Zacarías 12
12
Jerusaléncho taqkunata ali rikananpaq Tayta Dios promitishqan
1Kaychömi qelqaraykan Tayta Diospa wilakuynin. Kay wilakuyqa Israel runakunapaqmi kaykan. Jana patsata kamakätsiq, kay patsata shumaq takyatsiq y runata kawayta qoq Tayta Dios kaynömi nin: 2<<Shinkatsikuqno kananpaqmi Jerusalénta tikratsishaq. Tsaymi Jerusalénta y Judáta atacarqa contran nación runakuna shinkashqano rikakur ima ruraytapis mana kamäpakunqatsu.
3<<Maytsay nación runakunami Jerusalén runakunata chikishpan contran sharkapäkunqa. Tsaymi Jerusalén runakunata churashaq jatunkaray rumino kananpaq. Pipis tsay rumita joqariyta munaqtaqa wanuqpaqmi nitinqa>>.
4 Tayta Diosmi kayno nin: <<Tsay witsanmi soldädukunapa lapan cawallunkunata mantsakätsishaq. Tsaynölami cawallu muntaq soldädukunatapis löcuyätsishaq. Juk lädu nación runakunapa cawallunkunatapis qaprayätsishaqmi. Judá runakunatami itsanqa ali rikashaq. 5Tsaymi Judá soldädukunapa capitanninkunaqa shonqulancho kayno nipäkunqa: <Lapanta mandaq Tayta Diosmi Jerusaléncho taq runakunata imaypis yanapan>.
6<<Tsay witsanmi kamakätsishaq Judá soldädukunapa capitanninkuna shanshano kananpaq. Tsaymi yantata y trïgu manöjuta nina ushashqanno paykunapis vecïnun nacionkunata itsuq kaq lädunpapis alawqa kaq lädunpapis ushakätsinqapaq. Jerusalén runakunanami yapay markalancho tanqapaq. 7Jerusalénta manaraq salvar puntataqa Judácho kaykaq wakin marka runakunataraqmi salvashaq. Tsaynöpami Jerusaléncho taqkuna y Davidpita miraqkuna runa tukärinqanatsu.
8<<Tsay witsanmi Jerusaléncho taq runakunata pipis atacaptin noqa Tayta Dios yanapashaq atacaqninta vincinanpaq. Tsaycho taqkuna mayqanpis pishi kalpa kaptinqa yanapashaq rey Davidno kalpayuq kananpaqmi. Tsaynölami Davidpita miraqta yapay churashaq rey kananpaq. Pay mandanqa puntanta aywaq ángel mandashqannömi.
9<<Tsay witsanmi mayqan nacionpis Jerusalénta atacaptin tsay atacaq nacionta chipyaq ushakätsishaq. 10Davidpita miraqkunatami y Jerusaléncho taqkunatami tantiyatsishaq kuyapäkuq kananpaq y imay hörapis manakamänanpaq. Tuksimashqanta#Juan 19.37; Apoc. 1.7. rikamarmi waqapäkunqa. Qechpa tsurin wanuykuptin waqaqnöraqmi makinta choqparkur waqapäkunqa.
11<<Tsay junaqmi Meguido pampacho kaykaq Hadad-rimónpaq lakikushqanno Jerusaléncho fiyupa lakikärinqapaq. 12Judá runakunaqa fiyupa lakikur aylunpa aylunpami waqapäkunqa. Tsaymi waqapäkunqa David aylupita miraqkuna warmintin, Natánpita miraqkuna warmintin, 13Leví trïbupita miraqkuna warmintin, Simeipita miraqkuna warmintin, 14y wakin kaq aylu kaqkuna warmintin.
Currently Selected:
Zacarías 12: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
