho namukalusilia samwana. 43Mana abandu boosi nibahuchisibwa muno khubunyali bwa Nyasaye.

Yesu aboola khandi khukokhufwakhwe

(Mat. 17:22-23; Mrk. 9:30-32)

Abandu bali nibahukanga khu aka Yesu yali nakholanga koosi, ne naboolela abeechibe ari, 44“Mulebilila akendi ahambi okhumuboolela ta! Omwana womundu alahaanwa mumakhono kabandu.” 45Nebutswa abeechi shibamanyilisia eshisina shiamakhuwa ako tawe. Kabiswa khubo kho mbu, baleshe okhumayilisia, nabo nibaria okhumureeba eshisina shiamakhuwa ako.

Omukhongo mubwami bwa Nyasaye ni wiina?

(Mat. 18:1-5; Mrk. 9:33-37)

46 # Luka 22:24 Abeechi bachaaka okhuyingana abeene khu beene mbu ni wiina khubo omukhongo okhushila abandi. 47Ne olwa Yesu yamanya aka bali nibaparanga, yabukula omwana omutiiti namusinjisia ahambi ninaye 48#Mat. 10:40; Luka 10:16; Yoh. 13:20ne nababoolela ari, “Omundu yesi yesi owinjisia omwana omutiiti uno muliira lianje, yanzinjisia isie. Ne ounzinjisia isie, amwinjisia oyo owaruma. Okhuba ouli omutiiti mwinywe mwesi niye omukhongo khuboosi.”

Oulakhwikaana ta, nowelubekalwo

(Mrk. 9:38-40)

49Yohana naboola ari, “Omwechesia khwalutsi omundu undi narusinjia ebishieno muliiralio, nikhumukaania shichila shiali womukanda kwefwe tawe.” 50Nebutswa Yesu naboolela Yohana nabeechi bandi ari, “Mulamukaanie ta, okhuba oulamwikaana inywe ta, nowolubeka lwenywe.”

Abasamaria baloba okhwinjisia Yesu

51Olwa ebise biali nibili ahambi okhuula ebia Yesu okhuyilwa mwikulu, yasumukha okhutsia Yerusalemu. 52Kho naruma abarumwa imbeliwe, nibatsia nibenjila mulusoma olwa Abasamaria mbu, bamurecheshele habundu aha yeyalisia. 53Nebutswa abandu abo shibafuchilila okhumwinjisia ta, shichila yali khunjila natsitsanga Yerusalemu. 54#2 Abar. 1:9-16Ne olwa abeechibe, Yakobo nende Yohana balola ako bamureeba bari, “Omwami, wenya khureebe Nyasaye arume omulilo okhurula mwikulu kubamulule?”#9:54 Amahandiko kandi kakhale kameetangakhwo mbu, shinga olwa Eliya yakhola. 55Nebutswa Yesu yashiukhana nabahalabila.#9:55 Amahandiko malala kameetangakhwo mbu, “Shimumanyile imelo yomwoyo okwamulondangakhwo tawe. Okhuba Omwana womundu shiyayetsa okhutibia obulamu bwa bandu ta, nebutswa okhubahonia.” 56Mana Yesu nabeechibe nibatsia mulusoma lundi.

Abakhoyile okhuba abalondi ba Yesu

(Mat. 8:19-22)

57Olwa Yesu nabeechibe bali khunjila nibatsitsanga, omundu undi yaboolela Yesu ari, “Ndalakhulondakhwo hosi hosi aha otsia.”

58Naye Yesu namuboolela ari, “Amabwe kali nende obwina bwako, nako amanyonyi kali nebitsu biako, nebutswa Omwana womundu abula habundu aha okhuhuluushila tawe.” 59Mana Yesu naboolela oundi ari, “Nondakhwo.” Nebutswa omundu oyo yamuboolela ari, “Omwami, lekha enzie eyabile Papa wanje mbelio.” 60Yesu namukalusia ari, “Lekha abafu bayabile abafu babwe abeene, nebutswa iwe, tsia oyaale aka Obwami bwa Nyasaye.”

61 # 1 Abar. 19:20 Ne Omundu undi naboola ari, “Omwami, ndalakhulondakhwo, nebutswa lekha enzie eseebule abeinzu yanje mbeli.” 62Yesu namuboolela ari, “Yesi yesi outiilanga imbako yokhulima mana atsiililila okhuhenga inyuma, shiakwaniile Obwami bwa Nyasaye tawe.”

Currently Selected:

LUKA 9: OLUPR

Highlight

Copy